>>سرقتك بالزمن لحظه ... وعشتك با الفراق اوقات <<

الرجال :-تبي معونه شي
ماجد :-لا الله يسلمك بس زي منت شايف الاهل معنا وودنا نخلص قبل لا تطيح الشمس
فهم الرجال تلميح ماجد :-الله يقويك سلام
ماجد :-هلا ..
وبدون ما يشاورهن نزل تحت يحفر عن الكفر وبندر وتركي يساعدونه ..
مرت ساعه وهم يجاهدون السياره ..ناظر ماجد في بندر وقال :-رح جب الجيب حقك مالنا الا نسحبها وجب معك وحده من بناتنا
بندر :- تم
،
قالت وحده من البنات الي جالسات شوي عن السياره :- عز الله انهم رياجيل قول وفعل
نوف وعيونها معلقه بماجد :-اقول عن الخرابيط ذي وش يضمنا انهم كذا
مها :-والله مدري وش يضمنك احمدي ربك انك سليمه للحين
نوف وهي تناظرها قوه :-اقول المنيه ولا يلمسون مني شعره
مها :-فالك ما قبلناه فكينا من هالتفكير الاقشر ..
نوف وهي تشوف بندر رايح :-وين راح ذا ..
مها :-مدري
نوف في نفسها الله يستر ..
شوي الا تركي جاي يمشي لجهتهن وقفت نوف
تركي وهو ينفض التراب عن يده :-اقول يالاخت ماتعرفون رقم جوال احد من اهلكم
نوف :-جوالاتنا ما تشتغل هنا
تركي :- مامعهم جوال الثريا
نوف :-لا
تركي :-طيب ماتدرين وين مخيمهم
نوف وهي تحاول تتذكر :-والله ياخوي ماذكر حنا تونا مخيمين اليوم وعلى اساس بنطلع نتمشى وغرزنا ومع العج ضيعنا دربنا
تركي وهو عاقد حواجبه :-طيب مايخالف ان ما لقيناهم يصير خير
ورجع لماجد بدون ماينتظر ردها ..
قال تركي لماجد الي جالس على ركبه يحاول يلقى طريقه تطلعهم من هالتغريزه العميقه :-البنات ما يعرفن مكان اهلهم ومامعهم جوالات
عصب ماجد :-الحين احد يطلع البر بدون مايكون معه احتياطات ويخلي بنات يسوقن سياره في البر بدون رقيب
وقف ماجد وهو عاقد حواجبه ..ينتظر بندر يجي ..
،
،
،
،
@@@@@@@@ في المخيم
بعد عشر دقايق وصل بندر المخيم اخذ جراكل مويه ومر على طريقه بمخيم الحريم لقى امال وجود جالسات برى ..
بندر من سيارته :-امال تعالي معي
امال :-وين
بندر :-فيه بنات صاير لهن مشكله و سيارتهن مغرزه ونبي وحده تجي معنا عشان يتطمنن
امال وهي تناظر في بنتها الا تبكي :-زي منت شايف رهف تبكي مدري شفيها
بندر :-خليها مع جود
امال :-ماراح تسكت
دق ماجد على بندر وعرف ان صبر ولد عمه على اخره
قال بندر بعصبيه :-جود تعالي معي
جود :-انا
بندر :-اجل جدتي
سكتت جود تعرف اخوها لاعصب موب زينه اخلاقه قالت لامال :-امال وين عبايتك
امال :-شوفيها هناك بوسط سجادة الصلاه نسيت اجيب جلال معي
دخلت جود الخيمه واخذت عبايه اختها وركبت مع بندر ..
دق الجوال مره ثانيه
بندر :-هلا يالله انا اشوفكم الحين
رمى الجوال وهو يكلم نفسه بهمس بس سمعته جود "ياشينك لا عصبت يا ماجد"
طاح قلبها وقالت لبندر بدون شعور وهي تراجف :-بندر رجعني المخيم
ناظرها بندر :-خير ان شاء الله
جود بهستيريا :-بس مابي اروح
عصب بندر :-اقول اهجدي بس نلعب حنا
الا وهو يهدي السرعه ..رفعت عيونها وشافت ماجد وتركي واقفين ينتظرونه ..
كان وجه ماجد مشحب على الاخير وانقبض قلبها مليون مره ..
نزلت وراحت للبنات والعيال بدو يشوفون شغلهم مع السياره ..
جود :-السلام
نوف بلهفه :-هلا وعليكم السلام
جود وهي تناظر الحوسه الي صايره :-خير ان شاء الله شصاير
وعلمنها البنات بكل شي ...
جود وهي تبتسم والابتسامه كانها تشق وجهها شق :-الحمد لله ربي ستر وان شاء الله العيال مو مقصرين
نوف :-والله مدري كيف نشكرهم ..
جود :-الشكر لله
ناظرت في ساعتها لقتها بحدود سبع باليل ..
ركزت النظر على ماجد شكله غريب مره وكان وجهه متغير لونه ..
وبعد كم محاوله قدروا يطلعون السياره اخيرا
قالت جود :-غريبه محد بين من اهلكم شكلك مبعدين عن مخيمهم مره
نوف بندم :-أي والله شكلنا ياخوفي لايصير في امي شي قلبها مو متحمل وابوي بعد
جود :-الله بيستر ان شاء الله
نوف :-امين ..
فجاه الا تشوف ماجد يطيح ..وكن الي انشلع قلبها وبدون شعور لقت نفسها تركض لهم
قالت بخوف :-وش فيه ..؟
بندر بخوف :-مدري ..
تركي وهو يرش ماء على وجه ماجد وماصحى جلست جود تبكي وظهرها لباب السياره وتناظرهم وهم يحاولون يصحونه
صرخت بندر صدره كله دم ..
نزل بندر راسه وشاف صدر ماجد عليه دم وبدون تردد شق بندر ثوبه من فوق والصدمه كانت جرح على طول الصدر وكانت به خياطه واسلاكها لسى فيه ماراحت
..
ناظر بندر في تركي يحاولون يلقون اجوبه للي يشوفونه ..شكله من المجهود الجرح انفتح ..
جود تحس بيغمى عليه قالت وهي تبكي :-بندر ماجد وش فيه ..
ناظرها اخوها وهو في كرب من الي يشوفه :-جود روحي للبنات حنا جبناك عشان تجلسين معهن
جود :-لااااا ..مقدر
ناظرها بندر وقالت تحاول تبرر موقفها :-ماجد زي اخوي مقدر اروح هناك بندر تاكد الله يخليك هو حي ولا لا ..
*هو يسمع صوتها تبكي وتترجى ولا يتخيل صوتها كالعاده باحلامه *
ورجع يغمى عليه ..
قال تركي :-الدم واجد لازم نوقفه بسم الله كل هالدم من هالجرح
بندر :-احمد ربك ذا النزف ولا شي ..
تركي :-دور لنا شي نحطه على صدره ..
نزلت جود شالها الابيض وعطته ولد اخوها يحطونه على الجرح ..
قال بندر لتركي :- انا بطلع الرياض بماجد مانيب جالس اشوفه ينزف لين يموت انت اخذ البنات على الجمس لمخيمنا

تركي :-طيب بس انتبه على الطريق
بندر :-ساعدني ندخله السياره ..
وبطاقه عجيبه قدروا يشيلونه لان ماجد طويل وبنيته قويه ..ركبه بندر بالسياره وطلع على طول للرياض
جت نوف لهم :-خير ان شاء الله
وكانت جود تبكي في عالم ثاني ..
تركي :-ماصار الا كل خير نادي خواتك بنروح مخيمنا والوقت متاخر والجو بدا يبرد
نوف بتردد :-بس....
تركي بضيق وهو يناظر في يدينه المدميه من جرح ماجد :-يا اختي نجلس بالخلا شنسوي خلينا نروح نتعشى ونتدفا عند اهلنا ابرك لنا
رحمة حاله ووافقت ...
قال تركي بالسياره بشكل عام :-الي صار لماجد تو مانبي احد يدري عنه مانبي نخوفهم على الفاضي وحنا بكره راجعين للرياض وراح يعرفون كل شي ..سمعتي ياجود
هزت راسها وهي تبكي ووتراجف ماجد حي ولا .......... نبذت هالفكره من راسها بسم الله عليه فيها ولا فيه ..
وصلو المخيم وغسل تركي يدينه ..
قالت نوف لجود :-جود انتي بخير مقدرت جود تتكلم وهزت راسها ...
بعد شوي قالت جود :-تعالي بنادي اختي ندى تعرفك على الاهل
نوف :-وانتي ..؟
جود :-بجلس بلحالي شوي
نوف :-ان شاء الله بيكون بخير يا جود
انكمش قلب جود وهي تدعي في سرها يكون سالم ..
نادت ندى الي نست الضيوف وهي تشوف اختها تصيح :- جود شفيه ..؟
جود :-تهاوشت مع بندر خذي البنات عرفيهم على العايله
ومشت طوالي ..بعد ربع ساعه جت ندى لجود تمشي بسرعه ...
قالت بعصبيه :-جود شصاير ..؟
ضمتها جود :-ندى ماجد اغمى عليه وصدره ينزف دم ...خايفه لايموت ..ولا...........
قاطعتها ندى بخوف :-جود قلبي فهميني وش الي صار حبه حبه
جلست جود تشرح لها وهي تشاهق وتبكي وحالتها حاله ..ناظرت ندى وشافت نظاره ماجد الشمسيه في يد جود ...
سكتت ندى وهي راحمه حال اختها ...وضامتها لصدرها ..وجا موعد العشا ولازم يروحن غسلت جود وجهها وكان مبين انها تعبانه وعيونها محاجرها سودا ...
قالت امها :-يمه فيك شي
جود بصوت رايح :-تعبانه يمه شوي
ام صالح :-سلامتك يا بنيتي وش يوجعك
جود :-راسي مصدع
ام طارق :-الله يعين الحين شكلك منتهيه وهذا بس صداع ..
حقرتها جود لان مالها طاقه تحكي ...
ام ماجد :-طيب يمه تعشي
جود :-تسلمين يا عمه مالي فيه ..
ام ماجد :-لقمه طيب شكلك ماخذه برد
جود :-يمكن والله ياعمه ان كليت برجع مالي فيه بروح انام تصبحون على خير ..
ريووف :-وانتي من اهله تبيني اسوي لك كابتشينو او أي شي يدفيك
جود :-تسلمين بنام مابي شي
وطلعت من الخيمه ولحقتها امال وعقب ندى ...
حاولت امال تخليها تاكل بس مافيه امل ..
ندى وهي مدمعه :-يعني تموتين نفسك جوع ..
ناظرت بعيون ندى وفهمت ندى الرساله(كيف اكل وهو مايطب جوفه الاكل)
انسدحت ع الفراش وغمضت عيونها وطلعن خواتها من هنا الا والدموع ترجع تهل من هنا ...
***************************
(الفصل الخـامــس)
على العشاء فقدو بندر وماجد قال ابو متعب :-العيال وينهم ..
قال ابو طارق :-على حدود المغرب شفتهم ماخذين سلاحهم يصيدون وبعده جا بندر واخذ السياره ..
ابو متعب :-ايه عشان كذا ما بانو للعشا شكلهم بيباتون هناك
ابو طارق :-والله يمكن ..
الا وتركي جاي وجالس ..وتجمعوا العيال على العشا ..وعلى بالهم ان بندر وماجد قانصين وحمد تركي ربه انهم ما سالوه عنهم لانه ما يبي يكذب على ابوه وجده ..
قال ابو متعب :-الجمس الي قدام مخيم الحريم لمن .؟
قال مشاري :-أي والله صدق لمن الجمس انا كنت بسالك ونسيت
تركي :-الجمس لبنات لقيناهن مغرزات اليوم
فارس جلس يصفر ..
خالد :-هههههههههههههههه خير يا فارس
فارس يستهبل :-فاتني نص عمري ..
طارق :-هههههههههههههه والله حسوفه
تركي :-ههههههههههههههه
ابو متعب وهو يخزهم بس سكت لانه عارف عياله وقت الجد ما فيه زي نخوتهم
لكنه قال :-طيب من طلع البنات انت ..؟ واهلهن وين ..؟
تركي :-طلعناهن انا وبندر وماجد
ابو متعب :-ماجد ..
وابتسم لانه عرف ان شي ينذكر فيه ماجد منتهي موضوعه
كمل تركي ..:-ايه ماجد وحفرنا وحاولنا نطلع السياره بس تغريزتهن كانت عميقه
ابو طارق :-ورى ما جبتو وحده من السيارات وسحبتوهن
تركي:-يوم تعبنا جبنا جيب بندر وسحبناهن لين الوقت متاخر والبارد والجوع ذابحينا
ابو متعب :-اهلهن وين .؟
تركي :-مدري وينهم ومامعهم جوالات ولا شي وما لقيت حل الا اجيبهن هنا ماعاد فيني حيل
ابو متعب :-وين العيال .؟
ارتبك تركي وتماسك عشان صحة الشياب :-مدري عنهم انا جيت مع جود وهم ركبو الجيب
ابو متعب :-جود معكم
تركي :-ايه ماجد قال لبندر يجيب وحده من البنات تجلس معهن لين نخلص
ابو متعب برضا :-ونعم الراي
تركي :- والله مشكله ان ماجو اهلهن لاننا نبا نمشي الرياض بكره
ابو متعب بلهجه حاسمه :-منتم مخطين من هنا الا اذا لقينا اهل البنات
سكتو كلهم لان كلمه ابو متعب وحده وما تتثنا ولا تنعاد
تأزم مشاري لان وراه أشغال وعرسه مابقي عليه شي ويا دوب يلحق عمره بس سكت واذا ما مشوا بكره سبقهم هو للرياض ..
قال عبد المجيد زوج امال :-اقول يا عمي وش رايك بكره ندور اهل البنات اكيد مخيمين حولنا
ابو متعب وهو جالس متركي على المركى وحاجونه بيده :-ما هيب شينه ومن هنا لبكره يمكن يجون اهلهن وما يحتاج تطلعون تدورون
عبد المجيد :-خير ان شاء الله ..
،
،
@@@@@@@@> بعد ساعتين ونص
دخل بندر الرياض كان يمشي بسرعه غير قانونيه ووقفته الشرطه
قال بندر للشرطي :-يا خوي ولد عمي ينزف وابي اوديه المستشفى وانا جاي من مكان بعيد
قال الشرطي بسرعه :-تسهل اجل
ومشى بندر للمستشفى ...
وصل لقسم الطوارئ ونزل وبعد شوي جو الممرضين واخذو ماجد لداخل المستشفى ,,
جلس بندر بالطوارئ ملابسه مغبره وعليها دم وشماغه بالمخيم وحالته حاله ..
وقف يسال الطبيب :-بشر يا دكتور .
الطبيب وهو يناظر فيه :-انت تعرف المريض .؟
بندر :-ايه اعرفه المريض هو ولد عمي ..
الطبيب :-معك إثباته ..؟
بندر وهو ماسكـ نفسه :-ايه معي اثباته ولا كيف كتبت الاوراق هنا
الطبيب :-ايه صحيح طيب تفضل معي المكتب ..
بندر بخوف :-خير ان شاء الله ماجد فيه شي
الطبيب :-لا ان شاء الله مافيه الا الخير بس مافيني حيل اكلمك وانا واقف والمكتب قدامنا تفضل
مشى الطبيب ولحقه بندر واعصابه شوي وتحترق ..
جلس الطبيب وقال :-ولد عمك مصاب من فتره وسبب النزف انه باذل مجهود واسلاك خياطة الجرح تقطعت وانفتح جزء من الجرح من جديد
سكت بندر ووجهه اصفر ثم اخيرا لقى لسانه وقال :-طـ..طيب وش سبب الجرح ماعندك فكره
الطبيب وهو يعقد حواجبه :-ماعندك فكره عن سبب الجرح
بندر وهو يدخل يده في شعره :-يا خوي ما دريت الا وهو طايح وصدره كله دم ماعندنا فكره ان فيه شي
الطبيب قدر صدقه وقال :-ان ما خاب ظني انه مطعون بماده حاده يا سكين يا قزاز ماعرف ما هيته بس هو مطعون ..
طلعت عيون بندر قدام من الصدمه والقهر لان ماجد ماجاب له سيره وهو صديقه الروح بالروح قال للدكتور :-طيب والحين كيفه
الطبيب :-نظفنا الجرح لا يلتهب ورجعنا سكرناه هو بخير وصاحي الحين لاننا سوينا له تخدير موضعي بس لكنه دايخ لانه فقد كميه كبيره من دمه ويحتاج للتغذيه عشان يعوض وراح اكتب له مضادات ولازم يبقى بالمستشفى اسبوع لانه اهمل بنفسه وبغى يروح فيها لولا ستر الله
بندر وملامحه لسى متوتره :-ما ظنيته بيجلس لانه ما يحب المستشفيات خير شر
الدكتور :-لو انه متبع تعليمات الطبيب صح كان يمدي جرحه طاب وانفكت خيوطه من نفسها وللاسف موب باختياره بيجلس وهذي مهمتك اقنعه وخله يتعقل
بندر وهو يوقف ويمد يده للطبيب :-الحمد لله على كل حال والله يعطيك العافيه ماقصرت اقدر اشوفه الحين
الطبيب :-خله يرتاح انا افضل تجيه بكره الصبح ..
بندر :-ما يخالف مع السلامه
وطلع من مكتب الطبيب يجر رجوله جر ..والافكار تجيبه وتوديه ناظر في حالته يبيله حمام دافي ونومه عشان يرتاح ..
/
/
/
/
@@@@اليوم الثانيـ...
فتح ماجد عيونه ويغشى عليه الشوف يحس بصداع والم خفيف زي الوخز بصدره ..
ركز النظر لقى نفسه بغرفه وعنده ممرضه تكلم الطبيب بهمس ..
انتبه الطبيب الى ان ماجد صحى من النوم :-صباح الخير
ماجد بصوت خشن :-صباح النور
الطبيب :-كيفك اليوم
ماجد وهو يسحب نفسه ويجلس :-بخير الحمد لله كم الساعه ..؟
الطبيب :-6 الصبح
تاوه ماجد لان صلاة الفجر فاتته ..ونزل من السرير جت لمه الممرضه بتساعده ووقفها بحركه من يده وبجهد وقف ...بعد ما توضى جا وصلى الصلوات الي فاتته بسبب الي صار له ثم فحص الطبيب الجرح واخذ الدواء
الطبيب :-لا اليوم الحمد لله فيه تحسن
ماجد :-يوم صابني الجرح ما اغمى علي زي امس (كانه منقهر بسبب ضعفه المفاجئ)
الطبيب :-شي بديهي الي صار صحيح انت رجال قوي وصحتك ممتازه لكن كلن له حدوده وانت اهملت بنفسك وماخذت المضادات ..
ماجد بهدوء:- محد يموت قبل يومه
الطبيب :- (ولا تلقوا بايديكم الى التهلكه) وبسبب اهمالك راح تبقى معنا بالمستشفى اسبوع على الاقل
ماجد بقرف :-هه اسبوع ما انهبلت للحين
الا وبدخلة بندر .......
ما رد الطبيب واستاذن طالع ..كان بندر زعلان من ماجد لانه خبا عليه سبب جرحه وعرف ماجد هالشي من ملامح بندر المكشره
بندر :-السلام
ماجد :-وعليكم السلام
بندر وهو يخزه :-شخبارك اليوم ..؟
ماجد :-بخير الحمد لله احسن من الايام الي فاتت بكثير
طلع بندر من طوره :-ياشينك بس تعبان ومهمل بنفسكـ وبعدين ترى واصله معي ورى ماعلمتني وش صار لك انا كنت حاس قبل مانطلع انك متغير وفيك شي متعبك
ماجد وهو يناظر في ملابس المستشفى بقرف :-كنت بعلمك بس تعرف اختي وافلامها وجت طلعتنا وماجا وقت
بندر وهو رافع حاجب :-خلني من اعذارك ولا تلف الموضوع وش الي صاير ..
سكت ماجد شوي ثم قال :-تعرف العم عبد الكريم
سكت بندر يتذكر ..
كمل ماجد :-الساعي الي بالشركه الي يودي ويجيب اوراق
بندر :-ذاك الشايب الطيب
ماجد :-ايه
بندر :-علامه
ماجد بقهر :-له ولد عمره 23 مدمن مخدرات يعني مايكفي ان ابوه يالله يصرف على امه وخواته يجيهم بهالمصيبه ويبذر الفلوس الي هم بامس الحاجه لها
بندر وهو مركز مع ماجد :-طيب
ماجد وهو يعدل جلسته :-ولا شي كنت بمكتبي الا اسمع صراخ وصوت عالي طلعت بالسيب الا اشوفه ماسك ابوه مع حلقه
عصب بندر :-لا يا الخسيس
ماجد وهو يهز راسه :-ويصارخ على ابوه ويدينه تنبش جيوب الشايب يدور فلوس وطبعا البهايم الي عندي بالمكتب ما قدرو يخلصون الشايب من يدين هالعاق مالقيت نفسي الا ضاربه لين قال الله حق والتفت يم ابوه ارفعه عن الارض ناداني باسمي والتفت الا بيده سكين جا بيطعني بس مسكته لكن هالشي ما منعه انه ياذيني والحمد لله على كل حال وجت الاصابه مو عميقه حيل
بندر بدون ما يتمالك نفسه:-لا يالكلب ..
ماجد :-ماقصروا فيه رجال الامن عطوه الي فيه النصيب
بندر بحقد :-وينه فيه الحين ..؟؟
ماجد :-بمستشفى الامل
بندر بحقد :-كانت تركته يخيس بالسجن ماعاش من يرفع يده عليك
ماجد بمنطقيه :-ما يصير نعالج الغلط بغلط صحيح انه اخطا علي وبغا يذبحني بس تعرفني مانيب طيب مره (وابتسم) لاني ضربته والامن عندي ضربوه وشفيت غليلي ..لكن بالنهايه ما هانت علي نظرة الانكسار الي شفتها بعيون ابوه الشايب الضعيف الي يحتاج للدعم والراحه في سنه ذا ولا هان علي اشوف شاب بعمر الزهور يضيع وانا بيدي اكون سبب حتى يشافيه الله والواحد ما يدور الا الاجر ورضى الله عليه
هز بندر راسه :-الله يجيرنا من الحياد عن الطريق المستقيم والله يجزاك خير لو مكانك دبغته لين يقول بس ثم كرشته برى الشركه
ماجد :-هههههههههههههه ايه هين ماعرفك انا
بندر :-هههههههههههههههه الله يقطع ابليسك خوفتني عليك وبس
ماجد (يستهبل) :-هههههههه ماصار الا الخير يعني ما يحق لي اتدلع
بندر :-هههههههههههههههههههههههههههههههه تدلع مو تفقع قلوبنا
ماجد :-ههههههه طيب طلعني من هنا مو متحمل اجلس مليت
طلعت عيون بندر :-نعنبو ابليسك مالك الا كم ساعه وتقول مليت
ماجد بطفش :-غيري احق بهالسرير وانا مابي الا العافيه
بندر بعناد :-عايف نفسك انت طلعه مافيه الا اذا كتب لك الطبيب خروج
ماجد بعصبيه :-بيغصبني يعني ، يذلف عني لا اشوته من وظيفته ..؟؟
تافف بندر :-شكل تاثير المسكنات منتهي
خزه ماجد وسكت بندر وهو ماسك نفسه لا يضحك ..

@@@@>بالمخيم
كان الوقت الضحى ... وابو متعب جالس جنب الجزه يتقهوى ..الا ويشوف سيارتين جايات لجهتهم ..
وقفت السيارات ونزل منها شايب معه اربعه شباب طول وعرض
الشايب :-السلام عليكم
ابو متعب وهو يوقف :-وعليكم السلام ..
يوم تبين وجه الرجال الي كلمه جلس دقايق يسترجع الذاكره ...فجاة تذكر :-ابو فيصل
انتبه الشايب لنبرة الصوت وعرفه –ابو متعب ياهلا وغلا
وسلمو على بعض وبالاحضان ..
ابو متعب وابو فيصل كانو جيران زمااااااااااان بس نقل جارهم واختفت اخباره وبذيك الايام ماكان فيه جوالات ويمكن فيه بس مو متداوله بشكل كبير ومهم وهم بعد نقلو لبيتهم الجديد ..
ابو متعب :-وش هالمصادفه الزينه وينك يا رجال قطعتنا ولا ندري عن اخبارك
ابو فيصل :-اه يا وخيي يوم سافرت الديره بسبب مرض الوالد توفى واضطريت استقر هناك وارتب اموري واستلمت متطقته من بعده ويوم رجعت مره للرياض اخلص لي كم معامله لقيتكم تاركين البيت وعجزت اوصل لكم والسنين جرت سنين واخذتنا المشاغل بس والله انكم بالبال ..
ابو متعب وهو يشد على يد صديق عمره الي فقده هالسنين الطويله :-بس انتم شلون عرفتوا اننا مخيمين هنا
ابو فيصل :-شفت الجمس الي موقف قدام مخيم اهلكم
ابو متعب :-علامه
ابو فيصل :-هذا الجمس لنا
ابو متعب :-البنات بناتكم
ابو فيصل وخطوط الهم الي على وجهه تخف شوي :-والله ما ذقنا اكل ولا نوم من امس دورناهن ومالقيناهن واخذتنا الوساوس شرق وغرب .
ابو متعب بابتسامه :-ماصار الا الخير وبناتكم بالحفظ والصون
ابو فيصل :-مايجي من اهل الاصول الا الاصول
ابو متعب :-ماعليك زود يابو فيصل
الا بدخله تركي ومشاري وابو طارق معهم:-السلام عليكم
سلموا على ضيوفهم وحلفوا عليهم بالغداء ..وراحت الساعات تمر من احلى ما يكون بين ذكريات الماضي واحداث الحاضر ...
،
،
،
@@@@>مخيم الحريم
ناظرت ام صالح في جود وقالت :-بنيتي فيك شي ..؟
ام بندر :-شكلها مسخنه يا عمه
ام صالح وهي تناظرها بقوه :-شرهتها مب زينه لا رجعنا الرياض وديها مستشفى
قالت جود وهي تحاول تاكل تفاحه عشان تسكتهم عنها :-انا بخير شكل دخلني برد امس وماثر علي
ام ماجد :-شكل السالفه كذا ...
ناظرتها نجوى نظره جامده وهي تحكي في نفسها "انتقامي منك ما انتهى ان ما دمرتك ماني نجوى "
جود في نفسها وهي حاسه بنظرات نجوى عليها "لو النظرات تذبح كان غديت قتيله الحين عسى عيونك العمى "
قالت ريووف لنوف :-سبحان الله الي جعل تغريزتكم سبب في جمع عمي مع رفيق عمره
ابتسمت نوف :-ههههههه اشوا بيخف عنا العقاب لان ابوي لقى عمي ابو متعب
ريووف :-ههههههههههههههههههه تهون على اتفه سبب اهم شي يكون درس مفيد لكم وماعاد تسوقن بلحالكن في البران
نوف :-ههههههههههههههه تووووووووووبه ..
مها وهي تخز اختها :-ماني مها ان طعتك بعد اليوم
ريوف بنت علاقه حلوه مع البنات الاربع والاكثر مع نوف لانها تقاربها في السن غير قوتها ووضوح تاثير اخوانها العيال عليها لانها تتكلم بمنطقهم وتتصرف زيهم بنت رجال بحق وحقيق ..
ريووف :-مو لا رجعتو الرياض تنسوننا
نوف كانت تبادل ريووف الشعور الحلو الي نما بينهن في يوم وليله :-ولو معي ورقه ربحانه انه ابوي رفيق عمي ابو متعب هانت يعني وان شاء الله ما نقطع عن بعض
قالت نوف بتردد :-ريووف ممكن اسال سؤال .
ريووف :-تفضلي
نوف :-الحين من زوجة ماجد من البنات انا فهمت انه متزوج (وتحسرت في قلبها) بس محتاره منو زوجته
قلب لون وجه ريوف وقالت بربكه :-ايه اخوي متزوج وزوجته نجوى
تأكدت ظنون نوف ان نجوى هي زوجته بس كانت محتاره الي تشوفه شي والي تسمعه شي غير
قالت ريوف :-ليش تسالين
نوف صح انها حبت ريوف اكثر من الكل وهذا ما يقلل من معزتهم وحسن استقبالهم لهم بس للان ما وصلت هالعلاقه للميانه ..
"لا ابد سؤال بس ..؟؟ "
ريوف "سؤال بدون قصد"
ابتسمت نوف "لا بس شفت جود متاثره واجد بسبب الي صار...............وسكتت ووجهها احمر
ناظرتها جود بتركيز وقالت "وش الي صار "
ناظرت مها في خواتها وهن يعاتبن نوف بنظراتهن بسبب زله لسانها ..
تورطت نوف ماتدري وش تقول لانها ان علمتهم ان ماجد مريض بتقوم القيامه وتقعد ..وهي ماتبي ترد جميلهم عليها هي وخواتها بربكتهم وترويعهم ..وجاهم الفرج لان مشاري جا يقول ان ابوهم يبيهم يمشون معه ...وماصدقت نوف خبر عطت رقم جوالها لريووف وطلعت بعد ماسلمت على الكل ..
بعد مشاري عن باب الخيمه عشان يمرن البنات ومع الباب الثاني سمع ضحكه زي النسيم العذب ..ماقدر يقاوم مشى للجهه الثانيه وشافها معطيته ظهرها وتحكي مع وحده من البنات كانت واقفه بس داخل الخيمه مو متبينه
مشااري :-احمممممممممممم
ارتاعت ندى وامال معها جت بتدخل الخيمه الا ويد قويه تمسكها من يدها من فوق طاح قلب ندى ..لفها مشاري لمه قال وهو بيتقطع وناسه :-اجل الحبايب مجافينا ومسوين علينا حضر
حمر وجه ندى وابتسمت ..
مشاري وهو يتنهد بقوه ومبالغه :-حرام عليك لاصوت ولاشوف وش سويت انا
ندى استحت منه وخصوصا انه ماسكها ومقربها منه ...همست :-مستعجل على رزقك ليه ..
طبعا امال سوت حركة نذاله ونادت جدتها عليهم ..
طلعت ام صالح وعصاها بيدها :-مشاريوه وش تسوي هنا ..
كشر مشاري وقال يستهبل :-ابد جالس اصيد سمك
رفعت جدته العصا بوجهه وهي ماسكه نفسها لاتضحك من مشاري وهباله قالت وهي تناظر وشلون ماسك ندى ومايبي يفكها :-الحين العجله ماتخليها البنت بتدخل عليها عقب اسبوعين وبعدها اشبع فيها
شب وجه ندى ضو وفكت يدها من مشاري ودخلت الخيمه ..
مشاري وهو ماد بوزه شبر :-حرام عليك يا جده ما يكفي انها ساحبه علي لها اكثر من شهر ..

ام صالح :-بعدي بنيتي ابركها من حزه
مشاري :-حرام عليك يا جده النوم ماعاد له طعم بدون حسها
ام صالح تتعزوى :-انا بنت فالح
طلعت عيون مشاري قدام وقال وهو يضحك :-تعزوت نوره احط رجلي ابرك لي
واناحش لانه يعرف جدته ان تعزوت بابوها يعني بتصفقه ...
ام صالح :-هههههههههه الله يرج عدوك
ودخلت الخيمه ولقت البنات مستلمين ندى تعليقات وضحك ..
ام صالح :-ايه لا تضحك الا مصلي وصوام نشوف وش بتسوون بعدين مع رجالكم
قالت اريام :-ههههههههههههه مافيه عزوبيه هنا الا جود واسماء وعايشه
اماني :-ههههههههههههه يعني حنا بامان
قالت نجوى وهي تناظر جود :-نشوف من سعيد الحظ الي بياخذ جود
ابتسمت جود رغم ان قلبها وتفكيرهاااااااا هناااااااك في مكان علمه عند الله ..مكان فيه النصف الثاني ,, والنفس ,, والروح
"قلتي سعيد الحظ هذا امه داعيتله ياخذني"
ابتسمت نجوى ابتسامه من ورى قلبها ...
قالت البتول :-بنات غريبه ماجد ماله حس وبندر بعد (قالتها بقد ماتقدر من عفويه)
امال وهي تغمز :-قولي بندر وريحينا
البتول وهي تحذف امال بكرتون المنديل ...:-الشرهه على الي يسال
التفتت يم جود وسالتها :-جود وين راحو يوم طلعوا البنات
ناظرتها نجوى بكره وقالت :-ليش ماخذوني بدالك على الاقل الثلاثه كلهم محارمي
البتول طبعا ما تعرف تمسك لسانها :-الحين حنا بوادي وانتي بوادي واذا اخذوا جود وشفيها كلنا متربين جميع ولا يكون براسك تفكير ثاني صدقيني ان درى ماجد جت علوم
نجوى بعصبيه "تهدديني"
البتول ببرود وكبر "انا ما اهددك بس ثمني كلامك وترى حنا ساكتين مو لسواد عيونك لا عشان ماجد بس "
اماني بهدوء " البتول خلاص يكفي"
البتول لاعصبت عصبت "وش الي يكفي ترى انا ما قلت شي للحين وسكوتي احترام لاخوي اصلا انا كنت داريه ان هالزواج غلط من اساسه "
نجوى فقدت اعصابها "على الاقل انا ما زوجوني اهلي وانا صغيره ما افهم شي"
جرحت هالجمله البتول حتى البنات ما توقعوا من نجوى هالتصرف لانها اكبر من البتول بالسن واعقل والبتول معروف عنها ان طبعها حامي تقدر ترادها وتهزئها بس ماتجرحها كذا وهي عندها فكره ان هالموضوع مازم البتول ومازم اهلها معها ,,
قالت البتول ترميها في وجهها "حالي ارحم من الي زوجها مايبيها ويوم ملكته كان عزا للكل "
عصبت اماني "البتوووووووووول"
البتول وهي واصله لاقصى مراحل التعصيب "اماني اتركي عنك المثاليه الزايده هي لو تحترم نفسها وتحترم الغير ما قلت الي قلته لكنها تنفث سمومها على الكل الله يعين اخوي بس "
وقفت نجوى وقالت "انتم كلكم ما تهموني وانا زوجه ماجد غصب عن الي يرضى والي مايرضى وبتشوفون نجوى على حقيقتها لا عشت معه"
التفتت اماني لاختها الملسونه وقالت بعصبيه "البتولوه وبعدين في طولة لسانك"
البتول وهي شابه ضو "ابرك تستاهل يبيلها من يكسر شوكتها وانتن ساكتات هي تقرص زي الحيه وكلكم رخوم"
جود بهدوء "هذي مي رخامه هذا تقدير لماجد "
خزتها البتول "لا تحسبيني غبيه ماشوف سهومها المسمومه الي ترميها عليك من يوم ماجينا لليوم "
جود بغصه "زوجها ويحق لها تغار عليه"
البتول محد يقدر يسكتها او يركبها الحق "على أي اساس تغار "
حمر وجه جود "وش دراني"
البتول "الا داريه وكلنا دارين بس لو مكانها مافضحت نفسي وطلعتها رخيصه كذا والي بينكم كان كلام الكبار وكلن راح بطريقه حب طفوله وانتهى"
انتـ هـ ـى !!
ويننا ووين النهايه كل ما وصلنا لاخر الطريق تمتد الخطوه
لا ما انتهينا ..
ما انتـ هـ ـا !!
عمر الشعور والحب الصادق ما لقى لبداياته نهايه ..يبدا ..يكبر..يزيد ..بس يموت لا حشا
ناظرت ندى في اختها وعرفت ، عرفت الجواب على تعليق البتول ..
دق يزيد على ندى "الو"
"هلا ندوش"
"اهلين يزودي"
"يالله ابوي يقول جاهزين نمشي"
"ايه جاهزين والخيام من الي بيهدمها"
"الله يخلي العمال هم بيتكفلون فيها .......(قال بيحرجها) ...على فكره الي بيودينا البيت حبيب القلب "
حمر وجه ندى وقالت تستهبل " اجل بطير للسياره"
يزيد بصوت عالي "انا ولد ابوي"
ندى "ههههههههههههههه الحين تتعزوى "
يزيد يستهبل "يالله بس لايكثر البسي عبايتك قبل لا تخطين برى الخيمه وتغطي "
ندى "ههههههههههههههههه شرايك اروح مع اخوي متعب موب احسن بعد"
يزيد "-موب شينه ابد"
ندى "هههههههههههه ايه باحلامك يابابا"
انتبه يزيد لانه طول يكلم "نديو قطيعه طفرتييييييييييييني "
ندى "هههههههههههههههههههههاي تكلم دلوع الماما "
يزيد "ياشين الغيره "
ندى "اغاااااااااار منك انت يابو عصاقيل "
"ايوووووووووووه بدت الحاله النفسيه حقت الريجيم تطلع"
ندى "ريجيم ايش احد يسوي ريجيم بعيلتنا "
"هههههههههههههههههه البلا اني اوصلك دايم للنادي بنفسي بالله وش تسوين هناك تعرضين ازياء"
ندى بخباثه "يزودي كم راح من رصيدك للحين"
انتبه يزيد ان ندى مسويه في مقلب وتماطل عشان تروح رصيده "قطيييييييييييييييييييييعه "
وسكر الجوال وندى ميته ضحك ..
جود بابتسامه سطحيه "شعنده ذا الخبل"
ندى "يالله سقول مشينا"
امال تستهبل "يو بعلي ما كلمني يقول امشي"
ندى "ههههههههههههه ناسيه ان الجوالات ماتشتغل هنا"
امال براحه :-ايه صح
ريووف وهي تقوم "هههههههههههههه يالله سيو بطلع اكيد خلودي ينتظرني برى"
اماني "مالت على رجلي ماعنده رومنسيه"
ارياااام "ههههههههههههههههههه عندي وعندك خير "
ندى تستهبل "لا تعقدونا تونا ماخشينا دنيا"
ريووف "مالت يالله سيووووووو"
ودق يزيد معصب ...وطلعوا البنات ...
ركبت جود السياره وجلست بمكانها ورى عشان تاخذ راحتها .
‘‘سبحان الله اخوان .. بس فرق فرق كبير ‘‘
ياترى كيف حالك يا ماجد ..مافيه حس ولاخبر من امس ..
تنفست بقوه تجلي هالعبره الي جرحت ضامرها وتحاول تبعد التفكير عن بكره ..

خليتلي بغياب روحك مساكين
عيني وقلبي والامل والاماني

كن الثواني في غيابك سكاكين
ليتك تذوق شلون طعم الثواني

القلب ماهو قلب والعين مو عين
حتى مكاني ما احسه مكاني

شفني على جال السهر انطرك لين
حسيت بان الجال يصفق عشاني

قلي دخيلك بس وين ابلقاه من وين
من غيبتك بلقاه او من زماني

وش بيننا غير التعب واسود البين
وش لعب في حسبتي واحتواني

كل شي من بكاني من غيابك الى الحين
حتى عدوي من غيابك بكاني

،
،
،
،
،
،
،
،
@@@@@@@@المغرب
وصلت العيله للرياض ..وكلن راح بيته
@@@@بيت ابو متعب
بعد صلاه العشاء جاء بندر البيت ولقى اهله موجودين ..دخل المجلس العربي وسلم على راس ابوه وامه ..
ابو متعب "وينك فيه"
بندر بهدوء ومبتسم عشان اهله ما يرتاعون "ماجد كان تعبان ورجعنا الرياض"
تروعت امه وطاح فنجالها ونزل ابوه فنجاله "خير اخوك علامه"
بندر بهدوء "علامكم مرتاعين مافيه الا العافيه حادث بسيط وهو بخير"
ابوه "من متى .؟"
بندر "من البارح"
عصب "ورى ما علمتنا "
بندر يحاول يدور عذر "يبه حاولت اتصل بكم وجوالاتكم ما تتصل شسوي "
كاشفه ابوه بس سكت وقال "وينه الحين"
"منوم بالمستشفى "
ابوه بصدمه "منوم"
بندر "ايه هو به جرح وملتهب ولازم ينومونه"
ابوه بسلطته "الصبح تكون عندي عشان نزوره"
"ابشر يبه "
امه بكدر "يا عزي عن وليدي هو من امس يعاني وحنا ماندري "
بندر بحنيه " وش بيدينكم يمه لو دريتوا ترى نفس الحاله حنا مانبي نخوفكم وماجد منبهني لا تخلونه يشب فيني حريقه لادرى انكم تضايقتو"
ابتسم ابوه وقال يذكره "سبع وانت عندي "
بندر وهو يحب راس ابوه "على خشمي (قال بتردد) يبه تراي حجزت قاعه للزواج "
امه بفرح "احلى خبر سمعته للحين "
ابوه بصوت فيه تعصيبه مكبوته "ما قلت ان تكاليف عرسك انت ومشاري وماجد علي "
بندر وهو منزل عيونه "ايه"
ابوه "كم دفعت عربون للقاعه "
جا بندر بيعترض ويوم شاف نظرة ابوه سكت وعلمه بالمبلغ ..طلع ابوه البوك وعطاه ياه
"لا تتعودها وتكسر لي كلمه مره ثانيه "
بندر بفشله "ماعاش من يكسر لك كلمه يبه وان شاء الله ما اتعودها "
ابو متعب "خير ان شاء الله "
طلع بندر من المجلس لغرفته وبطريقه لقى جود جادله شعرها جديلتين
"وش مسويه بشعرك ههههههههه"
"حلو صح "
قال يستهبل "يهبل"
جود بدلع "لا والله الا صدق شخبار ماجد "
مشى السؤال على بندر وكانه عفوي او اهتمام عادي ..
"ماعليه ولو انه مطين عيشة الدكاتره والممرضات "
"ههههههههه ليه"
"يبي يطلع مل من المستشفى "
جود ماقدرت تمنع نفسها "وش سبب الجرح يا بندر "
خزها اخوها "ياكثر اسئلتك يا جود انا تعبان من اليوم افر بقاعات الزواجات مو رايق لك"
جود "حجزت قاعه "
"ايه القاعه .........."
جود بحمااااس "روووووووووووعه تهبل الله يوفقك "
بندر "عقبالك "
تغير لون وجهها ومافات هالشي اخوها قالت بسرعه "يالله بروح اشوف لي فلم مابيه يفوتني"
هز راسه وهو عارف انها تتهرب "طيب"
وراحت لغرفتها يدها على قلبها ...جلست على سريرها الزهر وحضنت المخده الكبيره امتلت عيونها بدموع قلة الحيله كالعاده ..الا وجوالها يدق
---à@@@@>نصفي الاخر
ابتسمت يوم شافت رقم صديقتها من ايام الابتدائي
"الو"
اريج "هلاااااااا وغلاااااااا تو مانور الرياض "
"منور باهله"
اريج "شدعوه وراك تهرجين بدون نفس "
سالت دموعها غصب ثنتين تضعف قدامهم جود بشكل عجيب هم اختها ندى وصديقتها اريج ..حست اريج بصوت جود وكالعاده فيه دموع "جود فيه شي الاهل صاير لهم شي"
همست باسمه "ماجد"
تروعت اريج لانها تعرف من ماجد بالنسبه لجود "علامه يا كافي صاير له شي "
جود وهي تشاهق "ماجد تعبان بالمستشفى"
طاح قلب اريج وطلعت بسرعه لغرفتها لا يسمعها احد "جود هدي نفسك وقوليلي وش صار ابي افهم وبليز عن الصياح مو فاهمه ولا كلمه"
مسحت جود دموعها بيد ترجف بشكل مو طبيعي وقالت لها كل شي صار..غريبه لما نكون على علم بهالشي المؤلم وبلحظه
@@@@كل شي بقصتنا لحظات مسروقه ..لحظه بس @@@@
لحظه ..!
ننفجر
.. نتبعثر
..شخص واحد يكون هو البلسم الشافي ...
الصديق الوفي ..
الي صدره بحر الهموم ..وكلامه بلسم ودوا
حتى اقسى خلق الله ما يستغنون عن الصداقه حتى ولو ماقدروها
قالت اريج "خير ان شاء الله ما دام بندر طالع يدور قاعه لزواجه فهذا معناه ان ماجد طيب انتي تعرفين محبته لماجد شلون احيان اشك في انه يحب الوليد وعمر زيه "
جود من ورى دموعها "هههههههههه الله يخس ابليسك"
اريج تستهبل "ايه سمعينا هالضحكه الجونان"
جود "هههههههه قوليلي انا من غيرك وش بسوي"
"بتضيعين او تنتحرين وحده منهم هههههههه"
"يا واثقه ههههههههههههههه"
اريج "طبعا واثقه دنا صديقتك حبيبتك "
"اجل اروج بطلب منك طلب "
اريج بخوف "ههههههههه والله اني داريه من يوم ما قلتي اروج "
جود وصوتها يرجع يرتجف "بطلب طلب بس لا تقاطعيني لين اخلص"
اريج وكن قلبها حاسسها "جويده قلبي مو متطمن قولي اشوف "
جود بضعف "وماتقاطعيني"
اريج بدت تعصب "جويده لا تطولينها الزبده "
وبدت جود تكلم صديقتها وتشرح لها طلبها ...
صرخت اريج بعد ما خلصت جود "بنت انتي انهبلتي اكيد"
جود تترجاها "الله يخليك اروج "
اريج بعصبيه "لا مستحيل "
"تكفين اريج ما قد طلبتك "
اريج تستهبل "ايه اجحدي "
جود وهي تبتسم غصب "طيب عارفه اني دايم اتطلبك بس هالمره غير لاترديني يا صديقه عمري "
اريج بعصبيه "وجعوه يا جود لازم تمسكيني من يدي الي تعورني "
جود بترقب "موافقه "
اريج بغصيبه ولو انها مو مقتنعه "طيب اف منك اطلبي زي هالطلب بعدين وشوفي وش يجيك "
جود "يا بعد قلبي يا صديكتي الصدوكيه"
"هههههههههههههههه وتستهبلين بعد موب انتي الي بتطير رقبتك لا درو اهلك "
"فالك ما قبلناه والله لاردها لك يوما ما "
اريج "يوما ما اذا جا ماني منهبله زيك "
جود "ههههههههههه اذكرك يا اروج "
اريج "فالك ما قبلناه يوووووووه بدا حمود بالصراخ عشان عشاه يالله لا تنسين ارسلي الابيات لجوالي الله يعينني عليك سلام "
جود "هههههههه سلام"

،
،
،
@@@@>الساعه 8 الصبح ..
راح ابو متعب مع بندر وعمر للمستشفى ..
ابو متعب وهو يدخل الغرفه بهيبته ووقاره "السلام عليكم "
انبسط ماجد بشوفه عمه ووقف يسلم عليه "وعليكم السلام "
ابو متعب "ريح يا ولدي "
ماجد بعد ما سلم على عيال عمه "شوفتك راحه يا عمي "
ابو متعب "شلونك اليوم "
ماجد بملل "طيب بس طفشت من الجلسه لا شغل ولا مشغله والدكاتره مصممين اجلس على الاقل اسبوع "
بندر وهو لسى حاقد على ماجد "احسن طبخ طبختيه يالرفلا كليه "
ماجد "هذا وانا مريض ومسكين"
بندر "هه انت مسكين ياشيخ جب غيرها "
عمر "ههههههههههههههههه حتى وانتم بالمستشفيات ماتخلون طبعكم "
ابو متعب "وش سبب الجرح الي بصدرك "
ناظر ماجد في بندر الي اشر له انه ما قال لاحد
ماجد "والله يا عمي مشكله صارت بالشركه عندي وتهجم علي واحد وطعني "
ابو متعب "انا ابو متعب متى ذا الكلام "
ماجد وهو يبتسم لان عمه يتعزوى "قبل طلعتنا بيومين "
ابو متعب "ليه تهجم عليك صاحي ولا مجنون "
ماجد "لا والله مو صاحي يا عمي مدمن مخدرات "
ابو متعب عصب ..
كمل بندر "الرجال ادبغوه لين قال بس واخذوه لمستشفى الامل "
ابو متعب "ليتهم جدعوه بالسجن عشان يتربى "
ماجد "ابوه شايب كبير وهو اكبر عياله ولا ماهو لعيونه اننا ماسلمناه للشرطه "
هز ابو متعب راسه وهو يحمد الله على عياله وتربيتهم بينه وبين نفسه ..
"ونعم الراي يا ولدي وان شاء الله بس تطلع من هنا لذبح قعود "
عمر يستهبل "من قدك يا ماجد قعود مره وحده احيان اشك اني ابوي يحبك اكثر منا "
ابو متعب بفخر وهو يناظر في ولد اخوه تربية يده "غلاكم واحد يا ولدي بس ماجد ريحه الغالي ماجد تربية يدي عاش معي وتحت نظري اكثر من عيشته مع ابوه وله معزه ماهي لغيره "
حب ماجد يد عمه "عسى عمرك طويل يا عمي ما حسيت بفراق ابوي بوجودك الله يديمك لنا "
ما درو ان الوقت سرقهم هالكثر الا يوم جت النيرس وتبلغهم بانتهاء الزياره ..
بعد نص ساعه ..دخلت النرس تشيل باقه ورد احمر يجنن وحطته عند ماجد وبدون كلام طلعت عقد ماجد حواجبه وفتح البطاقه الي مع الباقه ..كانت بدون اسم وفيها قصيده طويله جلس ماجد على الصوفا يقراها ..
اكذب عليك ان قلت ماني بمشتاق...
واكذب عليك ان قلت حبك نسيته*

خل الكلام اللي طعن صمت الاوراق...
يحكي لك اللي ما نطقت وحكيته*


ناظر عيوني شوف تاثير الاشواق...
شوف الفرح وشلون بعدك جفيته*


كتفي يشيل من الزمن فوق ما طاق...
والضيق يرضابي وانا مارضيته*


الى متى وانا انتظر لحظه اشراق...
الى متى والحزن هالقلب بيته*


الى متى والهم ينحت بالاعماق...
واسقيه من فراقك دمع بكيته*


ياصاحبي شف خاطري ما بعد راق...
بنفس الطريق اللي انتهى وابتديته*


ضاق الزمان وكل شي بعدك ضاق...
حتى القصيد اللي بصدري احتويته*


عمر الشعر ما ضيق صدور الاوراق...
الضيق ضيقي لاكتبت وقريته*


تعبت اجمع ما بقالي من اشوااق...
واقول ليت الوقت يفهم ياليته*


ياقو قلبك وانت محرقني احراق
ارفق بحال اللي ذكرك ونسيته*



تدري عزاي ان حدك القلب تشتاق...
دور علي بكل درب مشيته*



يمكن تلاقي درب بدروب الفراق...
يجوز ربي كاتبه واهتديته*


ومدام ربي في يده قسمت الارزاق
انا اقتنعت بما كتبه ورضيته*
شخصت عيونه وطاحت البطاقه من يده على الارض وهمس باسمها "جود"

‘‘‘الفصل السادس‘‘‘

دخلت ريووف غرفتها وسكرت الباب وراها وهي ميته تعصيب .. لمتى .؟ لمتى.؟ بتتحمل خلاص بيح بصدرها كل خافي ..صحيح ام خالد طيبه بس على نياتها وكلمه من عمة خالد توديها وكلمه تجيبها زيارات عمه خالد الاسبوعيه بدت توتر اعصابها ..سندت ظهرها لباب الجناح وهي ترجع شعرها ا الاشقر بيدها ورى
"ياربي لمتى بتحمل هالضغط "
قلبت عيونها في ديكورات الغرفه الزهر تنهدت خالد مو مقصر عنها بشي صحيح احيان يعصب بس كلما عصب وتنرفز حست بوجوده كرجال في حياتها ..له هيبته وقوته وحسه..ما اكره الرجل اذ جاء زيه زي أي قطعه اثاث بالبيت وكلمه توديه وكلمه تجيبه هذا رجال بالاسم ووجوده وعدمه واحد ..
تقدمت وجلست على الصوفا الي جنب السرير وهي تتنهد الغيره صعبه صعبه صعبه ...
تحس بنيران تشب بجوفها وتحرق كل شي ودها تبكي بس حتى الدموع عنها عصيه ..
ناظرت في الساعه لقتها بحدود 9 باليل سحبت نفس عدلت مكياجها وتنورتها الجنز وبلوزتها السوداء ..رضت عن نفسها على الاخير عسى هالعشا يعدي على خير
عضت على شفايفها وهي تشوف فاطمه بنت عمه خالد تترزز..
فاطمه بخباثه "هلا بمرة خالد الا وينك تركتينا ورحتي "
ريووف وهي رافعه حاجب "رحت اريح شوي "
فاطمه "تريحين من ايش "
ريووف بدلع "نسيتي اننا ما جينا من البر الا امس"
قاطعتهم عمه خالد (ام نايف) "يا شين الحرمه لا قامت تسحب رجالها وراها يا ام فهد "
فهد هو اخو خالد الكبير ..متزوج وعنده بنتين وثلاث عيال بس ساكن في بيت بلحاله قريب من دوامه البعيد عن بيت اهله ثم اخوهم حمدان متزوج عنده ولدين وساكن معهم بنفس البيت بس مسافر هو وزوجته وعيالهم للشرقيه يغيرون جو والثالث خالد هو اقرب اخوانه لامه عشان كذا دربها من دربه دايم ..ثم اخواته اربع متزوجات كلهم وموظفات وعلى علم وخلق ويحبون ريووف مره ..
ارتبكت ام فهد وما ردت ..
خزتها ريووف وهي تدعي ربها تعدي هالليله على خير ..اشتاقت لخالد بشكل كبير ..اليوم الصبح طلبوه في الدوام للطوارئ لان عندهم ازمة طيارين ..وراح كان ودها تجلس معه ويسولفون ويطلعون لان هالاجازه فرصه ما تتعوض لريووف الي دوام زوجها مبعده عنها .
قالت ام نايف تنتقدها "البر مسمرك مره شكلك مو زين "
بغت ترد عليها وتقول مالك دخل لكن غلاة خالد منعتها .. قالت ريووف تكلم ام فهد ومتجاهلتها عمد "تحبين احط العشا متى يا عمه "
انقهرت ام نايف من تجاهلها الدايم لا ستفزازتها الواضحه لانها تبي تقوم مشكله وتقلبها على راس ريوف عشان يزعل منها خالد ويطلقها اذا حالفها الحظ
فاطمه بدلع ماله داعي "الشغالات وش فايدتهم "
حقرتها ريووف وقالت وهي توقف "ريووف بنت سلمان ما ترمي مسؤوليات بيتها على الخدم (ناظرت في ام زوجها) نحطه يا عمه"
ام فهد "ايه حطيه سرى الليل ونايف مكلم امه بيجي عقب ساعه "
ريووف وهي تروح للمطبخ "ابشري"
ام نايف وهي ترجع وتحشي راس ام فهد "تهبا هالحرمه متشبثه بالرجال بشكل مو طبيعي معودته عليها في كل شي لا تقولين انها هي الي تغسل ملابسه وتهتم فيها"
ام فهد "ايه أي شي يخص خالد ماحد يلمسه غيرها"
ام نايف "قطع "
ام فهد "تراها بنت طيبه وماجاني منها قصور "
ام نايف ووجهها يحمر "حتى لو ، لو تحب رجلها ما حرمته من شوفه خلفه "
ام فهد "يمكن العيب مو فيها"
ام نايف بثقه "عيالنا كاملين والكامل الله شوفي حمدان وفهد عندهم عيال ماشاء الله عليهم اكيد البلا فيها "
ام فهد بتردد "والله مدري"
التفتت ام نايف يمها وبدت تزرع سمومها براس ام فهد "حنا نجيب عيالنا عشان يشيلون اسامينا وعشان نوجههم في حياتهم اذا اخطوا قولي له يعرس عليها لمصلحته ولا كبر بالسن واحتاج لسند بيشكرك"
ام فهد بتردد وكانها بين نارين "قلتها له مره وزعل علي"
ام نايف وهي تحط يدها الي مليانه خواتم ذهب والي جعدها الزمن على يد ام فهد "كثر الدق يفك اللحام حنا ما قلنا يطلق بنت سلمان بس يشوف حياته ويدور الودود الولود "
ام فهد وكانها بدت تقتنع بكلام الحيه ام نايف "بنات هالزمن ما يرضون يتزوجون رجال متزوج من الي بترضى تاخذ وهو متزوج وحده نسب وحسب وجمال مثل ريووف غير ان اخوها ماجد ينخاف منه "
ام نايف وهي تخبط صدرها " ماعلينا من اخوها و الحرمه عندي بس اقنعيه ولو يبي يدخل عليها الاسبوع الجاي موافقه"
ام فهد وهي تناظرها "من.؟"؟
ام نايف وهي تبتسم "فاطمه بنتي "
ام فهد بصدمه "بس فاطمه بالعده"
ام نايف بسرعه "بكره اخر يوم من عدتها يعني خلاص بتصير حره فكه من ولد سويره عساها هي وياه النار هبلو ببنيتي "
ام فهد تعرف فاطمه زين وتعرف انها خسرت رجال والنعم فيه ..بس الدلع وحب المظاهر اكبر هم لام نايف وبناتها ، بس فكرة ان خالد يجي له ولد ولا بنت مغريه بشكل كبير وتخليها تتغاضى عن عيوب فاطمه نوت ام فهد تكلم خالد وزي ما قالت ام نايف ريووف بتبقى على ذمته وخالد يقدر يشيل بدل المسؤوليه عشر ..
ام فهد "خلاص اعتبري الموضوع منتهي"
رجعت ام نايف تتسند لظهر الكرسي وعلى وجهها الابتسامه الخبيثه نفسها..
دخلت ريوف وخلت الشغالات ينزلن العشا وغصب عن ام نايف مالقت عذروب واحد في طبخها وتقديمها للاكل ناظرت بنتها بنظره وكانها تقول تعلمي السنع منها وكالعاده تجاهلت عتاب امها وكملت اكل ..
تعشت ريووف بسرعه وقامت وعلى طول لجناحها سكرت الباب وهي تتافف يا ثقاله الدم لو داريه بزيارتهن كان راحت لاهلها ..
دخلت تاخذ شاور يمكن يخفف من الضيق الي تحس فيه
،
،
،
،
،
@@@@> بيت ابو متعب
كانت جود على نار تنتظر اريج تدق عليها دخلت ندى الغرفه وشافت حاله اختها المتململه والطفشانه والي تقلب في الجوال ..
ندى وهي تخزها :-خير علامك
جود ببراءه "ولا شي "
ندى "احلفي يا شيخه غشيمه عنك علميني شفيك"
الا الجوال يدق جود بلهفه "هلا اروج بشري"
اريج "بسم الله علي سلمي اول"
عصبت جود "يووووووووه علميني شصار"
اريج "هههههههههههه يا شينك لا عصبتي ارسلت السواق يجيب الورد وقلت له يوديه الطابق الي عطيتيني رقمه ويحطه بقسم الممرضات ومعها خمسين ريال عشان يوصلونه للغرفه حقته زين كذا"
جود "يسلم لي هالمخ العبقري"
اريج "احم احم "
كانت ندى جالسه متفرجه بس حست باناّ في الموضوع وانتظرت لين تخلص جود المكالمه عشان تحقق معها
جود "والله مدري كيف اشكرك يا اروج هذي خدمه عمري "
جلست اريج على سريرها وتربعت وبحضنها حطت الدبدوب الابيض الكبير قالت برقه ولطف "جود حبيبتي عارفه انك تحبينه اكثر من حياتكـ عارفه ومتاكده بس جود خلاص اعترفي بانه مو من نصيبك ...........
دمعت عيون جود وهي تجلس على سريرها ..
"......... جود انتي مو صديقتي بس انتي اختي عشت معك سنين عمري 13 سنه يا جود 13 سنه عشره بينا واعرفك زين واعرف انك تهيمين فيه بس اعترفي وتمني له الخير ومشي حياتكـ .. يمكن ما تحبين من بتتزوجينه كثر ما حبيتي ماجد لكن على الاقل بتكونين مهمه في حياه انسان"
غمضت عيونها والدموع تتسلل من بين اهدابها قالت ترد على صديقه عمرها "تبين تعرفين ليش انا اهيم فيه ..ليش يا اريج لانه يهيم فيني زي ما انا اهيم فيه .."
سكتت اريج ..
قالت جود وهي ترتجف " انا والليل والعبرة وجرح وخاطر ٍمكسور
ونفس من هجير البعد والحرمان مقهورة

وقلب ظامي لشوفك ولايروى ظماه بحور
وعين تحتري لحظة غياب الطيف وحظوره

ونار تنطفي مره ومره تشتعل وتثور
واقول النار مقدورة وهي ما هيب مقدورة

حسبت الليل بغيابك يمرن الليال دهور
وكني شايل بقلبي ليال الوقت وشهوره

تصبرت وتقدرت وبنيت من الخيال قصور
إلين ان الجفا شد الركايب وانتهى دوره

تحريتك على درب القصيد من ثلاث دهور
وحشا ما مات لك غصن يشف الماي بجذوره

تخيرت الغرام وجيت لا راضي ولا مجبور
وجيتي تسبقين خطاك مرضيه ومجبوره

وانا ما كان لي رغبه أبين واكشف المستور
ولكن الجمال أكبر من الخفاق وشعوره

جمال وود وعيون ودلال وكبرياء شعور
وفتنة تخذل عيون النهار وينطفي نوره

ولك في خافقي صوره تلاشت بين ضي ونور
وأخاف اسكت من الفرحة وتنطق باسمك الصورة

عرفتك وانتهت رحلة قساوة دربي المهجور
والا يا جملة أيام الجفا والصد مشكورة

خذتني للجفا عزه واخذني للعناد غرور
واخاف اكون بعنادى حبيب ومات بغروره

وإذا كانت مسافات الخيانة للغرام قبور
وش اللي يجبر العاشق يخون ويحفر قبوره؟

وش اللي يجبر الشاعر يدور للشعر جمهور؟
مدام انتي محبينه وعشاقه وجمهوره
وصلك الجواب يا خوية عمري "

سكتت اريج تفكر وفجاه تراء لها نور في عمق تفكيرها شهقت وبكت فجاه ..
عرفت جود انها عرفت ان القصيده من ماجد ..وسكتت
طبعا ندى كانت جالسه ومتازمه من حال اختها وتمنت لو تقدر تطلع وتترك الغرفه بس رجلينها ما طاوعتها ..فجاه سمعت بندر يناديها ونزلت له متردده تبي تجلس مع اختها بس صوت بندر بدا يعلا ولازم تنزل له لا يجي يطين عيشتها..
قالت اريج وهي تحاول ما تشاهق :ج..جود متى كتب هالابيات ؟"
جودوهي تحس بظلمه الكون تستبد بكيانها وتحتله "يوم كنا طالعين للمخيم "
اريج بفضول والم "كـ..كيف "
فهمت جود قصدها وقالت وهي تنام على جنبها وتضم ركبها لبطنها "كنا بالسياره ومابعد وصلنا للمخيم وقال له ابوي انه يبي يسمع شي من قصيده وقال بصوت مخنوق ان عنده قصيده ما اعلنها لانها خاصه وانصدمت يوم قال انه كاتبها من 3 سنين يعني (وتهدج صوتها) يوم انتهى كل شي بيننا ومات حلم الطفوله ويوم سمعتها تاكدت اكثر ..كان يقصدني يا اريج انا ، الي ذبحي زود انه يحبني للحين وكله مرار والم مني "
اريج بعقلانيه ولا قلبها يتقطع على حزن صديقتها "لو يحبك كفايه ما اخذ نجوى بنت اخوكـ"
جود وهي تمسح دموعها الي صارت عاده لها "اريج تصدقيني لو قلت لك اني حاسه ان فيه انّا بالموضوع "
اريج "لا ما ظنيته "
جود بتردد واحساس داخلي مو مريح "بس احساسي ما يخطي ابد"
اريج وهي ماودها تكسر مجاديف صديقتها "دايم فيه مره اولى لكل شي ..جود ماودي احبطك بس ماجد عرسه بالشهور الجايه اقلمي نفسك على كذا"
شدت على الجوال بيدها شوي وتكسره .. احد يعرف يوم موته وينساه !!
قالت جود بالم وحسره " ما ظنتي فيه احد يفهمني اريج لو تحبين بكل جوارحك يصير هالحب يجري مجرى الدم حتى لو تبين تتخلصين من هالحب فات الاوان لانه انتشر وطريقه نسيانه وحده هي الموت ، فهمتي علي الموت .. "
اريج بكآبه "فالك ما قبلناه موت ايش باكر تلقين من يسعدك وتنسينه "
سكتت جود ما علقت ..
اريج "يالله حبيبتي انا بنام وبكره بينا تلفون"
جود بهمس "اوكي "
اريج تبي تفرفشها "هيه ترى فيه فلم هندي على قناة الامارات"
جود بشبه ابتسامه "مالي خلق "
اريج بخباثه "الفلم لريتيك روشان "
جود برباشه عشان توسع خاطر صديقتها "قصدي لي خلق ونص"
اريج "ههههههههههههههههههه والله اني داريه يالله سلام"
جود "سلام"
همست وهي تحط جوالها صامت وتحذفه *سامحني يا غناتي بس انت كتبت لي قصيده وانا رديت لك بمثلها*
وغمضت عيونها تحاول النوم ..وبالاخير ناآآآمت ..
بعد نص ساعه فتحت ندى باب غرفتها ولقت النوم طافي فعرفت انها نايمه وطلعت تسكر الباب

،
،
،
،
،
،
،
،
@@@@> اليوم الثاني..
زار ابو طارق وعياله ماجد بالمستشفى ..وجلسوا معه وبعدهم بخمس دقايق جت ام ماجد مع عيالها وريوف واماني والبتول ..استاذنو عيال ابو طارق بلباقه وطلعوا وعقبهم بدقايق لحقهم ابوهم لانه جلس يسولف مع ماجد وامه والعيال
قالت ام ماجد لولدها "هاه يمه كيفك اليوم"
ماجد براحه وملل "والله يمه بخير بس طفشت لي كم يوم هنا والدكاتره رافضين يكتبون لي خروج "
ريووف بغصه "الله يهديك يا خوي كل ذا يصير معك وما تعلمنا"
ماجد وهو يناظر في ملامح اخته الحزينه "لو بقول لكم هي نفس الحالهـ حسبت السالفه انتهت بس ماخذت احتياطاتي والتهب الجرح ولولا الله ثم بندر ولا كنت مودع"
حمر وجه البتول لانه متقصدها بنظراتهـ ..
اماني وهي تمسك يده بقوه "الحمد لله انك بخير وسالم وبندر ماهي غريبه عليه من يوم يومه راعي الاوله"
البتول تضايقت من حوار اخوانها وحبت تغير السالفه "ماجد متى بيكتبون لك خروج"
ماجد عرف انها غيرت السالفه متعمده لكنه حب يمشيها لها لان الصفعات البطيئه تعلم وتصحي ..وهو مو مستعجل "والله بحاول فيهم اليوم واشوف "
فارس "والله البيت بدونك ظلام ياخوي"
مشاري يستهبل "ماعندنا احد يصحينا لصلاة الفجر "
ماجد "هههههههههه الله يخس ابليسك"
قالت البتول وهي تشهق "ياااااااااي يا حلو الباقه رووووووعه"
ووقفت تناظر فيها ..كانت في سله دائريه والورد ماليها ملي ..ورد احمر ندي ريحته تجنن
ناظرها مشاري وقال لماجد وهو يغمز "باقات وحركات"
ارتبك ماجد وما قال شي ..اشوا انه شايل البطاقه بجيب ثوبه النظيف الي جايبه فارس له
قالت ام ماجد بعفويه "من دق يتطمن عليك يمه "
ماجد براحه وهو يتذكر "موظفين الشركه ارسلوا من ينوب عنهم لانهم يعرفوني ماحب الازعاج ومخي مقفل خلقه واكيد بيكون مطين على الاخير وانا منلطع هنا وطفشان ...."
جلسوا يضحكون على لهجته المأساوية ..
كمل"......واخوياي زاروني ومعارفي الي وصلهم خبر وهذا يذكرني انه لازم ترجعون البيت الحين عشان يمكن يزوروني رياجيل "
فارس وهو يغمز "حبيبة القلب ما اتصلت"
خزه ماجد بنظره جلس فارس يضحك وقام "خلاص اسحب السؤال"
ماجد "ايه اعقل "
طبعا لبنات مو معجبتهم السيره ووجيههن جامده ..حس ماجد بكره خواته الازلي لنجوى والي ما تزعزع من يوم ما ملك ليومهم ذا صحيح ان خواته الكبار ما قالن شي عنها ابد بس وجيههن تنقلب لاجت سيرتها عكس جود الي كانت سيرتها تشرح صدورهن ..
*وش هالمقارنه يا ماجد *
اذا انت بنفسكـ سيرتها تشرح صدركـ وتنشر الفرح بقلبكـ
فارس "يالله مشينا"
وطلع هو وخواته وامه الي تنبهه على اكله ونومه وشربه حتى حس نفسه وكانه صغير مايعرف يداري عمره ..ابتسم وهم طالعين ×الله لا يحرمني منك يمه ×
جلس ماجد وهو مشبك اصابعه ببعض يفكر غريبه نجوى ما دقت تتطمن عليه مو عوايدها احيان تخمها حالات وتتصل عليه بالدقيقه والثانيه واحيانا تهجد فجأه فكر ماجد في المرات الي تدق فيها عليه والي يذكره انها تدق اذا كانت مجتمعه مع العيله عقد حواجبه معقوله تدق للمظاهر بس مو عشانه ..سكت وانا وش يهمني انا تزوجتها نخوة مني حفاظ على شرف العيله ..عشان اخوي يتزوج من يحب لاتروح من يده ..والي حصلته اني خسرت مهجتي وسبب فرحي ..لكن هذي عيوب الاخو الكبير لانه يبدي غيره على نفسه .
كنت بالمكان الغير مناسب والوقت الغير مناسب وصرت الضحيه طاح على كاهلي حمل لو انحط على جبال انهدت ..غمض عيونه وهو يتذكر يوم ام طارق تنخاه يساعدها وماهو ماجد ان ماظرب على صدره وقال ازهليها وانا ماجد ..ومالقى نفسه الا خاطبها ومتزوجها اليوم الي عقبه ..
رجفت يده وهو يتذكر يوم قالو له ان جود انهارت بسبب وفاه صديقتها والي يعرفه من خواته ان جود مالها صديقات الا اريج بنت مشعل وصديقتها طيبه واهلها كلهم طيبين .. حتى ريووف كانت مستغربه لانهن يدرسن بنفس الجامعه وحاولت تتذكر ان احد مات من معارفهن وماذكرت ..(سبحان الله الي جعل كل صغيره تخصها كبيره تهمه)
نزل عيونه بالارض لانه عارف سبب انهيارها ..
جود انهارت يوم درت بملكته على نجوى بنت اخوها ..مستعد يحلف انها انهارت بسبته..

تدرين وادري بنفترق ..تدرين قلبي بيحترق
حنا اتفقنا في كل شي ..الا الزمن عيا الزمن لا يتفق
يا ورده في كل الفصول ..يافرح عيا لايطول
قولي و اقول ..ان كان عندك لي حلول ..
قولي واقول.؟
ياحب يا دنيا جديده
يا احلى ..ابيات القصيــــده
ان كان جرحي ما كفا ..انزف لك جروح جديده
وان كان شعري ماوفا..انسى الحكي وانسى القصيده
يا احلى ايام العمر كثر الحكي وش بيفيد
مابقي عندي صبر ..والجرح بقلبي يزيد
يابسمة الثغر الخجول .. ماظني عندك لي حلول..؟؟؟

سند ظهره للصوفا ورجع راسه ورى .. وهو يتنهد بقوه "تدرين قلبي بيحترق"
رفع عيونه للورد الي جاه منها ماقد حب الورد في حياته زي هالمره ولو مايعرف جود واخلاقها ولا زعل وقوم الدنيا وقعدها ..بس هذي جود .؟
دخل الطبيب والممرضه وراه ..تافف ماجد ومسك اعصابه لا ينفعل ..
الطبيب "السلام عليكم كيفك اليوم"
ماجد "الحمد لله طيب بس متى تطلعوني"
ابتسم الطبيب "شكلك مال منا من قلب بس ما يخالف اصبر كم يوم بعد ، الجرح في تحسن ملحوظ"
سكت ماجد مارد رفع كمه عشان تقيس الممرضه ضغطه ..قال بعصبيه للدكتور "الحين ماعندكم ممرضين رجال بدل هالحريم"
ابتسم الطبيب من انفعال ماجد وقال وهو ماسك نفسه لا يضحك "فيه يا اخ ماجد"
ماجد بقرف من قرب الممرضه الكوريه منه "طيب سوو فيني خير مابي اشوف قدامي حرمه كاشفه "
هز الطبيب راسه وضحكته في صدره حابسها والكوريه الي تقز ماجد قز تتبسم ولا هي فاهمه شي من كلامه
الطبيب "ههههههه ابشر ولا يهمك امسحها في وجهي"

@@@@@@@@
بعد اسبوع^^^
على سفرة الغدآآ*****
قال فارس لامه واخوانه "يمه انا قررت اخطب"
ام ماجد "هذي الساعه المبااااااااااااااركه "
البتول بونآسه "على من نويت ؟"
فارس بدون اهتمام "عليكم هالمهمه "
رفع ماجد نظره له وقال بابتسامه "غريبه وش هالتغيير المفاجئ "
فارس وهو يغمز له "الغيره قشرا يا خوي الكبير"
ماجد "ههههههههههههه الله يرجك "
قاطعتهم امهم "ما يبيلها تفكير بنخطب لك جود بنت عمك صالح "
كف ماجد يده عن الصحن وجمدت ملامح وجهه حس بالموت حس بنفسه وده يقوم ويقلب الدنيا على راس اخوه لكنه جمد وسكت ..
لاحظ فارس ردة فعل اخوه ..الكل كان يعرف من جود لماجد صحيح انه تزوج وحرمت عليه جود بس يا شينها لا صارت زوجة اخوه وتحت نظره دايم لانهم بيعيشون بالبيت الكبير جميع ..
قال فارس بقدر ما يقدر من عفويه وعدم اهتمام "جوود .. لا يمه اذا مصره اخذ من العيله اخطبيلي من بنات ابو طارق"
قالت البتول بتهور "قطييييييعه تبي تبلانا بمصيبه ثانيه"
نظرات اخوانها ركزت عليها ..طلح قلبها من نظرات ماجد العصبيه تمنت لو تقطع لسانها الطويل ذا قال ماجد يستهزء "وش فيهن بنات ابو طارق يا اخت البتول "
ناظرت في امها الي كانت تهز راسها بعدم رضا على لسانها الطويل قالت البتول بخوف "ولا..شي"
ماجد وهو يوقف "لا عاد اسمعك تتكلمين عن بنات ابو طارق بالطريقه ذي ولا ... انتي عارفه ما يحتاج اقول "
امه "وين يمه ما كلت شي"
ماجد وهو يخز البتول " الحمد لله شبعت "
اما فارس جالس يخزها لانه ما يحب احد يتكلم في بنات عمه بالسو وبنات ابو طارق حسبة بنات عمه قال بعصبيه "يمه ابي عايشه مدري امل هي شسمها .......
امه تقاطعه "عايشه ، (كملت) والله ابو طارق ينشرا قربه واذا تبيها اليوم نخطبها لك"
فارس وهو يوقف "تم يا الغاليهـ "
التفتت يمها البتول وهي شوي وتصيح "لاااااااا يمه تكفين علتين مره وحده والله تعذيب "
امها بعصبيه "لسانك ذا يبيله قص انتي مقبله على حياه وراح يكون لك زوج وطوله اللسان ماراح يتحملها منك زي اخوانك الي تعودو عليه "
البتول بقهر "محد ضربه على يده يملك علي "
عصبت امها ووقفت "فيه وحده تتكلم عن زوجها الي انتظرها 12 سنه مدري كم عشان تكبر وتنضج وتكون له زوجه وام لعياله ، بندر الف وحده تتمناه اصحي لنفسك لا يفوت الفوت وساعتها الندم ما ينفع "
وراحت تمشي معصبه عليها ..
تأففت البتول الحين على ايش هم طايرين ببندر ..اف بس وقامت عن الغداء حالها حال اهلها .
لحقت ام ماجد فارس لغرفته وقالت "يـــمه ابيك بسالفه "
قام ماجد عن سريره وقال "تعالي يمه حياك "
ام ماجد وهي تجلس قدامه على سرير مشاري الي ما صارو يشوفونه بسبب تحضيرات الزواج
ام ماجد "شف يمه انت تبي من بنات ابوطارق وانا ابيك تاخذ جود"
طبعا ماجد كان مار بيروح لغرفته يبدل ملابسه عشان يروح الدوام لانه صار طيب وهو طفش من قعدة المستشفى ...وسمع امه تقنع فارس وامه ان حطت بنفسها شي ماحد يثنيها عنه
وقف جامد والشرود بنظراته ..الحين حسيت بطعنه الحزن الاكيد .. طعنه لما من تحب يكون مصيره لغيرك ..
ساعه غضب..
شهامهـ
وتضحيهــــ..
عوامل كانت السبب في خسارته لجود..
ان تزوج فارس جود بيترك هو البيت بيبعد ويبعد عشان تكون اعذاره قويهـ..
راح لغرفته وصفق الباب وراه بكل قوته
سمع فارس باب ماجد يوم انصفق ورمش بعيونه يوخر الارتباك والهم عن عيون امه اخوه يهوى جود للحين صحيح انه ما يتكلم لان هالامور في عين الرياجيل عيب حتى لو اخوان ..بس مستحيل يسوي شي يحزن اخوه او يكون السبب في بعاده
قال فارس لامه "لا يمه مابي جود "
امه بحيره "ليه يمه جود الف من يتمناها"
فارس "وانا اشهد يمه عز الله الي بياخذها موب خسران هذي اخت بندر ومتعب .."
امه زادت حيرتها "والنعم يمه فيهم بس ليش فهمني ابي افهم "
فارس احتار كيف يوصل لامه وجهة نظره بدون مايجيب سيرة ماجد وبنفس الوقت يوضح ان جود شيخه البنات وما على سمعتها غبار
"يمه جود شيختهم كلهم بس زي ما قلت لك ما دامك تبين من بنات العيله خلاص ابي وحده من بنات ابو طارق "
شافت امه التصميم بعيونه واحترمت وجهت نظره ..لاحظ فارس ترددها وقال "يمه لك اعتراض على بنات متعب"
امه "شف يمه انا تفكيري من تفكيركم يا عيالي لا همني هرج الحريم ولا الهمز واللزم والواحد لاخطب بنت يخطبها من سمعه ابوها واخوانها ومتعب وعياله رياجيل والف نعم ونسبهم يكسب مايخسر "
فارس بتركيز وفطنه "كملي يمه احس فيه كلام بتقولينه بعد"
ابتسمت أمه وكملت بجديه "عايشه ما هي البنت الي تناسبك يبيلها سنع وصبر انت مستعد لها الشي"
ابتسم بكسل "يمه ما انولدت البنت الي تعصى علي وانا فارس بن سلمان ازهليها بس "
امه "انت خذلك كم يوم وفكر هذا عشره عمر مو لعب"
فارس "ابشري يا الغاليهـ"
الا وأذان العصر يسمعونه ..
وقفت امه "يالله يمه احتر اخوك ماجد واطلعوا صلو العصر بالمسجد"
وما امداها تخلص كلمتها الا وماجد يطق الباب "عييييال يالله المسجد "
فارس وهو ياخذ شماغه "يالله جاآآآي"
وطلع عقب امه قال ماجد بجمود وهو يشوفهم طالعين سوا "هاه وش انتج هالاجتماع المغلق "
فارس وهو يغمز له "خير بس خلنا نطلع نصلي عقب نتفاهم "
ماجد كان باين انه واصل حده بس كالعاده متكتم ..
بعد الصلاه ...
@@@@في مجلس الرجال
قال فارس وهو يقهوي امه واخوانه "انا قررت اخطب عايشه بنت متعب"
مشاري بحيره "غريبه ورى ما تخطب جود"
كان ماجد ساكت ويدور فنجاله بيده ويتسمع في مناقشه اخوانه ..
فارس وهو يناظر ماجد ويلاحظ توتره الي يحاول يخفيه قد ما يقدر "خلاص انا نويت "
مشاري وهو يبتسم لاخوه "الله يقدم الي فيه الخير "
فارس وهو يناظر اخوه الكبير الساكت .."ماجد ما سمعت رآيك"
ماجد وهو ينزل فنجاله "هذي حياتك يا فارس والقرار يرجع لك انت"
فارس "مالي راي من عقبك يا ماجد انت راس العيله وبمكانة ابونا"
ماجد بابتسامه سريعه "هنا ومالي رأي"
فارس "اجل نتوكل على الله "
ماجد "ايه .. واذا تبينا نخطبها لك بكره ماعندي مانع "
فارس "خير البر عاجله نخطب ونملك والعرس لاحقين عليه البنت على كلام امي ما تدرس صح يمه"

ام ماجد وهي تبتسم ابتسامه فخر بعيالها "ايه درست سنه بالكليه وتركتها "
ماجد "اجل توكلنا على الله"
وكمل يكلم مشاري "بشرني عن اخر التجهيزات العرس بقي عليه اسبوع ناقصك شي محتاج شي"
مشاري "عساك سالم يا ماجد كل شي تمام التمام والبنات ماقصرن اهتمن بالباقي يعني بستغل على الايام وارتاح احس اني قاضي"
امه بحنان "أي والله يا وليدي عضامك ببتكسر من الهم "
فارس وهو يغمز له "ايه يمه لا تشيلين هم من يشوف المدام المصون بيطير التعب ذا كله "
الكل"هههههههههههههههههه"
مشاري "ههههههه من يوم يومك وان تغار مني
فارس "من زينك اغار منك"
مشاري وهو يضم امه "الا تغار لاني دلوع امي"
كان ماجد مبتسم من حركاتهم الهبلا ..
فارس "قم طس ماخذ في نفسك مقلب"
وتذكر ماجد شي .."يمه نسيت اعلمك ترى مهر البتول حولته لحسابها الخاص اليوم خليها تبدا تجهز لزواجها ترى ماعندكم وقت "
امه "ابشــــــر بكلم خواتها وهن مو مقصراآت"
ماجد وهو يهز راسه ويحس بضيق لان البتول حبيبته الي رباها بتتركهم قريب وبتكون راعيه بيت وزوجه
قال بغصه "طبتك اذا نقص عليها شي علميني يمه ورقبتي سداده"
امه وهي تمسك يده "الله يخليك لنا يمه ولا يحرمنا منك"

،
،
،
،
،
،
،
@@@@@@@@ بيت ابو طارق
ام طارق لنجوى الي جالسه تقلب في القنوات
"نجوى كلمتي ماجد "
التفتت يم امها "ليش (وتذكرررررررت) يوووووووووووووووووووو نسيت"
طلعت عيون امها قدام "يا جعلك للي مانيب قايله ورى ما كلمتيه "
نجوى وهي عاقده حواجبها "نسيت ورب الكعبه"
امها بعصبيه " المفروض ما تنسين "
نجوى "طيب نسيت شسوي"
امها "مالت عليك الرجال له اسبوعين طالع من المستشفى وانتي الي المفروض تكونين اول من يكلمه ما كلمتي وش بيقول عنك"
نجوى وهي تحس بضيق "الحين اكلمه ، كانه يعطيني وجه لاكلمته دايم رسمي معي"
امها بصدمه "تبينه يقط الميانه انتي ما تعرفين ماجد قبل لا يملك عليك"
نجوى وهي تناظرها بقوه "الا اعرفه وانا ماخذته الا عشان اكسر خشم جود"
امها وهي تغمز لها "يعني ماهو معجبك"
نجوى بابتسامه "الا معجبني كشكل بس كطبع لااا"
امها "مصيرك مغيرته حنا ماصدقنا حدد موعد العرس تجين وتخربينها "
نجوى بخوف وهي تجي وتجلس جنب امها "يمه الي سويناه صح "
"متى.؟"
قالت بخوف "قبل ثلاث سنين"
طلعت عيون امها قدام وقالت بعصبيه وهي تتلفت وتتاكد ان ماحد يسمعهم "تهقين فيه احد بياخذك عقب الي صار ذيك السنه "
سرى البرود بجسمها "ايه وش فيني ؟"
امها وهي تضحك بدون نفس "ولاشي الا انك بايته بشقة عزوبيه ساعات "
طاح قلب نجوى تتلفت وقالت لامها "يمه اص لاحد يسمعك السالفه ذي طوينا صفحتها واخواني وابوي ما يحبونها وبعدين انا سليمه ما مسو مني شعره"
امها بعصبيه "الي قلته لماجد غير "
حطت نجوى يدها على راسها "يمه تدرين انك ورطتيني ورطه مدري وين المخرج منها "
امها وهي تضحك وتشرب الشاهي الي ببيالتها "عادي بيفرح لا درى انك سالمه وعفيفه انا قلت له انك منهاره وماخذنا منك حق ولا باطل وذيك الايام ما نقدر نوديك مستشفى لان عيلتنا معروفه في كل مكان وحتى لو مافيك شي الخبر بينتشر "
نجوى بامل "مدري يمه السالفه احس طالت وانتقامي من جود كبر بعد "
ام طارق "ماخسرنا شي وماجد رجال والنعم فيه يكفي يوم نخيته ضرب على صدره وخطبك على طول "
نجوى وهي تعض اظافير يدها "يمه طارق مانسى السالفه واخذني الصيفيه الي فاتت لمستشفى اهلي وكشفت علي الطبيبه"
طاحت البياله من يد امها "وشو..؟ وليه ما قلتيلي "
نجوى بخوف "ايوه عشان تعصبين زي الحين"
امها وهي شوي وتنهار "هبلا انتي انا مصدقه انك بخير واقنعت ابوك والعيال بس ما توقعت ان طارق بنفسه شكوك بعد هالسنين "
نجوى "طارق ما ينسى لو يمر مليون سنه مو سنتين ولا ثلاث ولا اربع "
امها ووجهها اصفر "تخيلي لو يعلم ماجد بالحقيقه"
نجوى "ههههههه اجل طارق او ابوي وتركي يدرون ان ماجد عنده خبر بالسالفه اساسا "
امها وهي تو تنتبه "ايه صادقه"
نجوى بابتسامه جانبيه ونظره خبيثه "والله وعرفت اغلب جود واحرق قلبها طول العمر تتكبر علي بالعلم والزين وكانت متكبره لان ماجد يبيها والحين كل شي انتهى جود انتهت وانا الي انهيتها "
سكتت امها وهي تستوعب الكره الي بقلب بنتها لجود ..
دق جوال نجوى وناظرته رمته على الصوفا لينه بالارض "اااااااااااف"
امها "مـــــــــــــــــن .؟"
نجوى وهي حاطه رجل على رجل وتتفرج بالتلفزيون "وحده من الي كانن معي بدار التحفيظ "
امها "ماعادك برايحه لهم "
نجوى ماردت وراحت لغرفتها ..دخلت وسكرت الباب ..
نامت على السرير وبحضنها المخده الصغيره جلست تفكر والضيق يطبق بصدرها كالعاده عقب كذبتها الي نفذتها امها عشان ماجد يتزوجها صارت النوم ما تذوقه من الاحلام القشرا والضيق الي بيكسر ظلوعها ,, ومالقت نفسها الا داخله دار لتحفيظ القران ..وسوت علاقات لكن ما قدرت تتاقلم مع طيبة وسمو الايمان الي بقلوب من دخل الدار طلب لحفظ كتاب الله وتعلم سنة نبيه لقت نفسها بوادي و واهداف الدار بوادي جلست معهم فتره ثم وتركتها لغير رجعه والبنات الي فيها يحاولون يساعدونها لكن تصدهم عنها لدرجه انها تفكر تغير رقم جوالها عشان تقطع كل صله لها فيهم ..سكتت تذكر ماجد يوم كان مأيدها بدخولها للدار ومتحمس لها ويشجعها..
تأففت من هالذكرى ورجعت تتذكر انها ما كلمته اخذت الجوال ودقت عليه..
دقه .. ثنتين .. ثلاث ........... ومارد
"اف" ورمت الجوال "عمرك ما رديت"
،
،
ناظر ماجد في جواله ..ابتسم ابتسامه على جنب "بدري "
حطه صامت ورماه على جنب ..
اخذ تلفونه الي على يده اليسار بالطاوله الجانبيه للمكتب ودق على جوال فارس
"الو"
ماجد "هلا فارس وينك"
فارس "بالبيت"
ماجد "ابيك تدور قاعه وتحجزها للزواج"
فارس "ابشر بس بأي تاريخ تبيها "
ماجد وهو يسند ظهره لكرسيه "بعد زواج بندر "
فارس "اعتبر الموضوع منتهي "
ماجد "زين "
فارس "سلام "
سكر ماجد التلفون .. وغمض عيونه الله يعين ..
بعد ماسكر فارس الجوال سالته امه "ماجد يبيك تحجز له قاعه"
فارس "ايه"
ووقف واخذ شماغه ثم طلع يشوف قاعه تليق بماجد وبمكانته ..
قالت البتول بتازيمه "ياربي طفــــــــــش نجيو بتجي لبيتنا وتغثنا"
خزتها امها "لا جيت نجيو ذيك الساعه بتكونين في بيت رجلك"
عافت البتول البطاطس الي معها ..
الا بدخله اماني عليهم وماجد الصغير ..
اماني "السلام عليكم "
"وعليــــــــــــــــــكم السلام"
وبعد السلام .
البتول "ياي وش هالزياره الحلوه"
اماني "اليوم خميس نسيتي يوم الجمعه "
البتول "هههههههههههاي نسيت باقي الاخت ريووف وتكمل"
اماني "امس تقول بتشوف خالد"
البتول بتكشيره "ياشين الرجال لا جا يتحكم هذا بيت اهلها "
امها وهي تهز راسها "الرجال قوامون على النساء"
سكتت البتول ماتبي تناقش امها ..لانها كالعاده بتكون خسرانه ومالها حجه
*
*

الفصـ السـ 7ــا بع ــــل "
@@@@بيت ماجد ..
ماصدقت ام ماجد البتول راحت للمطبخ قالت لاماني "يمه مهر البتول بحسابها الحين والعرس مابقي عليه شي ابيك انتي واختك تساعدنها في التجهيز للعرس"
اماني وهي تحب راس امها "افا يالغاليه البتول اختنا الصغنونه ما يحتاج توصين "
الا بدخلة ريووف "سلااااام"
اماني وامها "هلا وعليكم السلااااااام"
سلمت عليهن ..وجلست قالت ريووف وهي تنزل عبايتها وتنفض شعرها الاشقر المجعد "وين اخواني والبتول"
ام ماجد "البتول راحت تجيب حلا . والعيال تعرفينهن حايسين بزواج مشاري وماجد "
ريووف بابتسامه"الله يوفقهم والله وجا اليوم الي يراكض فيه ماجد ويجهز لعرسه"
ابتسمت امها وقالت "هههههه اخوك على خبرك لاهي بشغله "
عقدت ريوف حواجبها "اما عاد ، ومن يشوف امور العرس"
امها "فارس الله يعافيه "
استغربن البنات ...وقالت اماني وهي تضحك "ياخذ خبره فارس عشان لا اعرس بعدين"
امه "الله يبلغني هاليوم على خير"
دق تلفون البيت الا انها ام يحي جارة ام ماجد وصديقتها ، جلست ام ماجد تسولف معها وتسحبن البنات لغرفتهن لقديمه ..
قالت اماني وهي تجلس على الصوفا "مهر البتول وصل"
ريوف بفرحه "حلووووو يالله متى نبدا نقضي لها ابي استرجع ذكريات التجهيز للعرس"
اماني"هههههههههههه هذا الي هامك "
ريووف "ههههههههه حرام عليك .." سكتت شوي ثم كملت "اماني ليش احس ان ماجد مو فرحان بعرسه "
اماني وهي تعقد حواجبها "من وين لك ذا الاحساس"
ريووف وهي تهز كتوفها "مدري بس فررررررق كبير بينه وبين مشاري "
اماني وهي ترجع شعرها ورى "لاتنسين ماجد طبعه غير عن باقي اخوانا ماجد ثقيل ورزين طول الوقت "
ريووف "ممكن بس احسه مو مبسوط والدليل انه رامي حمل عرسه على فارس اخوي"
اماني بدا الشك يتغلغل براسها قالت تدور اعذار "ماجد مشغوووول ومو فاضي ابد انتي تعرفينه زين من يوم ما مات ابوي وحمل الكل على راسه حتى اخواني طالعين منها وكل واحد منهم بوظيفه حكوميه "
ريووف تذكر اختها "لاتنسيييين ان ماجد ضابط بفرقه القناصين "
اماني "هههه احيان انسى لان اغلب وقته بالشركه ودوامه وقت الازمات"
ريووف بتكشيرة وذا شي ينساها لواحد نسيت استدعاءهم له في المداهمات الي صارت الفتره الي فاتت على الارهابين "
انقلب وجه اماني من هالسيره "ماقول الا حسبي الله ونعم الوكيل على الي يهددون امن البلد ويشوهون صورة الدين قدام العالم "
ريووف بكآبه "وحسبي الله عليهم بسبب ارواح رجال الامن الي راحت بسببهم وهم يكافحون ويدافعون عن الوطن والعرض والحمى "
الا بدخلة البتول "اهلييييييييييييين والله ريووف هنا "
ريووف "هههههههههه اهلين قلبي اخبارك"
البتول "بخيييييير الحمد لله اخبارك انتي؟"
"انا طيبه الحمد لله "
اماني وهي تجلس جنب اختها البتول "اسمعي اليوم بنطلع السوق تطلعين معنا "
البتول باستغراب "اليوم"
ريووف "ايه امي بتجيها جارتها ومعنا فرصه نفر شوي المول مو بعيد من البيت "
البتول وهي رافعه حاجب "احس ان فيه مؤامره"
اماني وهي توقف وتسحب اختها جنبها وتجلسها "ماجد حول مهرك لحسابك بالبنك"
قالت اماني مهرك من هنا الا وتفز البتول من هنا كن قارصتها عقرب ..مسكتها اماني وجلستها ..
قالت بحنيه "البتول عن الحركات الي مالها داعي"
دمعت عيون البتول وبدت تتنافض "أي حركات على الاقل انتي ما تزوجتي غصب"
شهقت اماني "البتول انا متزوجه زواج تقليدي ولا اعرف زوجي قبل ولا عمري سمعت عنه "
البتول وهي تحاول ما تصيح "بس على الاقل ما زوجوك غصب"
اماني وهي تتمسك بالحلم قد ما تقدر "يا حبيبتي محد زوجك غصب "
البتول ارتبكت "كنت بزر معرف مصلحتي ماعطوني فرصه"
اماني بابتسامه "البتول بسالك سؤال وابي جواب صريح"
البتول "قولي"
اماني "لو فرضنا انه ما زوجك ابوي المرحوم لبندر وجاك بندر يخطبك بترفضين"
انلجم لسان البتول ما تدري شتقول ..
ريووف كانت متفرجه على حوار خواتها وماتدخلت لان اماني تعرف تعالج أي موقف مهما كان صعب وذي موهبه من الله ..
قالت البتول وجرأتها بدت ترجع لها "يمكن ليه لا "
يمكن.؟؟
وش جالسه تقول وهي شابه فيهم نار ما تبيه
اماني "بسالك طيب اخوك ماجد تهقين لو يخطب أي بنت بترفضه"
البتول بسرعه "ماجد ما ينرد ابد "
اماني وهي توقف ويدها على خد اختها "ماجد وبندر وجهين لعمله وحده وانا مسؤوله عن كلامي لاني تربيت طول عمري بوسطهم وما تغطيت عن بندر الا بالهواش والطقاق لانه اخوي الي ما جابته امي ومازال"
وطلعت قبل لا ترد عليها البتول ..جلست البتول تفكر في كلام اختها ومع كذا تحس انها مجروحه بسبب تصرف ابوها وبسبب قبول بندر له..
دخلت اماني بعدها بدقايق ومعها عبايتها وعباية البتول ..
البتول بعناد وبزاره "مابي اروح "
ريووف وهي تغمز لها "وتفوتين عليكـ الفرفره بدون ما يكون معنا احد من العيال ويعجلنا "
ماقدرت البتول تقاوم بس لان السالفه بندر فيها ..
بس على مين اماني وريوف بالطيب بالغصب ناويات يعدلن تفكيرها الاعوج ..
،
،
،
،
@@@@> بعده بساعه
دخل ماجد البيت وكان الوقت على الساعه 9 باليل..
لقى امه بالصاله جالسه تتقهوى بلحالها ..
ماجد "السلام عليكم" وحب راس امه ثم جلس جنبها
امه "وعليكم السلام والرحمه"
استغرب ماجد جلوس امه بلحالها .."وين البتول"
امه "راحت مع خواتها للسوق"
ماجد "السوق .. ايه زين ما يخالف "
امه "اقول يمه عرسك مابقى عليه شي متى بتأثث جناحك هذا اذا كنت مصمم تسكن معنا هنا"
ابتسم وقال يمزح "افا يمه تبين الفكه مني"
امه بحنان وغصه "لا يمه وش هالكلام انت تعرف انك عندي غير كل الناس صح اني احب اخوانك وخواتك بس انت غير وانت ياما شقيت وما ارتحت عشان الكل والحين ابيك تدور راحتك وتستقر "
ماجد بجديه "راحتي يمه لا قمت الصبح وشفتك .. لا جلست معك .. لا سمعت حسك بالبيت هذي هي راحتي والحرمه الي ماتبي اني واهلي انا مابيها انتي سامعه منهن شي (يقصد نجوى وامها)"
طبعا مهما بيمر عليها تلميحات ونطل كلام مستحيل تدخل ولدها فيه لانها ما تنهز بالكلام الي ماله داعي ..
ام ماجد وهي تقدع "لا يمه ماحد قال شي"
ماجد يعرف امه زين لو تسمع كل شي مستحيل تعلمه ، قال وعيونه مركزه عليها "اكيد"
امه بثقه وهدوء "ايه"
سكت ومارد ...
قالت امه وهي تو تتذكر "متى بتخطب لفارس"
ماجد وهو يصب له فنجال قهوه ثاني "قلت له ويقول بعد عرس مشاري "
امه "شوره وهداية الله "
ماجد "اقول يمه مشاري ناقصه شي فلوس معونه"
امه "الله يخليك لنا يا وليديانت تعرف مشاري زين لو محتاج شي بيجيكـ "
ماجد "ما يخالف يمه انا بعطيك مبلغ وعطيه له "
امه "انت عطه ياه "
ماجد "انا قد عطيته قبل ولو بعطيه الحين ما هو ماخذه"
امه وهي عاقده حواجبها "انا معطيته بعد وماهو راضي ياخذها مني "
ماجد "ما يخالف يمه ماهو برادكـ بس انا بيردني"
امه "على راحتكـ"
طلع ماجد من جيبه ظرف ابيض وعطاه لامه ..
امه بحنيه له لانه شايل الكل على راسه متكفل فيهم وناسي نفسه "وانت يمه ماتحتاج شي مو ناقصك شي"
ماجد بابتسامه "دعواتك يا الغاليه هذا الي احتاجه"
الا ويسمعون اصوات البنات يضحكن ويسولفن بالمدخل
دخلن الصاله وكل وحده يدينها مليانه بالاغراض ..حمر وجه البتول وهي تشوف ماجد جالس يناظرهن ومبتسم ...
اماني "الشيخ ماجد هنا "
وسلمن على اخوهن ...
شاف ماجد البتول مستحيه مره .. قال وهو يناظر في ساعته "عندي مكالمه مهمه الحين"
ريووف وهي مكشره "ماشبعنا منك يا خوي"
ماجد "بروح اكلم وبرجع خمس دقايق بس"
وطلع لمكتبه .. قالت البتول بعصبيه "فشلتنا في ماجد مااااااااااااااااااااااااالت"
ريوف "ههههههههههههه عادي ياما طحت بمطبات يوم اقضي لعرسي"
اماني"ههههههههه ايام رهيبه"
البتول "بروح انادي الشالغه تودي الاغراض الغرفه غريبه ان ماجد جاي بدري اليوم لو داريه ماطلعت مكان"
ريووف "صدق ماعندك سالفه"
البتول وهي تخزها "انادي الشغاله اصرف"
وطلعت...
ام ماجد بكآبه "والله يا هالبنت مضيقه صدري"
جلسن البنات جنبها..
اماني "ليه يمه"
ام ماجد "البنت ماتبي تتزوج بندر مدري الي نسويه صح ولا خطا "
اماني وهي تناظر في ريووف "لا تخافين يمه ان شاء الله صح ولو مو صح ما كانت هذي رغبة ابوي الله يرحمه"
ام ماجد "الله يرحمه ، يمه فهمن اختكن وعقلنها تراها بزر ماتفهم لها سنتين ومزعجتنا بذا السيره حتى ماجد بغى يضربها مره"
شقهن البنات ماجد يمد يده ........
ريووف بفجيعه "متى هالكلام؟"
ام ماجد علمتهن بالسالفه ... كلها من مكالمه بندر لهواشها مع ماجد ..
اماني بصدمه "الله يخس ابليسك يا البتول على هالطبع الشين"
امهن "عشان تعرفن اني شايله هم هالبنت من قلب"
ريووف "لا تشيلين هم يمه وحنا موجودات"
ام ماجد وهي تناظر بنتها النحفانه "ريووف يمه تعبانه انتي.؟"
تغير لون وجه ريووف "لا بخير الحمد لله"
ام ماجد "فترتك الاخيره ما عجبتيني فيك شي خالد قايل لك شي "
حست ريووف بالغصه تجزرها جزر والوجع والنقص يذبحها ذبح ..
لكنها تماسكت امها انسانه مريضه وعلى راسها هموم الدنيا وماودها تشغل بالها وتضيق اخلاقها زود يكفي عمايل البتول معها ..
وجاها الفرج من الله .. لان جوالها دق
طلعت من عند امها واختها لان المتصل خالد ..
قالت ام ماجد لاماني "يمه حاسه ان اختكـ مو مبسوطه بس تكابر كلميها كود تكلمك لانها ما راح تعلمني بشي"
اماني "ابشري بالخير يمه اكيد متضايقه من سالفة تاخر الحمل وماتبي تغثكـ"
امها وهي تهز راسها "الله يهدي سرها يارب لو خالد يرضى بس يسوون فحوصات"
اماني "يا يمه انتم مكبرين السالفه وريووف جننوها المجتمع ترى مالها سنتين متزوجه "
ام ماجد وهي تناظر اماني بحزن "يمه لو اختكـ ورجلها سليمين كان حملت من زمان"
اماني بغصه "يكون الله بالعون "
،
/
،
/
،
/
‘
@@@@> بغرفتها القديمه
ريووف وهي تحس بالغصه ذابحتها وزادت يوم سمعت صوته ..
خالد "مساء الخير والاحساس والطيبه ..مساء مايليق الا بريووفه"
ريووف "هههههههه مساء الورد قلبي"
خالد وهو يكابر ألمـه "شخباركـ"
ريووف "بخير ما دامكـ بخير " ودمعت عيونها
خالد حس بشي في صوتها "ريووف انتي بخير "
ريووف بهمس "ايه"
تناسى خالد وجع راسه وقال "ريووف حلفتك بالله تقولين لي شفيك اهلك فيهم شي"
ريووف "لا بس متضايقه شوي"
خالد بحزن لانه ماوده يكون الي مضايقها سالفه الحمل "وش مضايقكـ"
ريووف "ولاشي قل انت ماعندكـ رحله اليوم"
خالد بهدوء "ريووف لا تتهربين من الجوابـ ومادامكـ تهربتي انا عرفت الي مضايقكـ"
ريووف بكآبه "لاتزعل خالد غصب عني مو بكيفي"
خالد والالم يضج براسه اكثر ، لكنه قوي وقوته مفخر عزته "ما زعلت يا عيون خالد .. بس مالك الا الي يرضيكـ"
انجلت غيمة الحزن عن قلب ريووف وجا مكانها الترقب والخوف من الجاي "جدك خالد"
خالد بحنيه "عشانكـ يا الغاليهـ مستعد اسوي أي شي انتي تعرفين اني راضي بقسمة الله والنصيب وما يهمني لا عيال ولا مال مادامكـ معي اكذب عليكـ ان قلت ما ابي عيال بس ما دام الله حرمني منهم فانا مانسيت انه عطاني ريووف ، ريووف الي مريحتني ومو مقصره بشي ريووف الي هي كل شي بحياتي.. ريووف الي تحملت غبائي وعنادي اول شهور زواجنا يوم بسوي فيها قوي ولي كلمه عليها يوم اثرو علي اخوياي بالعمل ووهموني ان الحرمه اول شهور الزواج يبيلها واحد شديد وما على لسانه الا كلمة لا ما يدرون انهم بهالطريقه يقفلون ابواب القلوب وهي لسى ما انفتحت لبعض ، عرفتي الحين ليه ما يهموني"
طبعا خالد كان يتكلم من هنا وريووف تبكي بصمت من هنا ..
تبكي
من فرحتها بموافقته انهم يسوون فحوصات رغم اعتراضه على تطفل الاطباء على حياتهم الخاصه
تبكي
من تغير احواله هالشهور الي فاتت للاحسن ومن انسان جلف جاف بالتعامل في بعض الاحيان لانسان مختلف متفهم وحنين .. صحيح عيوبه فيه ولكل انسان عيوب بس التغير ملحوظ
تبكي

لانه ولاول مره بحياته يعبر عن شعوره بهالاسلوب ..
ريووف بهمس "الله لا يحرمني منكـ"
خالد حس بدموعها الصامته "ريووف ليش تصيحين توني قلت لك لا رجعت سويت الي يرضيكـ"
ريووف تحولت من حالة الرجا لموافقته في يوم لحاله الخوف من نتيجة الفحوصاتـ وخوفها من خساره لانه مهما كان زوجها وتحبه ..
كمل "ريوف قولي ليه تصيحين"
"ولاشـ..شي"
خالد بهدوء "ريووف لا تخافين من النتيجه لانها مو مهمه بالنسبه لي"
قالت بضعف وهي تحس بسيطرتها على نفسها تنهار "خالد واذا كنت ماجيبـ عيال"
ببرود "واذا"
عصبت "خالد تنازل عن برودك شوي خلني احس فيكـ ليش انت متباعد معي "
ارتبكـ خالد من هجومها وقال "ريووف لو العيب فيني وش بيكون قراركـ"
ريووف بارتباكـ "وش هالسؤال"
قال يذكرها " من المتباعد الحين"
رجعت تحزن وتخنقها دموعها "خالد مهما صار انا احبكـ وببقى معك طول حياتيـ لان النتيجه ما تهمني بس ابي ارتاح "
خالد بابتسامه "ببقى معكـ لين اموتـ وما جابتها امها الي تسوى ظفركـ يالغلا "
ابتسمت من قلبها ...
الا وبدخلة اماني وهي تسوي حركاتـ تضحكـ ...لان ريووف لها فتره طويله وهي تكلم بالجوال
خالد والالم يشتد عليه لدرجه مو قادر يتحمل قال بكلمات سريعه "اكلمك بعدين سلام"
وسكر قبل لاترد .. قالت بااستسلام وخضوع "سلام"
اماني ما صدقتـ اختها قفلت الجوال " اذا ذي هذرتكم بالجوال اجل بالبيت شتقولون "
ريووف رجع لها طبعها المرح "ههههههههههههههاي ياشين الغيره"
جلست اماني وقالت "اشوف مكالمه فارسكـ الملثم قلبتك ميه وثمانين درجه"
ريووف بحب "الله يخليه لي يا ام ماجد والله اني احبه "
اماني "ههههههه احد قال ماتحبينه"
ريووف وهي تجلس قدام اختها لان اسرتهن قبل كانت جنب بعض وغرفتهن زي ماهي رغم زواجهن وكل هذي رغبات ماجد الي فضل ما يتغير شي بترتيب لبيت رغم وفاه ابوه وزواجاتهن ..
ريووف "هههههههههه لا ما قلتي بس انا تزوجت انسانـ غريب"
اماني "احمدي ربك على نعمته وفضله عليكـ وحده من صديقاتي متزوجه واحد مذوقها الويل "
ريووف "حامدته وشاكرته واخيرا صبري بدا يثمر ما انكر انه يحبني الا يموت فيني بس غيرته زايده حبتين وعصبي بطبعه بس تاقلمت معه وانا عارفه ان لكل واحد عيوبه وبديت بحول الله اغيره للشخص الي اتمناه والدليل انه وافق اخيرا نسوي فحوصات نشوف سبب تاخر الحمل "
اماني انصدمت "قلتي لي خالد وافق تسوون فحوصات"
ضحكت ريووف وقالت بتأثر "تخيلي"
اماني "ذي يبيلها حفــــــــــــــله وهيصه "
ريووف "متى تعرفين قد ايش ريحتني موافقته ، بس (وحست بفراغ غريب بصدرها) "
اماني "بس ايش"
ريووف "مدري احس بشي ينزع لي فرحتي"
اماني "فالك ما قبلناه .. اقول فليها بس وربي بيرزقكم بصببيان وبنات"
ريووف "ههههههههههههههههه"
اماني وهي تشوف ضحكة اختها المختفيه لها مده "ايه اضحكي وفرفشي نبي ريوف القديمه ترجع"
ريووف بابتسامه "ان شاء الله شرايك نعزم جود تجينا "
اماني "هههههههههههه انهبلتي الساعه تعدت عشر تقولين نعزم جود خليها بكره انتيي بتنامين هنا"
ريووف "ايه"
اماني "وعمتك من عندها"
ريووف "اليوم جمعه بناتها والله كان ودي اجلس معهن خصوصا ان نوره بتنام عندنا بس عمة خالد وبنتها فاطمه بيجن ويمكن تنام فاطمه"
اماني باحتقار "تدرين ماحبيت عمة خالد في وجهها لؤم مو طبيعي وبناتها بعد خصوصا فاطمه"
ريووف بقهر "ومن سمع لكـ تخيلي تقولها بوجهي بزوج خالد فاطمه كود يجيله عيال"
امااني علاقتها مع اختها قويه وعندها فكره عن حركاتـ عمة رجلها "ماعليكـ منها واعلى مافي خيلها تركبه فوضى الدعوه هذا رجال مو بنتـ يمشونه على كيفهن حتى البنات وهن البناتـ صارن مستقلات ولهن راي وكلمه"
ريووف وبدت ترتاح نوعا ما "الله يجيب الي فيه الخير والله اني ماسكه نفسي عشان خالد "
اماني "تعجبيني احشم الكلب من حشمتك لاهله وما دام انها انسانه ما تتقبلك ابد رغم انك ببداية الزواج حاولتي تكسبينها ام وصدت عنك مالك الا تتجنبينها قد ما تقدرين"
ريووف " هذا الي اسويه والله كريم الا البتول وينها "
اماني "مدري يمكن نزلت تحت عند امي وماجد وكني سمعت صوت المعرس "
ريووف "هههههههههههههه أي واحد عندنا اثنين "
اماني "ههههههههههههه مشاري طبعا"
ريووف "اجل يالله ننزل نجلس معهم الا بتنامين انتي هنا "
اماني "ايه رجلي عنده استلام يومين"
ريووف "حلو عشان نعزم جود تجينا"
اماني "وندوش"
ريووف وهي تغمز "والله لو تسحبينها من كشتها ماجت هههههههههه العرس بقي عليه كم يوم"
اماني"ههههههههههههههه ايه صح الله يوفقها "
ريووف "ويوفق مشاري يا بختهم ببعض "
اماني وهي توقف "اللهم امين يالله ننزل"
ريووف "يالله"
،
/
،
/
،
/
،
/
الى هونا
@@@@@@@@ بمطار الملك خالد بالرياض
لبس خالد بدلة الطيران ينتظر موعد رحلته الي حمد ربه انها مو طويله بس لجده ..
كان العرق يتصبب منه ومع كذا يكابر .. الالم ساعه يخف وساعه يزيد
اخذ مسكناتـ وبدا مفعولها يبان عليه ..
مساعده "السلام عليكم "
خالد "وعليكم"
"خالد انت شاحب قل لي لسى مصر تتولى هالمهمه"
خالد وهو ياخذ جاكيته واغراضه "ايه يالله مشينا للمدرج"
مساعده باستسلام "يالله"
-----à@@@@>
عدت الرحله على خير لان مفعول الدوا استمر طول الفتره الي كانو فيها بالجو وطبعا خالد كان متطمن لركابه لان معه مساعده ويقدر يتولى قيادة الرحله اذا صار له شي وتعب ..
سند راسه للكرسي بعد مانزل من الطياره وجلس يحرك كاس النساكفه الي بيده رجع الطنين براسه يزيد وبقوه ..
خالد لخويه الي باين عليه انه حاس بوجعه "اقول جلوي قم ودني مستشفى احس اني مو قادر استحمل"
جلوي ماصدق خبر "انا داري انك مو طيب بس الله يسلمك ماتخلي العناد دقيقه احط خبر بالمكتب لان عندنا رحله بعد ساعتين "
خالد متخدر من الوجع "زين"
وراح خويه بسرعه وحط خبر بالمكتب وعلى اساس ان كان خالد تعبان هو يقوم بالمهمه نيابة عنه ...
اول ما وصل لخالد طاح مغمى عليه ومسكه بسرعه وهو ينادي رجال الامن يستدعون الاسعاف ..
كان خالد بدنيا غير الدنيا مو حاس بشي بس ضباب اصوات على راسه تحوم .. لكن هالشي سرعان ماتبدد وماعاد يسمع لاي شي ..
وصلو المستشفى بسرعه قياسيه..
ودخلوه الطوارئ ..
جلس جلوي يفرك يدينه ببعض وهو متوتر وخايف ..دق جوال خالد وكان معه ولقى المتصل طارق خويهم ونسيب خالد لانه خالد يناديه دايم بالنسيب غير انهم اصدقاء من ايام المتوسط ..
جلوي "الو"
طارق وهو يرفع الجوال ويناظر في الشاشه حتى يتاكد انه متصل على خالد "السللام عليكم اخوي ذا جوال خالد"
جلوي "هلا طارق ماعرفتني انا جلوي مساعد طيار واغلب رحلاتي مع خالد"
طارق وهو يتذكره "هلا جلوي كيف الحال "
جلوي "بخير الله يسلمك"
طارق وقلبه يرجف "خير يا جلوي خالد وينه"
تردد جلوي مايدري شلون يوصل له الخبر ,,

طارق بالحاح "الو "
جلوي بهدوء "خالد تعب علينا بالمطار ونقلناه لمستشفى ....... بجده "
طارق كان بغرفته يريح لان هالاسبوع ماعنده سفرياتـ ..
فز من مكانه من الخوف "وينه فيه الحين"
جلوي "مدري دخلوه غرفه بالطوارئ له دقايق"
طارق بسرعه "انا جاي الحين ان ساعدني الحظ ولقيت رحلات اليوم ولا جيت بالسياره"
جلوي "طيب بتعلم اهله "
طارق "اكيد سلام "
لبس طارق ثوبه الاسود وغترته البيضاء حطها على كتفه ونزل بسرعه من غرفته ثم نزل الدرج وهو يلبس طاقيته ويعدلها .. لقى ابوه بالدرب
"على وين وانت مالك ساعه جاي يا ولدي ريح "
طارق وهو يناظر في امه وخواته الي مستمعات "يبه بغيتك شوي على انفراد"
ناظره ابوه وشاف الجديه بعيونه "امش المجلس"
وطلعوا للمجلس البراني ...
قالت عايشه لامها بلقافه "يمه شعنده طارق يبي يكلم ابوي على جنب"
امها وهي تتقهوى وعيونها بالمسلسل "مدري يمكن محتاج فلوس"
اسماء بهباله "هه من طارق ، لو تجمعين مصروف البيت مع مصروفنا ماجا نص راتبه "
امها وهي تكش عليها "خمسه وخميسه من عيونك"
اسماء وهي مكشره "يعني بحسده تراه اخوي "
امها "ما يحسد الحلال الا اهله"
الا وجوال نجوى يدق ... ام انس تتصل ..
تأففت ..
قالت عايشه وهي تغمز "الا نجيو ما كلمتي ماجد هاليومين"
نجوى وهي تقلب عيونها "لا مايرد علي "
عايشه "من الي يدق الحين"
نجوى وهي توقف "ياكثر لقافتك "
وطلعت للصاله الثانيه ...
نجوى "الو"
ام انس بصوتها الطيب "السلام عليكم"
نجوى "وعليكم السلام"
ام انس "شخبارك يا نجوى"
"بخير الله يسلمك وانتي"
ام انس "بخير نسال عليك"
استحت نجوى لان صديقتها تتصل فيها دايم وهي تجحدها "والله بخير يا مي شخبار انتي وشخبار انس"
ام انس بحزن "وما سالتي عن مريومه "
قالت وهي تتذكر "مريومه"
ام انس "بنتي "
نجوى بشهقه "جاك بنت "
ام انس "ايه لها ثلاث شهور "
نجوى ووجهها طايح "اسفه والله ماعندي خبر"
ام انس "بلاك ماتسالين عني "
نجوى حزت بخاطرها انها تنسى صديقات عمرها وكلهم تركوها لان هي بنظرهم صديقه مافيها خير الا ام انس صديقتها من ايام الثنوي والي ماكانت تقطعها ابد لكن السنه الي فاتت ما اتصلت عليها ..
ام انس تقاطع تفكيرها "كنت بالمستشفى ممنوعه من الحركه عشان حملي كان متعب ولا كان دقيت عليكـ"
دمعت عيون نجوى و نزلت دموعها وهي تسمع قران طالع من غرفه تركي لانه معلي على المسجل ويحاول جاهد حتى يختم حفظ القران الكريم ..
نجوى "السموحه منك يا مي عارفه اني مقصره وكثر الله خيرك انك تسالين عني "
ام انس "ولو انتي صديقتي ومهما كانت عيوبك مانسيت عشرتنا مع بعض الله يهديك بس"
عصبت نجوى ومسحت الدمعتين الي نزلن "قالو لك مجنونه "
ام انس "حاشاك .. بس لو تتركين عنك الصحبه السيئه وترجعين لصديقاتك القديمات مو احسن"
نجوى بعصبيه لان مي حطت يدها على وتر حساس "اذا تتكلمين عن نهى ونجود فهن يسوون كل المغرورات الي كانن بشلتنا بس ينتقدني على كل شي واذا كنتي تتكلمين عن وجد فانا قاطعتها عقب الحركه الي سوتها فيني بنت ......."
ام انس "يا نجوى كنا صغار ومراهقات وانتي كنتي مزودتها شوي ولا تلعنين يالغلا ترى اللعنه ترجع عليك قولي حسبي الله ونعم الوكيل وبياخذ لك حقك منها والموضوع انتهى وانتي ملكتي على ولد عمك ومحد درى عن االسالفه "
قالت بعصبيه "كيف انسى انها يوم قالت لي بتوصلني لبيتنا انها تشتغل ....... وسكتت تمنع الرجفه .."
ام انس كان عندها خبر عن سالفه انتقام وجد لنجوى لان نجوى يوم كانو بالثنوي هزئتها قدام المدرسه كلها واحتقرتها لانهم ناس على قد حالهم فوجد مانست اهانت نجوى رغم مرور سنين على هالموقف وطبعا لان مافيه خير واخلاق انتقمت منها انتقام بيدوم طول العمر لو تم على اكمل وجه ,, لكن الله ستر ونجوى لما نزلت معها على اساس تشرب كاسة عصير مادرت انها داخله شقه كلها عزوبيه ... وان وجد طلعت وتركتها محبوسه بلحالها ..
وبعد نصف ساعه رعب ودموع تذكرت جوالها ودقت على اخوانها .. وماكانت هي تعرف مكان العماره ولا الشقه لكن تعرف رقم وحده من البنات تعرف مكان بيتها وجابو الشرطه وسحبو البنات للقسم واعترفت بمكان الشقه ولحقوا على نجوى لما تجمعوا عليها ذياب البشر عشان ينهشون عرضها وشرفها هالناس الي تجردوا من كل انسانيه ونخوه وكرامهـ هالناس الي نسوا انهم كما تدين تدانـ ... وسجنتهم الشرطه اما نجوى طلعت مع اخوانها .. الي رفضوا انها تطب القسم ولا تنجاب سيرتها بالقضيه ...
لكن طارق ما ارتاح ولا صدق كلامها الا يوم وداها مستشفى خاص وعرف ان اخته سليمه ..
...
ام انس "عدت على خير .. نجوى ليه تركتي الدار "
ارتبكت نجوى "ماعندي وقت "
ام انس "كلها ساعتين عايفه الاجر انتي والله وناسه وسعه صدر على الاقل يا نجوى البنات بالدار مجتمعات على الحب في الله فهمتي كلامي يحبون بعض في الله مو يحبون بعض لمصالح ولا مال وجاه بالله صديقاتك ذلي متى تطرين عليهن ...
سكتت نجوى ..
ام انس "......... انا اقول لكـ ما تطرين لا اذا بغن واسطه ولا بغن منك شي بس اصحي لنفسك يا نجوى الله غرس بقلب كل مسلم بذرة خير اسقي بذرتكـ بذكره وسيرته رسوله صلـ الله عليه وسلم ـى خليها تثمر وتنور لك حياتكـ"
نجوى قلبها الي يميل ساعات وساعات يقسى "بعدين يا مي انا اجهز لزواجي مابقي عليه الا شهرين "
ام انس "مبروك يالغلا وتراي ماني مرتاحه الا لما تصيب نظرتي الخيره الي حطيتها لك بعيوني "
نجوى "خير ان شاء الله "
ام انس "يالله يالغلا فمان الله "
نجوى "باي"
وسكرت الجوال ووجهها يتقلب الف لون ولون .. تذكرت ذيك الشهرين الي عاشتها وكانتـ من اجمل ايام حياتها لكن نهى وونجود ما ارتاحن الا يوم بدت تترك الدار شوي وشوي وترجع لنقطة الصفر ,, وتقسي قلبها حتى ماصار بينه وبين الحجر فرق ..

بالمجلس------à@@@@>
قال ابو طارق "خير بغيت شي"
طارق وهو مو قادر يجلس لكنه دق على المطار ولقى رحله بعد ساعتين وفيه مقاعد بالطياره من حسن حظه ,,
طارق وهو يصك جواله "يبه خالد بمستشفى (............) بجده وبروح له بس حبيت اعلمك "
ابو طارق "لا حول ولا قوه الا بالله علامه "
طارق بعجله "مدري يبه بس انا بطلع على المطار الحين وبطريقي بخلي وحده من عماتي تتصل بريوف وتاخذ رقم اخوان خالد الكبار "
ابوه "زين وانا ابوك بس لا يروعن ريووف "
طارق "ما يخالف يبه سلام"
ابو طارق "سلام "
وطلع طارق من البيت وركب سيارته رايح للمطار وبالطريق دق على جود .. بعد رابع رنه ردت "هلاااااااااا وغلااااااااااااااا"
طارق "هلا بك الف جود ابي منك خدمه"
جود "مصالح هاه "
طارق كان متضايق ومايمزح زي عادته "طارق فيك شي"
طارق "خالد مريض يا جود وطاح عليهم في جده ابيك تكلمين ريوف وتعطيني رقم اخوان خالد الكبار"
شهقت جوددددددد من قلب "يا قلبببببببببي"
طارق بعصبيه "جود ريووف لا تدري وامه بعد ماله داعي نشغلهن يمكن تكون الشغله بسيطه ويكون صداع كالعاده بس اشتد عليه"
دمعت عيون جود وقالت "اصبر بروح اخذ جوال الوليد اظن رقم حمدان فيه وبكذا ماله داعي نكلم ريوف "
طارق "عجلي ابيه قبل لا اطلع الرحله "
جود بغصه "انت رايح له "
طارق "هذا اخوي الي ماجابته امي عجلي علي "
جزد "طيب"
وسكرت الخط وركضت للصاله حتى تاخذ جوال الوليد ...
لطشته وشافها "هاه جويده سرقه عيني عينك"
حمر وجهها "ههههههههههه دقيقه بس تكفى "
الوليد "وجوالك يا مال الفقر "
جود "ههههههههههههههه متعطل "
الوليد "علينا "
جود "هههههههههه الوليد لا تشغلني ثواني وبرجع لك"
وطلعت بسرعه فتشت جواله بيد ترجف ولقت اسم حمدان واسم ابوه المعروف ,,خذت الرقم ورجعت الجوال للوليد ..
الوليد باستغراب "يا حليلكـ ذي بس مكالمتك "
جود "ماكلمت لاني عرفت اسنع هالجهاز الشين "
الوليد "هههههههههه زين"
التفتت بتطلع الا عمر بوجهها "ارحبوووووووو بالحلا كله "
جود وهي تبتسم "عمروه ماني رايقه لك "
عمر "لعنبو ابليس انا اكبر منها وتهزئني "
جود تستهبل "اموووووووووون"
وطلعت غرفتها تركض ....
جلس عمر جنب اخوهـ وهو يضحك .."البنت ذي مدري كيف بيكون بيتنا من دونها لا اعرست "
الا وبدخله ندى "ياسلاااااااااااام وانا كخه يعني"
الوليد "ههههههههههههههه جتك ام لسانين افتك من لسانها الحين ان كنت طيب"
عمر "هههههههههههههههههههاي طالعه على رجلها الله يسلمه"
استحت ندى من اخوانها وقالت "لا تغلطون هاااااااااه "
.
.
.
.
.

عطت جود طارق الرقم ... وجلست على اعصابها ..
ناظرت في جوالها الا وريووف تدق طاح قلبها "الو"
ريووووووف "هااااااااااااااي اخبار العسل"
حمدت جود ربها ان ريووف ماعندها خبر حاليآ بس لين يعرفون وشفيه خالد
جود "بخير ياقلبي اخبارك انتي"
ريووف "طيبه الحمد لله اسمعي جودوه تجيني بكره انا واماني متجمعات عند امي "
ترددت جود " واخلي ندوش"
ريووف "يوه جود تعالي بوريك فستاني عشان ان كان عاري مره ندبر له دبره ونسنعه "
جود "هههههههههههه طيب "
ريووف وهي تتثاوب "يالله جود سلام بنام نعسانه "
جود "سلام قلبو"
قالت تهمس في نفسها /يارب يا كريم احفظ لها رجلها من كل سو ياربـ العالمين .../
دخلت ندى الغرفه وجلست تسولف مع جود عن اخوانها وحركاتهم معها وجود فاطسه ضحك .. وضاع الوقتـ ونست جود ضيقت بالها من الي صار ...
اما طارق فاتصل على حمدان وبلغه بالي صار لاخوه واتفقوا يتقابلون في المستشفى باقرب وقت ممكن ..
وكــــــــــانتـ، الساعات .. دهور .. وسنين لطارق واخوانهـ المفجوعينـ

^^^^^ الفــــــــــصل الثامـ 8 ــــــــن ^^^^^
اليوم الثانيـ ------@@@@>
وصل حمدان لجده قرابة الساعه ست صباحا لانه مالقى حجز واضطر يجي على السياره وطبعا الرحله للمنطقه الغربيه استغرقت حدود ست ساعات ..
وفي نفس الوقت كان طارق بالمستشفى بلحاله لان جلوي اضطر يرجع للرياض ..
وقف طارق وهو يشوف حمدان جايه يمشي بسرعه ؟.
حمدان "السلام عليكم"
طارق "وعليكم السلام والرحمه"
حمدان "خير يا طارق خالد شفيه "
طارق وهو يمسح بوجهه بيدينه من التعب له اكثر من ثلاثين ساعه مانام ..
"والله مدري شاكين بشي بس رفضو يعلموني وشهو وقالو بيسوون فحص كلي واشعه مقطعيه للدماغ وللحين مدري عنهم "
حمدان ووجهه اصفر "ياربـ سترك انا قلبي مو مرتاح لنوباتـ الصداع الي تجيه "
طارق بخوف "والله مدري بس كانت تجيه بزود وله كم شهر يشكي بس ياخذ مسكنات واظن ماعاد تنفع الله يهديه كم مره قلت له يروح طبيب مختص وهو رافض"
حمدان "ليت ماتنفع وانا اخوك ربك يستر بس "
طارق "يارب "
حمدان وهو يناظر في وجه طارق التعبان ومحاجره السوداء من الارهاق وقلة النوم "اقول شكلك مرهق انا حجزت لنا غرفه بفندق قريب من هنا "
ناظره طارق بقلة تركيز "تصدق نسيت موضوع النوم والحجز"
حمدان وهو يحط يده على كتفه "ما يخالف وانااخوك رح ارتح وانا بجلس هنا لين يجي الطبيب ونعرف وش فيه .."
طارق بعناد "بجلس هنا وانتظر الطبيب المسؤول عن حالته "
حمدان باصرار "يا اخوي ريح والي كاتبه الله صاير صاير جلستك بتضرك مو نافعتك رح الله يهديك ونم لك كم ساعه "
تعبه الجسدي والنفسي كان اكبر من كل تحدي وعناد .. ومالقى نفسه الا طالع من المستشفى ورايح للفندق .؟.
*
.؟.
*
.؟.
جلس حمدان متململ وكل دقيقه يرفع الجوال يشوف الساعه..وصل جده بحدود ست والساعه الحين 8 و الطبيب ماجا ..
الا وجواله يدق .. ابو مقرن يتصل ...
"الو "
"السلام عليكم .."
"وعليكم السلام هلا ابو مقرن"
فهد بخوف " حمدان شعندك متصل على الفجر "
حمدان "والله يا خوي خالد طاح مغمى عليه بمطار جده وهو الحين بمستشفى (.........) وانا انتظر الطبيب المسؤول عنه عشان يعلمنا وش فيه
فهد بصدمه "وخالد وينه "
حمدان "بالعنايه يا خوي شكل سالفته كبيره ماهو صداع نصفي ولا شي "
فهد "ياربي سترك ورحمتك الوالده درت "
حمدان "لا لا تعلمها بشي خلنا نتبين السالفه حتى ريوف ماتدري وانا ماشوف له داعي نعلمهن على الاقل بس لين تطلع النتايج ونشوف وش فيه "
فهد "نعم الراي انا جايكـ في اقرب فرصه بس لاصار شي وكلمك الطبيب دق علمني"
حمدان "زين"
فهد "سلام"
حمدان "سلام"
جلس حمدان مسند ظهره للكرسي ومشبك اصابيعه ببعض ينتظر وصول الطبيب .. وشوي الا واقف على راسه طبيب طويل وشعره فيه شوية شايب وباين الوقار على وجهه .."السلام عليكم"
وقف حمدان "وعليكم السلام والرحمه"
الطبيب "قالو لي بالاستقبال انك من اهل خالد ....... "
حمدان "انا اخوه "
الطبيب "حياك الله اخوي ياليت تتفضل معي المكتب لان السالفه يبيلها جلسه"
بان الخوف على عيون حمدان قال الطبيب يواسيه (قل لن يصيبنا الا ما كتب الله )
حمدان "ونعم بالله "
وراحوا لمكتبه .. وهم بالطريق قابلهم طارق "السلام عليكم"
الطبيب وحمدان "وعليكم"
حمدان للطبيب "هذا طارق زميل وصديق خالد واخونا"
الطبيب "تشرفنا "
وراحو كلهم مع الطبيب للمكتب الي بالطابق الثالث وبعد ماجلسوا .. قال الطبيب "شوفوا يا اخوان كل شي يصير لابن ادم مقدر ومكتوب من الله سبحانه والواحد لازم يرضى بقضاء الله وقدره "
سكت شوي حتى عقولهم المترقبه تتشرب هالكلام وتستوعبه ويخفف وطء الصدمه عليهم ..
كمل "......... خالد وكتشخيص مبدئ اظنه مصاب بورم في الدماغ "
طاح جوال حمدان بالارض وقال طارق بصدمه "ايش"
الطبيب بهدوء "انا اقول كتشخيص مبدئ بس الاعراض للأسف تشير انه مصاب بسرطان الدماغ "
حمدان بكلمات غير مترابطه ويدينه ترجف "سرط....ان .. كيف شلون ومن وين جاه"
الطبيب وهو يهز راسه بعجز "للاسف يا اخ حمدان هالمرض بالذات أسبابه غير معروفه ...و........"
طارق انعدم واقعه من حوله "و ايش ماظن يا دكتور الي بنسمعه مصيبه اكبر من الي تو سمعناه"
الطبيب برحمه "أدعو ربكم يكون ورم حميد ويكون بمنطقه غير حساسه حتى نقدر نزيله لأنه لو أنوجد بمنطقه حساسه بالمخ راح نكون عاجزين عن مكافحته "
حمدان بألم "يعني نتركه يموت ونتفرج"
الطبيب يحاول يواسيهم "الرسول صـلـ الله عليه وسلم ـى قال يا اخوان "عجبا لأمر المؤمن أمره كله خير " وهذي كفاره من الله ومغفره له انتم كبار يا إخوان ومؤمنين بقضاء الله وقدره وحنا مانبي نستعجل الأمور وانا حبيت أحطكم بالصوره بس وإعلامكم باسوء الاحتمالات ..ع العموم حنا بنسوي فحوصات كامله وأشعه مقطعيه للدماغ وكله راح يبان بإذن الله "
طارق وهو يناظر في حمدان "ومتى نعرف النتايج "
الطبيب "الليلة إن شاء الله أو بكره اعرفو إني بحاول قد مقدر استعجال النتايج عشانكم ضيوف علينا هنا وتقديرا لظروفكم"
طارق بصدمه الخبر إلي مازالت تشله "مشكور ماتقصر بس نقدر نشوفه"
الطبيب "لا للأسف لأنهم يسوون له الفحوصات الحين"
حمدان بغصه "طيب صاحي هو يدري عن إلي يصير حوله"
الطبيب "طبعا صاحي المسكنات هدأت الوجع وهو بخير حاليآ"
سكتوا العيال ماعاد عندهم كلام يقولونه غير الدعاء له والانتـظار
ويا ما أصعبه من أنتـ ظ ـار !!
،
،
،
@@@@@@@@ قبل العصر بربع ساعـه
نزل ماجد من غرفته بعد مانام له ساعه يرتاح فيها .. ابتسم وهو يسمع ازعاج خواته بالبيت وتذكرت ايامهم منول ايام الوناسه والجمعات والبيت الي كانن خواته منوراته والي بزواجاتهن تركن فراغ كبير فيه ياليت العادات والتقاليد تسمح انهن يكونن حوله وببيته بس يالله اهم شي سعادتهن وراحة بالهن ..
دخل الصاله "سلام"
وعم الهدوء ثواني لان وجوده ملا الصاله الوسيعه "وعليكم السلام"
جلس جنب امه وقال لخواته "اقول بنات اليوم بيوصل اثاث جناحي ياليت تسنعنه عندي شغل مو فاضي "
امه "يمه فضي نفسك ساعه طيب تاكد انه الاثاث الي طلبته"
ماجد "يمه هو هو اكيد معطيهم عموله وش كبرها عشان يوصلونه في موعده زين تعرفين فارس مالقى حجز بعيد والعرس بعد زواج بندر بشهر"
صرخن البنات "شهر"
ماجد "ههههه ايه ولا تقولن متى يمدينا نشتري فساتين لان فساتين زواج مشاري وبندر تكفي"
ريوف وعيونها طالعه من الصدمه "يالهوي اذا ماشريت لعرسك اجل اشتري لمن "
ماجد "ههههههه عليكن حركات يالحريم لازم التكاليف يعني "
اماني "هذا عرسك انت مو حيا الله "
"هههههههه رايقات"
قالت اماني وهي تجلس قدامه "اقول مجود شرايك تعطينا قصيده من قصايدك الزينه "
ماجد "افتحي لاب توبي تلقين قصيده بدايتها الشعر يعني .. وبعض احيان ما يعني"
اماني "القها علينا"
الا وهو ياذن "بعدين اقرا لك بس الحين صلاه وانا اساسا ناسيها لاني كاتبها من زمان"
.. قالت ريووف وهي تسمعه يإذن "يووووووو امانيو وجع ليه ماذكرتيني ادق على محل الحلويات واطلب حلا وفطاير "
اماني "انا شدخلني ان كنتي نسايه"
امهن "امر الله من سعه لا فاضو من الصلاه اطلبن"
ريووف بتكشيره "ايوه وننتظر لين المغرب على بال ما يوصل"
ام ماجد "اطلبي من غيره "
ريووف واماني "لا مانستغني "
وجلسن يضحكن على بعض لان هالمخبز مافيه زي حلوياته وفطايره ...
دخلت البتول الي سمعت اخر سالفه وقالت تمزح "ايوووووا من يفكنا من لسان جود الحين نسيتي انها تتشرط دايم لا جتنا وتذلنا "
قال ماجد بعفويه "بتجيكم جود اليوم"
البتول "ايه هههههه اجل هالرعب ليه ياربي يا ماجد ماتعرفها لا استلمت ريووف واماني تهزيء تموت ضحك "
اماني كانت تضحك وريووف كانت تبتسم وعيونها على اخوها وتعبيراته ... كان هادئ وملامحه عاديه بس مسكته للجوال بقوه ورجفه تفضح مشاعره ..
وقف ماجد لانه اقام ... وبيلحق الصلاه لا تفوته
قالت ريووف بهمس "شفتي يوم جت سيرة جود وش سوى "
اماني بهمس عن البتول وامهن "ماسوا شي لاتكبرين السالفه"
ريووف وهي تتمهزا "ماسوا شي اماني لا تسوين مو فاهمه"
اماني باستسلام جزءي "طيب ارتبك شوي وتوتر بس"
ريووف "ههههه الاعتراف بالحق فضيله"
اماني وهي تخزها "قومي نصلي ابرك بس "
،
،
----------@@@@>بغرفتهن ..
كانت اماني تسوي مكياجها وريووف تمشط شعرها الا جوالها يدق "الوووو"
ماجد "هلا ريووف انا بمحل الحلويات الي تحبنه قولي وش طلباتك"
فتحت فمها بصدمه "هاه"
ماجد بعجله "ريووف عجلي علي وراي اشغال"
ريووف "هاه ايه طيب ........"
ونقلته الاغراض الي تبيها ثم سكرت الجوال مصدومه شوي الا وتنفجر ضحك..
ناظرتها اماني "الحمد لله ياربي انهبلتي"
ريووف "ماتصدقين لو اقول لكـ"
وعلمت اماني... الي فتحت فمها بدورها ..
اماني "ههههههه توه مشغول وماعنده ساعه يفضي نفسه فيها "
ريووف سكتت فجأه "عشان تعرفين اني ما امزح يوم اقول لك ان ماجد يحبها للحين"
جلست اماني "طيب يا ريووف يومنه يحبها ليه ماخطبها ليه تزوج نجوى ما تلاحظين ان فيه علامه استفهام كبيييييره حول الموضوع"
سكتت ريووف شوي وقالت بتردد "اماني بقول لك بس لا احد يدري وخصوصآ جود"
اماني "قوليـ"
ريووف "قبل ملكة ماجد بتقريبا اسبوع كان فيه جمعه عندنا انا وجود وندى وبنات ابو طارق "
اماني وهي تفكر "مذكر"
ريووف "انتي كنتي مسافره مع رجلك الديره"
اماني "طيب"
ريووف "كنا نسولفـ وقالت نجوى لجود يا بختك على الاقل ماجد يحبكـ من بين الكل ورغم انه اكبر منك بتسع سنين تقريبا جود استحت وسكتت بس الغيره كانت واضحه بعيون نجوى الي كان ماجد معجبها وكانت تستفز جود الي قالت لها لما زودتها عيب هالكلام قالت لها نجوى وهي تضحك عيب ليه تنكرين انك تحبينه جود طبعا مستحيل تعلمها بالصدق لان نجوى راح تركض لامها وتعلمها وامها بدورها تفضح جود بجماعتنا كلهم قالت جود لا ماجد ولا ميه زيه يحركون فيني نبضه قلب او ادني اهتمام ومن سوء حظها ان ماجد كان مار من غرفتي وسمع كلامها (قالتها بحزن) "
اماني تفاعلت مع ريووف لان السالفه ذي ما تعرفها "لاااااااااااااااااااا"
ريووف بحزن "بعد ما راحن البنات لبيوتهن جلست بالصاله معه وكان يقلب بالقنوات بعصبيه اخر شي قال لي ريووف قلت نعم قال بسالك سؤال وجاوبي عليه يا ايه يا لا قلت اسال قال صدق ان جود هي الي قالت لا ماجد ولا ميه زيه يحركون فيني نبضه قلب او ادني اهتمام انا انلجمت وولع وجهي ودخت الله لا يوريك حالتي يوم سالني طبعا ماجاوبت صرخ فيني روعني وقلت ايه قالته بس ورفع يده سكتني قلت له يا ماجد فهمت غلط خلني اشرح لك وناظرني ذيك النظره وقال لا تفتحين سيرتها قدامي مره ثانيه ومن باعني بعته برخص التراب ومن ما حركت فيه نبضة قلب وادنى اهتمام انا مستغني عنه قلت بس الا ويهب فيني بكل صوته ويرمى الريموت بالارض لينه مية قطعه وقال ان فتحتي معي هالسيره لا انتي أختي ولا اعرفكـ وطلع من عندي زعلان"
اماني راح وجهها اصفر وقالت لريووف وهي تهزها "ريووف ليش ما علمتيني ليش سكتي لين الحب الي بينهم انتهى انتي ماتشوفين جود كل يوم تذبل بسبب زواجه من الي ما تتسمى "
ريووف وهي مدمعه "اماني كنت صغيره و اول مره يصرخ فيني ماجد روعني غير انه ملك على نجوى عقبها بأسبوع "
اماني وهي ضامه وجهها بيدينها "يا الله "
ريووف بحزن "اماني انا مستعده اتقبل زواجه بغير جود الي كانت تحت حمايته وكانت مخصصه بحبه من يوم وهي صغيره لين كبرت لو الي تزوجها غير نجوى ، نجوى ما ينعرف لها مع كل هبه ريح تتغير ساعه نقول مدينه وحبيبه وساعه تقلب على الوجه الثاني انا اتمنى لاخوي السعاده والاستقرار ماجد يستاهل الخير يا اماني وانا خايفه من حياته تتعكر لا تزوج"
دق الجوال يقاطع نقاشهن لينها جود "الوووو تراي بالطريق حبيباتي افتحوا الباب لا انلطع بالشارع (قالت تستهبل) الاخت ندى عندها مشوار مستعجل لمحلات نعومي ااااااااااااااااااااااااااااي وجع ندوش "
ريووف "هههههههههههههههههههههههه الله لا يأمنك على سر مسلم "
جود مسويه مظلومه"حرام عليكـ يالنذله يالله سيو اتفاهم معك لاجيتـ"
ريووف " ههههههههههه طيب بدق على الشغاله تفتح طرف الباب لك والبيت امان مابه احد "
جود "اوكي سياااااااا"
اماني وهي تتذكر "بروح اجيب لاب توب ماجد ابي اقرا القصيده بدايتها مشوقه "
ريووف "هههههههههه طيب لا تبطين"
ثواني الا واماني جايبته .. فتحنه على الملف الخاص بكتاباته ولقت القصيده الي ماحط لها عنوان بمكان وسط فوضى احاسيسه ومشاعره
ريووف "يالله اقري باسمعك"
اماني "اوكي بس مافيه زي القاء ماجد "

الشعر يعني .. وبعض احيان ما يعني *** والجرح ضيفٍ سكن بي والحشا بيته

الشعر ارضي .. يوم ان الهم زارعني *** الشعر نهرٍ .. شربــني يــوم صبّيتـــه

سهّرت وجهي وكف الصبح يصفعني *** كنــي بصمتــي جرحتـه يــوم ناديتـه

يــامــا تحلمــت في قربــك ولـوعنـي *** قلـــت اتحلـــم ببــعدك لــو عـانيــــته

يلعن ابو الحلم بس الحين طاوعني؟؟ *** لـو ادري انه بيصدق كــان صحيتــه

ما انته لحــالك عشان تقـول بـايعنـي *** كثيـر كسـروا ذراعــي يــوم مديتــه

اكـذب البعد .. لـين الــهم يـقـنعـنــي *** كنـي علـى كثـر مـا اذكرني تناسيته

قبل انتفارق وتنسى جرحي اسمعني: *** وش فـايـدة كـــل جـرحٍ فيّ خليتـه؟؟

ما قلت لك من (بعد) بعدك يسنّعنـي *** هلحـين شفـني عمـا فاللــيل سـرّيتـه

ضايع من اللّه وطاري البعد ضيعني *** تبــي تــدلــه وطــالــع ويــن وديتــه

يـاكبر ظلـمك تسـافر مـا تــودعنــي *** مـاكنـك الـلــي ذبحنـي لــين حبيتــه

كـم قلــت يـا آدمـي بـعدك يروعنـي *** ويــاكـم جـرحٍ يـجينــي مــاتحريتـــه

اذكرني اليا نثرك الشوق واجمعنـي *** واذكرني اليا حضنك اسمي وضميته

واذكرنـي اليا ذكرت الدمع قطعنـي *** وان مر في خاطـرك رقمـي ودقيته

مع السلامـه وقبل تسـافر اسمعنـي: *** تبقـى أكثــر انسـان بكـانـي وحبيته
(منقوله)

سكتن البناتـ والهدوء عم الغرفه وجلست اماني بدون مقدماتـ تصيح ..
اماني عقب ماهدت "ريووف ماجد يتعذبـ انتي مستوعبه هالواقع"
ريووف بغصه "قال لك القصيده قديمه مر عليها دهور "
اماني القويه اختبص حالها "حتى لو ريووف ودي اكلمه عن هالموضوع بس متردده"
ريوف بابتسامه حزن "وش بتقولين يا ام ماجد ليش تسرعت في حكمك على جود.؟ وليه تزوجت نجوى ؟وليه؟ وليه؟ وليه؟"
اماني وهي ترجع تسيطر على نفسها "انا ما اكره نجوى ولا ابي اخرب بيتها بس اخوي ما يهون علي ابيه يفضفض لي اخوي عزيز نفس واعرفه "
ريووف "حاولي وشوفي"
اماني باصرار "بحاول"

،
،
،
تحت -----@@@@>
وصل ماجد ويوم دخل من المدخل الرئيسي الا البتول بوجهه "طلبن البنات اهب مسرعهن "
ماجد "شيلي الاغراض عني بالاول"
البتول بغباء "يو نسيت لحظه دفعت الحساب ولا اروح اجيب الفلوس من ورى خشومهن "
ماجد "ههههههه لا دفعت ترى كلها ميتين ريال"
طلعت عيون البتول قدام " حلا بميتين علينا يالاربع "
ماجد "تستاهلن "
كمل وهو يدخل الاكياس "رحت ادور المطعم الي ورق العنب حقه تحبنه يالله لقيته"
طلعت عيونها زود ... ماجد وهو يشوف ملامحها "شفيك"
البتول "ولا شي بس المطعم مو حول المخبز انت الي جايب الاغراض"
ماجد يستهبل "لا خيالي "
البتول "ههههههههه يا حليله خيالك ذا لا طلعت خله بالبيت عندنا "
ماجد "ههههههههه والله انك خبله اهم شي ما تفشلونا في بنت عمي "
البتول بهبالها المعتاد "ههههههههههههه اخاف يجيها انهيار لا شافت كرمك الزايد "
قال وهو يغمز "طول عمري كريم وجود تستاهل"
البتول "وحناااااااا ما نستاهل"
ضربها على راسها بشويش "الا تستاهلن يالله تاخرت على شغلي بروح اخذ اوراق من فوق ثم بطلع"
دخلت جود البيت وهي تتحلطم لان ندى عيت تخلي السواق يدخل بالسياره جوا فاضطرت تطقها كعابي من البوابه الكبيره لين مدخل البيت ..وكعبها المسمار العالي ما ساعدها ..
نزلت طرحتها وهي تدخل البوابه وصادفت البتول في وجهها .. بعد السلام قالت جود بعصبيه "اوريك ندوشوه ان ما توطيت ببطنها ماكون جود بنت صالح "
البتول بتنبها ان ماجد بالبيت بس جود مواصله تعصيبتها "والله لاذبحها"
البتول "بس اخوي ...........
جود (تحسبها تتكلم عن مشاري) "يطق راسه بالجدار ذابحتها ذابحتها عز الله بيجي العرس ورجليني متورمه من الكعب "
البتول "ههههههههههههههههههه محد قال لك ترززي بكعب طوله متر"
جود وهي تخزها "اسوي بروفات عشان العرس تبيني اهابد وافضح عمري بين المعازيم "
البتول "ههههههههههههههههههههههههه طيب اطلعي للبنات شوفيهن فوق وانا بروح للمطبخ "
جود "اوكي"
وقفت جود قدام الدرج الكبير وهي متازمه اخر شي نزلت عبايتها وكانت لابسه تنوره جنز ضيقه وبلوزه سوداء وشعرها مسيحته وماحطت مكياج بس روج زهر خفيف ومسكره ..طلعت درجتين وتعبت من الكعب تحس ظهرها بينكسر دنقت تفك الجزمه (وانتم بكرامه) وطاح شعرها قدام وهي تحاول تفكها ...
طلع ماجد من مكتبه الي بجنب غرفته بالقسم اليمين من البيت .. وهو فوق بينزل لفت انتباهه ريحة عطر .. ما تنسي وصوت معصب طل مع الدرج وشافها .. مدنقه تدبر في شي وشكلها معصبها ..
شوي الا تصيح بهمس "لااااااااااااا يا خسارة 350 ريال الي دفعتها "
ابتسم ورجع لمكتبه ينتظرها تطلع .. عشان ينزلـ ..
وبعد عشر دقايق نزل وكان المكان خالي .. بس في شي يلمع بالارض رفعه ولقاع تعليقة سلسال بحرف M ضمه بقبضة يده لانه تخيل حلم بسيط وامنيه ..
البتول برباشه "مارحت "
ماجد "بطلع الحين (مد عليها التعليقه) هذا لكـ "
وكأنه مو داري لمن ؟؟؟؟
قالت بطفاقه وتهور "لا مولي ريوف بتلبس طبعا k واماني A وانا ماحب الحروف وجودM (قالتها بعفوووووووويه لكن وجههااااااااااااا ووووووووووووولع احترق تمنت الارض تنشق وتبلعها مرت جنبه بتنحاش من فشلتها...
مسكها مع يدها "من M"
البتول بخوف "محد"
هزها بعصبيه "مـــــــــــن "
قالت تكذب "صديقتها"
ضحك بدون نفس "دوري غيرها انا عرفت من يا البتول ما يحتاج تقولين "
وفك يدها وطلع ...طلعت الشغاله بالقهوه والبتول مسنتره ترتجف بوسط الدرج نزلت ريووف "بنت وينك يالله تعالي"
البتول "طـ طيب "
وطلعت لهن فوق ..
دخلت ريووف الغرفه ولحقتها البتول الي جلست ويدها على قلبها
جود "ههههههههههه شفيك كانك شايفه سكني بسم الله علينا"
البتول (لسانها متبري منها) " طحت لي بمطب قوي مع ماجد"
جود بصدمه "ماجد هنا"
البتول "كان هنا وطلع "
اماني ويدها على قلبها"وش هببتي"
البتول وهي تخز جود "جودوه سلسالك وينه "
حطت جود يدها على رقبتها ومالقته حركت بلوزتها وطاح السلسال بس والتعليقه مو فيه .."ياااااااربي وين راح"
مدته البتول عليها ..
جود براحه "بغيت اصيح يوم مالقيته"
البتول "انا الي بصيح ماجد لقاه بالدرج طايح وسالني لمن و.............."

حمر وجهها ..
حبست جود انفاسها من الصدمه ..وقالت ريوف وهي تخزها "قلت له لا مولي ريوف بتلبس طبعا k واماني A وانا ماحب الحروف وجودM "
رمتها اماني بالجوال "الي يخس ابليسكـ"
تغير لون وجه جود "شقاااااااااال يالمرجوجه"
البتول ووجهها طايح "سالني من m وقلت محد وصرخ فيني قلت صديقتها لكنه فك يدي وقال دوري غيرها انا عرفت من يا البتول ما يحتاج تقولين ثم طلع وصفق البابـ وراهـ "
بغى يغمى على جود .. "عرف مـن .؟ "
اماني بهدوء "ماعليك من البتول وهذرتها لازم تزود في السالفه شوي"
جود بامل "جد "
اماني "ايه"
وغمزت لبتول الي فتحت فمها بتعترض..
انتبهت جود للاب توب الي بينها وبين ريووف ورفعته في حضنها وقرت القصيده ..
ناظرت في البناتـ .. ولقت وجيههن متغيره ..بكل هدوء سكرته وحطته على جنب..
ما صدقت المغرب يإذن الا والبنات يتفرقن للصلاه وهي بقت بلحالها في الغرفه والدموع الي حبستها طول هالساعه نزلت وجلست تشاهق وهي تتذكر الكلماتـ الي انطبعت براسها

ما انته لحــالك عشان تقـول بـايعنـي *** كثيـر كسـروا ذراعــي يــوم مديتــه

عرفت انه زعلان منها ومجروح بسبب الكلام الي سمعه منها .. بس فات الاوان وحبل الوصل بينهم مقطوع
وهو مو لها لغيرها..
لبنت اخوها!!
للحمها ودمها ..؟
لازم تنسـى..الحياه تستمر..هو الله يوفقه وهي الله يعوضها !
الي سوتـه مو قليل .. اهي جرحته ذبحته .. خلته انسان ينزف الم في ابياتـ شعره وقصيدهـ
ما حست الا بيد على كتفها رفعت راسها وشافت اماني ..
دنقت جود وما قالت شي ...
اماني بحب واخوه "انسي تمر الذكرى يا جود كلن يشيل جروحه على كفه "
جود بابتسامه كلها طعون "قلتيها بس البلا قلبي ما يطاوعني "
اماني "اذبحيه لو لزم الامر يا جود كرامتك فوق الكل ..؟"
جود وهي تبتسم بخيبه "الكلام سهل والفعل صعب يا اماني من يوم مافتحت عيني على الدنيا وماجد هو نورها كان طيب حبيب حنون كان زي بندر عندي كبرت وكبر حبه بقلبي تذكرين كنت لما تجتمعون اترك جمعتكم وروح ادوره هو وبندر واجلس معهم لين ماصار عمري 15 وانا ما افترق عنهم حتى هو كان يودني وطبعه يتبخر لا جلست معهم تدرين اماني ماجد مع بندر غيييييير عن ماجد الي نعرفه"
ابتسمت اماني"عارفه يا قلبي على قولة امي حنا من جيل واحد ههههههه"
جود "ههههههههههه الا صدق وينها عمتي ما شوفها "
اماني" اكيد بغرفتها "
جود وهي توقف "بروح اسلم عليها"
اماني "اوكي انتي سلمي عليها وتلقينا بالمطبخ"
جود "اتفقناااا"
نزلت جود الدور الي تحت وراحت لجناح ام ماجد دقت البابـ "ادخل"
ابتسمت جود "مساء الخيرات"
انشرح صدر ام ماجد بشوفة جود "هلاااااا وغلااااا بالغاليه بنت الغاليه"
سلمت جود عليها "لله يحييك يا عمه وش اخبارك"
ام ماجد "بخير ما دامك بخير يا بنيتي وين هالغيبه عنا"
جود "تدرين زواجات الشله مبهذلتنا بس قدرت اتملص اليوم واجي " وابتسمت
"الله يوفقهم ويرزقكـ بالزوج الصالح"
مرة سحابة حزن على وجهها ومع حمرة وجهها دعت الله تفهم عمتها على ان السالفه حيا
"يالله يا خاله بروح للبنات في المطبخ شرايك تجين معي"
ام ماجد "الحين بجي بس قبل بعطيك شي"
استغربت جود "شي ايش ..؟"
وقفت ام ماجد وفتحت خزنه عندها بالغرفه وطلعت منها علبه مربعه..وعطته جود ..
"وش ذا يا عمه"
ام ماجد "افتحيها"
فتحته جود وانذهلت كان عقد ذهب ابيض نااااااعم على شكل دموع وورد مترابط ومعه خاتم كان جناااااااان عيونها منبهره بجماله
ام ماجد "شرايكـ فيه "
جود "روووووووووووووووعه ياخذ العقل"
ام ماجد "تراه لـك"
انصدمت جود "لي انا ..؟ "
ام ماجد "ايه"
تبلمت جود مو فاهمه ..قالت ام ماجد "هذا ذهب والماس يمه وما فيه جيد يستاهله غير جيدك"
تبلمت زود ...ذهـــــب .. والمــــــــاس
جود استحت من مرة عمها "طيب وش المناسبه "
ام ماجد "يمه انتي بحسبة بناتي وانا بغيته لك هديه عساه اعجبك"
دمعت عيونها "يجنن يا عمه تدرين انه كان عندي تصميم انا راسمته يشبهه (ضحكت وهي مدمعه) وكنت مسميته دموع جود "
حزت بخاطر ام ماجد هالقلبين الي كل واحد بعيد عن الثانــــــــــي سنين ودهور ..
ام ماجد ما اخطت بقرارها يوم قررت تعطيه لها ..
لانها صاحبته في الاساس ومصمم عشانها ..
ام ماجد "حافظي ،
عليه يمه وحطيه بعيونكـ"
جود وهي لسى متأثره "بغليه اكثر من حياتي "
وقامت وحبت راس مرة عمها وضمتها ...
ثم طلعت من الغرفه

-----------@@@@>بالمستشفى ...
دق طارق على جود "هلااااااا جود"
جود وهي طالعه الدرج عشان تحط العلبه بشنطتها"اهليييييييييييييييين طروق اخبارك"
طارق "بخير الحمد "
جود وهي تناظر حولها "اخبارك خويكـ"
طارق وهو يتنهد "هو طيب وصاحي مابه الا العافيه "
فرحتـ جود من قلبـ "طيب وش فيه هو "
طارق "لسى النتايج ماطلعت بس صحته زينه الحمد لله انتي وينك"
جود "انا ببيت عمي سلمان "
طارق يحذرها "ريووف لا تدري"
جود "افا يا طروق تعرف عمتك زين بير ماله قرار "
طارق "والنعم بعمتي الي اصغر مني"
جود "ههههههههههههههههه احلى عمه بالعالم"
طارق يحب جود بشكل مو طبيعي "فديت راسها والله الغاليهـ"
جود "لاتنسى بلغني بالتفاصيل"
طارق "ابشري بالخير سلام"
جود "سلااااااااااااااااااااام"
شوي الا وريووف تروعها "بوووووووووووووووووووووووووووو"
جود اختبصت "قطييييييييييييييييييييعه ريووفوه"
ريووف "هههههههههههههههههههههههههاي من تكلمين "
جود "اكلم الجني الازرق وش تبغين"
ريووف بلقافه "الله يخليك علميني تكلمين من ؟."
جود "ههههههههههههههههههههههه ياشين اللقافه كنت اكلم ولد اخوي"
ريووف "طارق ماغيره"
جود وهي تبتسم "طارق ماغيره"
ريووف "بصراحه ولد ولد عمنا ذا له معزه بقلبي غير الكل يحبه حتى خالد ما يبطل كلام عنه .. خالد الي كلامه قليل هههههههه"
ابتسمت جود "اشوف الخاطر وسيع والبال مرتاح اليوم"
ريووف وهي تجر جود ويجلسن بالصاله تحت "خالد وافق نسوي فحوصاتـ"
جود بصدمه "خالد زوجك"
ريووف "ههههههههه لا ولد الجيران"
جود "احلـى خبر سمعته الصراحه وااااااااااااااااااااااو ياما قلت لك الصبر الصبر ومادامك تحبينه ويحبك بيتغير"
ريووف وهي تتنهد "عارفه يا جود بس بداية زواجي واجهتني صعوباتـ معه ماقول مشاكل او هوشات لا بس اشياء كثيره ماحبيتها فيه لكن مع الصبر بدا يتغير للافضل ان شاء الله عسى مايرجع خالد المنطوي زي قبل حتى شغله كطيار ماهو مساعدنا ابد بس الحمد لله على كل حال "
جود "يستاهل الحمد والشكر "
طلعت البتول من المطبخ جوالها على اذنها "بنات ماجد يقول تبون عشا ولا شي من برى"
تغير لون وجه جود وقالت ريووف "ايه مسوي خير"
قاطعتهن اماني "لعنبو ابليس وش ذا الكسل مايحتاج يتخسر حنا نطبخ"
ريووف "لا والله صدق راعي المثل خذ خير قال مامن ماعون"
البتول وهي تصارخ "وبعديييييييييين ماجد عصب"
وجلسن اماني وريوف يتهاوشن وجود تضحك بصوت واطي حتى ما يوصل له صوتها ...
البتول "ماجد يتهاوشن وش ذنبي تهزئني..طيب .. طيب ..(تستهبل) لاتعصب مجودي ....يمه طيب ههههه"
قال بصوت عاليـ "الشرهه مو عليكن الشرهه على الي بيعشي هالوجيه "
سكتن البناتـ لان البتول حطته سبيكر ..شوي الا يضحكن بصوت عاليـ ..
ماجد "تدرن ياخسارة الدقيقتين الي كلمتكن فيها "
ريووف "ههههههههههههههه مجودي حبيبي خلاص توبه شسوي خواتك محششاتـ "
اماني "لا يا قليلة الحيا"
الا وماجد الصغير داخل عليهن بالصاله وجا يركض "خاااااااااااااااالة جود "
جود بمحبه "بعد قــــــــــــلب خاله والله "
بعد
،
قلبهـا
،
كلمه حلم فيها ليل نهار وبالنهايهـ ضاع في هجير البعد وحظه الـ ع ـاثر ..ماكان يدري انها موجوده والا ما تكلم واستهبل مع خواته .. حتى صوته ما تستاهل تسمعه ..
قال بسلطه "شوفن اطلبن من مطعم (-----------) وخلن الحساب علي"
البتول وكالعاده لسانها متبري منها "ماجد مو تفشلنا شلون نقول له يحط الحساب عليك"
ماجد بثقه "قولن الحساب على ماجد بن سلمان ومالكن شغل "
البتول "طيبـ برذر بس بحدود كم تبينا نطلب"
ماجد بعصبيه "مو ماجد الي تسالينه عن الفلوس اطلبن الي تبن ومالك شغل"
البتول تستهبل "لو بالف "
ماجد وما اهتز له رمش "لو بعشرين زيها سلام "
وسكر الخط ...
البتول وهي مكشره "يااااااربي اخوي ذا ماعنده اسلوبـ "
كملت وهي تحرك حواجبها "مدري وش الكرم الي نازل اليوم عليه اول مره يجيب لنا ماجد حلا بنفسه لا ويروح لمطعم ويجيب لنا ورق عنبـ والحين بيرسل لنا عشا"
فهمن البناتـ تلميحها .. قالت جود وهي تحذفها بالمخده حقت الصوفا "اخوك متزوج استحي"
قد ماتذبح هالكلمه الا كلما اسرعت في تقبل واقعيتها كان احسن لها .
البتول وبحقد "وووووع لازم تحومين لي كبدي"
اماني "البتول مالك داعي"
البتول "اختلاف الراي لا يفسد للود قضيه"
ريووف "هههههههههههه احلفي يا شيخه "
البتول بتكشيره اكبر "ووووووووعين مالقيتي الا اسم شيخوه النسره ام النسره"
جود "هههههههههههه اقول لا تحشين مانبي ناخذ ذنوب احد"
البتول "على قولتكـ مانبي ذنوبهن جعلهن........"
قاطعتها جود "شقلناااااا"
البتول "هههههههههههههاي نسيت بروح اطلب لنا عشا تبونه على الساعه كم"
ريووف "جود نامي عندنا اليوم"
جود "مقدر صعبه ندى اليوم راحت تختار مسكة الفستان وبكره بتبدا ترتيب اغراضها عشان ننقلها هنا"

ريووف "المسكه تبيها ورد ولا اكسسوار "
جود "بتشتري فراشه كريستاليه عجبتها الاسبوع الي فات مره كيوتـ غير انها مناسبه لفستانها الي كلها فراشاتـ "
ريووف "ههههههههههه وتقولين رايحه نعومي "
جود "هههههههههههههههههههههه استهبل عليها بس اخذت لي كوع بجنبي .. حتى صايره زرقاء (تستهبل) اوريكـ عشان تصدقيني "
ريووف "ههههههههههههههههههههههه ضفي وجهك قال توريني قال "
البتول وشوي وتقطع شعرها "الحييييييين وبعدين معكم العشا متى تبونه "
اماني "هههههههههههههههههههه شفيها ذي مشفوحه اليوم"
البنات"هههههههههههههههه"
البتول "خفيفات دم بروح اطلب على عشر بما ان الشيخه جود مو نايمه عندنا"
اماني "جزاكـ الله خير يالله فارقي اطلبي "
ريووف "هههههههههههه الله يخليلي خواتي ويحفظهن من العين ذوووووووق"
جود "هههههههههههههههههاي كفك"
الا والجرس يرن ردت اماني من السماعه " من "
"حنا شركة .............. هذا بيت الاخ ماجد بن سلمان معنا اثاثـ موصى عليهـ خصيصا ومطلوب توصيله هنا"
اماني "ايه هذا البيت ثواني وتفتح البوابه آليآ "
"شكرا اختي"
اماني "هذولا الي جايبين اثاث جناح ماجد بروح انادي امي تطلع لهم "
كتمت جود غصتها وراحت للمطبخ مع ريووف ...جلسن على الطاوله يشربن نسكافيه ..قالت ريووف وهي تشوف العلبه بيد جود " ماهزاااا يا ميس جود"
ابتسمت "هديه من عمتي ام ماجد"
نطت ريووف عندها "بشووووووف"
جود تستهبل "هههههههههههههههههه وحده مشفوحه ووحده ملقوفه وش صاير لكن يا بنات عمي اليوم"
اخذتـ ريووف العلبه وفتحتها .. بهرتها لمعه الالماس ..
بس الابتسامه ماتتـ .. يوم شافتـ شكل العقد
جود وهي فعالم ثاني "روعه صح تذكرين ريوفه زي العقد الي رسمته ×دموع جود×"
ارتبكت ريوف ورحمها ربي بجية اماني ..
اماني "طلعت لهم امي عشان تدلهم على مكان الجناح.."
ريووف "الا شلونه الاثاثـ تراي ماسالت ماجد عنه "
اماني "اظني شفت لونه بيج بس النقش شغل روعه ومعه الصوفا والمقاعد والديكوراتـ وكل شي "
التهت جود تفر كاسها بيدينها ..اماني "وااااااااااااااااااااااااااااااااااااو روووووووووووووووووعه يجنننننننننننن لا تقولين ذي هديتك للبتول"
جود وهي تتذكر "ايه صح هديتي للبتول بشنطتي صدق اني نسايه "
ريووف "وش جبتي لها "
جود "تشكيله من مكياجي تهبل "
ريووف "الله روووووووووعه"
اماني كانت مذهوله بالعقد الي تشوفه "يجنن رهيب لمن ذا ؟"
ريووف "امي مهديته لجود"
اماني "رهيب تلبسينه بالعافيه يا قلبــــــــــي"
جود "يعافيك يا ام ماجد الا وين راح فيه"
اماني "راح يلعب بلاي ستيشن في غرفه فارس ومشاري سابقا "
جت البتول وجلست معهم "وصل اثاث جناح ماجد"
اماني "ايه لهم فتره يحوسون وامي واقفه على روسهم "
قالت ريووف "مشاري معرس بعذره بس فارس وينه يوم امي واقفه على روس العمال "
قالت البتول برباشه "دريتي يا جود عن مصيبتنا فارس بيخطب عويش بنت شيخوه"
طاح الكاس من يدها وانكب على الطاوله والشغاله تداركت الوضع ونظفته وما انكب على جود شي..
ريووف وهي تضربها بشويش "ماعندك اسلوب انتيـ "
البتول "سوري جود بس تعرفيني لا تحمست لسالفه "
جود "عاد مالقى الا عايشه ، عايشه الله يعينكم يا عيال عمي على بناتـ اخوي "
البتول "ههههههههههههههه كانك عجيز مضيعه ولدها قدام باب الحرم انتي وذا الاسلوب"
غصب عن جود والبناتـ، ضحكوا فيه احد يجلس مع البتول ومايستخف ..
،
،
**
،
،
@@@@> بشركة ماجد
وقف ماجد قدام رسم تخطيطي لمشروع بادين فيه وعيونه مركزه بس باله مو معه .. مسك جواله وارسل مسج /انا حولت مهرك على حسابك بالبنك واي شي ينقصك بلغيني ...
ماجد /
حتى صار مو متاكد على رقمه ما زال موجود معها ولا لا ...
دقايق الا وجواله يدق ...ابتسم بسخريه ورد "نعم"
بصوتـ ناعم قدر الامكان "ينعم عليكـ "
ماجد بالم "زين متذكره رقمي ومتذكره اني موجود حي"
نجوى "شدعوه زعلان "
ماجد "ابد سلامتك كنت طايح مريض بالمستشفى وما كلفتي عمركـ تدقين تسالين عني تتطمنين علي"
ارتبكت وطاح وجهها "سوري ماجد كنت مستحيه غير اني دقيت عليك مره ومارديت"
ماجد "عذر اقبح من ذنب وكان بامكانك تدقين بدل المره عشر ولا مكالماتك بس بالمناسبات والجمعات"
نجوى بعصبيه"الحين انت ليش معصب "
مسك اعصابه واسترجع هدوء الضرب في الميت حرام "ابد سلامتكـ ماني معصب و لاشي اليوم وصل الاثاث حق جناحنا وهم يركبونه الحين "
نجوى "زين "
"ومهرك بحسابك واذا نقص عليك شي عطيني خبر "
نجوى "طيـب .. ماجد بغيت اطلب منك طلب "
ماجد "امري"
نجوى "ممكن تعمم جوالي "
سكت شوي ثم قال "ان شاء الله بكره اعممه لك "
نجوى "طيب يالله باي "
ماجد "سلام"
سكر جواله ورماه على جنب ورجع يكمل اشغاله .. وموضوع واحد بكل ما اتاه الله من قوة يدفعه عن باله كيف يقدر ينسى او يتناسى ان كرامته انهدرت وراحت مع شرف بنت ولد عمه وزوجته هالشي يزعجه ليل نهار .. 3 سنين بعذاب نفسي مو طبيعي ..3 سنين وكل شي واقف ضده ..
زواج بدون حب .. زواج فرض عليه ..زواج هدم كل اماله
صحيح جود جرحته بكلامها لكنه كان ناوي يأخذها و يأدبها لكن ام طارق طلعت بالساحه ودمرت مخططاته كلها .. نسفتها .. وبعثرتها
وصار مفروض عليه يتزوج بنتـ بدون شرفـ....اكيد مالها ذنب لانها بنت متعب واخت طارق وتركي ..
لكن الشعور بالانهزاميه وجرح الكرامه مؤلم بشكل ما ينوصف..
وهذا هو حالـه ,,,

^^^ الفــــ التاسـ9ــع ــصل^^^
@@@@جـده
مر على وجود خالد بالمستشفى اربع ايام تبين فيها انه مصابـ بسرطان الدم ورغم محاولات الاطباء يلقون مخرج الا باستخدام الكيماوي لين الله يحلها بحكمته ولطفه ..
الطبيب بحزن "يا اخوان مالكم الا الدعاء وربكم كريم "
حمدان الي ايام لا ذاق نوم زين والاكل ما طب جوفه قال بعدم تصديق "تبينا نستسلم نتركه يموت هذا اخوي الصغير اخونا الي شقينا وربيناه وتعبنا على شانه يموت كذا"
ابو مقرن "وحد ربك يا حمدان وحده"
حمدان وهو يرمي نفسه على الكرسي "لا اله الا الله ، لا اله الا الله"
ماجد "انا عارف امكانيات مستشفياتنا هنا بس مافيه اجهزه جديده اخترعوها او ادويه تقاوم هالمرض "
الطبيب "للاسف يا اخ ماجد المرض ماله علاج الا الكيماوي وهذا طبعا يعتمد على مدة تقدمه يعني ان كان متقدم فما بيدينا شي غير اننا نعطيه المسكنات "
طارق بوجه اصفـر شـ ح ـوب وقهر وقلة حيله "والعمل ..؟"
الطبيب "اتركوه يعيش حياته بسعاده لين الله ياخذ اجله "
حمدان بعيون مدمعه "وتقولها كذا ببرود يا دكتور"
سكت الدكتور مارد .. مسكه ابو مقرن على جنب "اعذر اخوي يا دكتور ترى كلنا مصابين مكلومين وحمدان اقرب لخالد مني لان فرقهم عن بعض سنه "
الدكتور وهو يحط يده على كتف فهد "مقدر يا خوي الي تمرون فيه مو سهل ع العموم نبيه يبقى عندنا كم يوم ثم يقدر يطلع بس بعد ما نرسل تقاريره لمستشفى (-------------) حتى يتابعو حالته وجلسات الكيماوي اذا كان يحتاجها بس بغيت اسالك يبو مقرن هل فيه احد من عائلتكم قد جاه المرض "
فهد بحزن "الوالد الله يرحمه توفى بسرطان الدم والوالده جاها ورم خبيث بالثدي لكن استأصلوه وهي بخير الحين لانه ورم حميد "
الطبيب "الامراض السرطانيه اغلب الاحيان تكون وراثيه واخوك للاسف ورث هالشي عن الوالد بس اذا تبي نصيحتي اعرض نفسك انت وحمدان لفحوصات شامله الحرص واجب"
ابو فهد وكتوفه نازله والانهزاميه على وجهه "اخلص من سالفه خالد ثم اسوي الفحوصات اذا الله امر"
الدكتور وهو ياخذ ملف من الممرضه "خير البر عاجله . بالاذن "
ابو مقرن "تفضل"
ورجعوا لغرفه خالد الي كان مشحب من المغذيات والابر والادويه ...
ماجد "ماجور يا خالد شلونك اليوم"
خالد بصوت متقطع "بخير الحمد لله ذبحوني بهالمسكنات صرت متخدر طول الوقت"
غمض طارق عيونه واطبق الرمش على الرمش لا يبكي وتطيح دمو ع ـه ..
فهد (ابو مقرن) "تبينا نعلم امي وزوجتك عنك"
خالد بقوه "لاااااا بكره زواج مشاري مانبي نعكر فرحه الكل "
ماجد بعصبيه "هذا كلام فاضي مصيرهم دارين"
خالد "انت قلتها مصيرهم دارين خلني على الاقل ارجع الرياض هذا ان امداني ارجع (قالها بحسره) عقبها يصير خير "
طارق بقوه وعيونه تلمع اصرار وزعل "بترجع غصب عنك اترك عنك هالكلام الفاضي يا خالد "
خالد بحسره "تلعب على نفسك ولا علي يا طارق انا بموت عارف هالشي"
طارق "كلنا بنموت يا خالد كلنا (كل من عليها فان ويبقى وجه ربك ذو الجلال والاكرام)"
خالد "ونعم بالله ما قال لكم الطبيب كم بقالي في هالدنيا "
ابو مقرن "استغفر ربك يا خوي هذا طبيب ما يعلم الغيب"
سكت خالد مارد .. وجت الممرضه وعطته ابره وخمس دقايق الا وهو نايم ..
طلعوا من عنده ,,
ماجد بقلة حيله "الحين وش السواة "
طارق "سواة الله ازيــــــــن الرجال انتهى يا ماجد المرض لقوه منتشر ومايقدرون يكافحونه "
ماجد وهو يحس بالدنيا تطبق عليه "لا حول ولا قوة الا بالله "
كمل"........شلون ببلغ ريووف شلون "
طارق بحسره على بنت عم ابوه الي بحسبة بنت عمه "يفرجها ربك ويهونها عليها ياليته يعلمها من بدري عشان تتاقلم معه "
ماجد "ماظنتي بيعلمها يا طارق وانا متكتف مدري وش اسوي"
طارق "متى حجزنا على الرياض "
ماجد "المغرب ان شاء الله "
الا وجوال طارق يرن "هلا "
جود "هلا بولد اخوي حبيبي قلبي "
ابتسم غصب "هلا بعمتي الصغيرونه "
جود "بعد عمر عمتك والله اخبار خالد اليوم "
طارق بحسره "زين "
جود "ايه زين شلون طلعت النتايج "
طارق وهو يناظر في ماجد الي مركز معه "ايه طلعت بس انا راجع الرياض الليله عشان زواج مشاري وبعده بجي اتقهوى عندك واعلمك "
جود "يكون احسن بعد لاني اعرفك لا كذبت علي وانا اشوفك"
طارق "هههههه طيب "
جود "انتبه على نفسك ياطروق معك فلوس تبي شي "
طارق "ههههههههههههههه اذا انا يالطيار مامعي فلوس اجل من معه"
جود تستهبل تبي تخفف الالم الي بصوته ويداريه "عارفه ان معك بس اتميلح"
طارق "هههههههههههه والله انك رايقه"
جود "يمه منه اقول بسكر لا تكرشني هيه سلم على الي عندك (تستهبل تبيه يهاوشها) "
طارق يكلم ماجد "جود تسلم عليكـ"
تفشــــــــــــــــــــلت جود مووووووووت وقالت تهاوشه ""والله مخليك فيها يا طويرق هين "
كان ماجد يسمعها وهي تهاوشه ويبي يحرجها زود "الله يسلمها"
طارق وهو ماسك نفسه لا ينفجر ضحك "ماجد يقول الله يسلمها"
رجعت تصارخ "الشرهه على الي يسولف معك ياولد شيخوه "
طارق "ههههههههههه وتعاير بعد"
جود ووجهها طماطه "يالله سلام"
طارق "سلام"
ماجد "جود عندها خبر عن الي صار في خالد"
طارق "ايه تدري انه مريض ومتنوم بس ماعلمتها عن مرضه لاني مابي اخرب فرحتها بعرس اختها "
ماجد "اخاف تعلم احد"
ابتسم طارق "هذي جود يا ولد العم لا وصيتها على سر كانها ماقد سمعت فيه ومن طول عمرها وهي كذا الله يعينا لا تزوجت "
تغير وجه ماجد "من هنا لين تتزوج يفرجها ربك "
طارق "على قولتكـ"
،
،
،
،
/
/
/
@@@@يوم الزواج<<
كان البيت حوسه وازعاج .. وعجله عشان ما يتاخرون .
جود وهي بغرفه ندى "يالله ندوش تاخرنا "
ندى كانت مرتبكه وحالتها ما يعلم فيها الا الله .. جمعت اغراضها على السريع وطلعن كانت اريام وامال موجودات غير ريووف والبتول الي راحت معهن اما اماني راحت مشغل غير عشان تسبقهن للقاعه وتشوف الترتيباتـ قبل وصول المعازيم ....
على الساعه 8 خلصت العروس .. والبنات كانن خالصات من زمان ورايحات للقاعه ماجلس عندها الا جود وريووف والبتول...
رفعت جود شعرها كله شنيون فوضوي نوعا ما طالع شكلها كيوت ومع المكياج الخفيف الي محطوط بدقه طلعت وكانها ملكه وزاد من جمالها الفستان اليموني الروعه والعقد الي اهدته لها ام ماجد ..
اما ريووف فكان فستانها فيروزي مع بيج ومع لون شعرها الاشقر الي مسويته كيرلي خفيف ومكياجها القوي طالعه روعه ..
والبتول فستانها زهر قصير ناعم شعرها مسيحته ومكياجها قمـه مطلعها كيوت مره
اما عروستنا
فكانت وكانها شي اسطوري شي .. ينذكر بالكتب وبالروايات لكنه شي غير موجود ..
تالقت في فستان ابيض لؤلؤي منتشره فيه فراشات سماويه خفيفه ...شعرها كان شنيون كلاسيكي خيال وعلى جنب فيه فراشه مالبست طرحه ولا شي لانها فضلت تخليها زي الشال الكبيرعلى يدينها والي طالع ما ينوصف مع جمالها تألقها في مكياج ناعم مره ...
دقت جود على عمر يجي ياخذهم .. وهن ينتظرنه ..
دق الجوال "هلا اطلعن "
جود "طيب يالله طالعات "
وطلعن على طول وساعدن ندى تركب السياره ورى وتعدت جود وركبت قدام "اقول عموري.............."
وطلعت عيونها قدام وهي تشوف بندر بدل عمر جاي ياخذهن ضحكت وسكتت ..
سلمت عليه ريووف ورد السلام عليها ,,
بعد ربع ساعه وصلوا القاعه ونزلت ندى بمساعدة جود وريووف .. وكانتـ البتول اخر وحده نازله وتمشي وراهن ..
مسكها مع يدها وجفلت على طول رفعت عيونها له ..همست "بنـدر"
ابتسم "اخبارك يا البتول .؟"
حمر وجهها من تحت الغطا "بـ..بـخيـر "
بندر "طيب باعتبر نفسي انك سالتيني عن اخباري وبقول لك الحمد لله انا بخير "
ابتسمت غصب ..
انتبهت ريووف ان البتول مادخلت "جود البنت وين"
جود وهي تساعد ندى تنزل عبايتها "ههههههههههههههه مع حبيب الالب "
ريووف "وشو "
جود "ههههههههه الي برا بندر مو عمر "
ريووف "ههههههههههههههههههههههاي رهيبه ما انتبهت والله "
جود "ههههههههههه ما يحتاج اساسا ماجابنا لسواد عيوننا "
ندى "ههههههه خليهم يستانسون "
ريووف وهي تغمز "ايه عشانه اخوك ولا اخوي الضعيف ماعبرتيه وعلى قولته محرمته منك له كم شهر "
ندى ووجهها احمر "ههههه احسن مابيه يمل مني وانا ماجيته لسى "
جود "ومنكم نستفيد"
انتبهت ندى لشكل العقد لاول مره .. وانقلب لون وجهها .. صحيح جود ورته لها بس ما ذكرته الا الحين ..هو هو ماغيـره ..
ناظرتها جود وقالت "يوه وجهك وراه اصفر بروح اجيب لنا عصير وشي ناكله "وطلعت من جناح العروس
جت ريووف لندى الي مصدومه ..."ندى علامك"
ندى بذهول "هـ .. هـ .."
ريووف بعصبيه "شفيـك"
ندى وشوي وتنهار "هذا العقد الي صممه ماجد هديه عرس لجود لا تزوجها "
غمضت ريووف عيونها وقالت وهي تناظر في البابين خوف من جود تسمع ولا البتول "رحت لامي ذاك اليوم وسالتها ليش عطته جود وايش قالت لها "
ندى وهي تجلس "ايه"
ريووف "قالت لي امي ان ماجد قال لها قبل كم يوم العقد ذا لك يمه ، امي انهبلت وجلست تناقشه وقالت عطه لزوجتك وقال زوجتي بصمم لها واحد لكن ذا ماراح تلمسه هذا كنت مصممه لجود لا تزوجتها وجود مو من نصيبي "
ندى "طيب"
ريووف "ابد رماه على سرير امي بعد ما حلفها انها ماتعطيه نجوى ولا اهلها قال البسيه انتي او عطيه لوحده من خواتي وطلع امي ماكانت تدري وش السالفه وانا علمتها فيها قلت لها ان جود رسمته وخلته عندي بالغرفه وماجد شافه وعلمته ان جود راسمته وتقول يوم عرسي بلبس واحد زيه وما فقدت الورقه الي اخذها ماجد مني لاننا كنا نمزح ذاك اليوم اانا وجود وماخذينا السالفه جد مادريت ان ماجد اخذه وصممه واحتفظ فيه كل هالسنين "
ندى وهي شوي وتصيـح "يووو ياااااااااربي "
شوي الا البتول داخله ومقاطعتهن"هاي"
ريووف "كان ماجيتي ازين"
طاح وجه البتول "شسوي غصب عني "
ندى رجع لها طبعها المرح "هههههههه ماعليك منها عيشي حياتكـ"
قاطعتهن جود "جيت وجبت لكم الخير كله "
ولحقتها وحده من موظفات القاعه معها صينيه فيها عصيرات ..طبعا ندى ما اكلت شي بس شربت عصير بسبب التوتر الي تمر فيه كل عروس ..
طلعن البناتـ للقاعه وحتى يسلمن على المعازيم .. كانن بنات العايله من اجمل الحاضرات .. وكانت الانظار طبعا مركزه على جود بحكم انها اكبر البنات الي ماتزوجن لسى ...
"هاااااي جود"
التفتت جود الا ونوف تحاكيها ابتسمت جود وسلمت عليها "هلا وغلا "
نوف "شخبارك جود ماشاء الله طالعه قمر "
جود حمر وجهها "ماعليك زود يا نوف "
الا وام صالح (الجده) تنادي جود .."بالاذن نوف وحياك الله"
نوف "الله يسلمك "
رجعت نوف لطاولتهم .. وجلست ..
ام فيصل " من ذي يا نوف تبارك الخلاق سبحانه "
نوف وهي تصب لنفسها فنجال قهوه "يمه ذي جود بنت صالح"
طلعت عيون ام فيصل قدام "ذي جود والله تغيرت عن البنوته الصغيرونه الي كنت اعرفها الا تزوجت ماجد ماجالها عيال"
نزلت نوف فنجالها "ماجد شمعنى ماجد "
ام فيصل "ايام جيرتنا جود لماجد شي معروف "
نوف "ايه يمه بس شمعنى جود "
ام فيصل "شفيها جود ازين الموجودات الليله "
نوف بيطق فيها عرق تبي تعرف "يمه مافيها شي جود بس الي اعرفه ان ماجد اكبر اخوانه صح ولا لا "
ام فيصل "ايه"
نوف "كم عمره .؟"
ام فيصل تفكر "مدري بس يوم ولدت فيصل كان لماجد سنتين "
نوف وهي تناظر في اختها مها "كم عمر فيصل مهيوه ؟"
مها "اممممممم 30 ، 29 اتوقع "
نوف "يعني ماجد متعدي الثلاثين وجود يمه كم عمرها "
ام فيصل "جود كبرك "
نوف "يعني بتدخل 24 صح ..يعني فرق السن بينهم تسع عشر سنين غريبه تكون له وهي لها خوات اكبر منها صح ولا لا "
ام فيصل اوجعها راسها من هذرة بنتها "الزبده ماعلمتيني جابت عيال لماجد ولا لا وانا ماظنيته جسمها مو جسم وحده عندها عيال.؟"
نوف "ههههههههههههههههه "
عصبت امها "قايله نكته انا "
مها وهي تضحك "يمه شوفي البنت الي لابسه فستان احمر هناك "
ام فيصل وهي تتمقل في البنت السمينه شوي والطويله الي معطيتها ظهرها من بعيد "علامها ؟"
مها "ذي زوجه ماجد"
طاح الفنجال من يد ام فيصل "معرس عليها ؟ احد ياخذ حرمه على هالمزيونه ؟"
مها ونوف "هههههههههههههههههههههههههههههههه"
مها "يمه جود ماهي متزوجه وماجد مملك على ام احمر وعرسهم قريب بس مدري متى ؟"
سكتت ام فيصل تستوعب هالتغييرات الي صارت في عيله جيرانهم الي زي اهلهم واكثر بس الاغرب زواج ماجد من نجوى وجود .. ومحبته لها الي كبرت بالتدريج من وهي صغيره لين كبرت ..
"سبحانه يغير الحال لحال"
،
،
وصلت جود لجدتها وهي تبتسم "بغيتيني يا جده "
ام صالح بفخر "ام عبدالاله هذي جود بنت ولدي صالح اخت العروس"
طبعا ام عبدالاله اخت ام صالح من الابو وساكنه بمدينه ثانيه والبنات ما يعرفنها بسبب قلة زياراتها
جت العجيز بتوقف وقالت جود بسرعه "لا يا خاااااااااله والله منتي بقايمه " وسلمت عليها
ام عبدالاله عيونها على جود بذهول "شخبارك يا بنيتي ايه ياام صالح هذي حرمة ماجد اذكره يوم قال لي انه بيخطبها "
وناظرت في جود الي وجهها ضاع منه كل لون "الا يا بنيتي ماجبتي عيال منه ..؟ "
جود حست نفسها شوي ويغمى عليها ..
كملت العجيز "الا يمه شكلك ماجبتي احد ماشاء الله عليك بس اتركي عنك تفكير الكفار ولا تاجلين الحمل ................(التفتت يم ام صالح وجلسن يتناقشن في جيل اليوم وخرابيطه على زعمهن ..)
ريوووف جت بسرعه يوم شافت ملامح جود قالت بهمس "جود بسم الله شفيك "
التفتت ام عبدالاله يمهن وقالت لريووف "عقلي زوجة اخوك يمه وخليها تشيل هالوساوس من راسها"
ريووف مافهمت ولا شي "وساوس ، زوجه اخوي تتكلمين عن منو يا خاله .؟"
ام صالح "يا ام عبدالاله جود ما تزوجت ماجد "
برد وجه ريووف وبقت مع العجز لانها عجزت تتملص منهن.. استاذنت جود وراحت تمشي بسرعه لمكان تنفرد فيه بنفسها الا ونجوى في وجهها .. همست لنفسها "كملت"
نجوى بحسد من جمال عمتها "شخبارك يا عمه .؟"
جود ذكرت ربها "بخير يا نجوى شخبارك انتي "
وجلست جود على طاوله جنبها فاضيه .. جلست نجوى معها .. " بخير الحمد لله "
اخذت جود كاس عصير "دوم ان شاء الله "
سكتت نجوى .. ثم قالت بهدوء وهي تحرك كاس العصير بيدها "ما ظنيت هالكلام من قلبكـ "
ابتسمت جود لانها عارفه احتكاك نجوى فيها مو محبه ..
ارتبكت نجوى وبرد وجهها لان جود مبتسمه ..
جود وصلت مرحله الاستسلام قمه الالم قمه الانهزاميه .. ضغوط يمين ويسار .. اختها الغاليه بتودع حياتها وبتبدا حياه جديده ..بتفارقها زي اريام وامال .. خلاص صارت وحيده ..
قالت جود وهي ماسكه كاسها بقوه حتى صارت اصابعها بيضاء من شدة الضغط "يا نجوى رميتي بوجهي تحدي وكسبتيه اهنيك "
ابتسمت نجوى بفخر "اسفه يا عمه لكن التحدي تحدي "
جود بفراغ يعتمل بصدرها وغصه حراقه " رميتي تحديك بدون مناسبه .. ونفذتيه بكل دقه وبراعه اخذتي ذنبي يا بنت اخوي ، اخذتي ذنبي ، تعرفين اني مقدر اعيش بدون ماجد مقدر ، اهنيك للمره الثانيه .. كسبتي كل شي وانا ولا شي "
رفعت نجوى حاجب "ماظنك بتجلسين تبكين الحين يا جود ؟ اظنك اقسى من كذا ..؟ ترى الرجال بداله رجال ؟"
جود وهي توقف "ما خليتي باقي فيني دموع صرت ابكي بدون دموع يا بنت اخوي .. صح الرجال بداله رجال بس ماجد ما بداله احد"
وراحت تمشي بثقه ماتحس بها ابدا ..وهي بالطريق شافت صديقات ندى اختها وراحت تسلم عليهن ..
جلست نجوى .. وهي ماسكه كاسها بقوه من القهر .. متى ؟ متى ؟ بتشوف خشم جود متمرغ بالتراب ؟ متى متى ؟
سكتت وهي تعض على شفايفها وتفكر في اسباب حقدها على جود .. يمكن ماجد ؟
ليش الكذب الا ماجد هو السبب الرئيسي لاحقادها على جود .. مو معقوله تملك طل شي ومع هذا تملك حب رجال بدوي له سمعته ورجال زي ماجد صحيح مو كامل وفيه عيوبه بس هو ماجد ..
ماجد الكريم .. الي كله مرجله ونخوه ..
ماجد الي تزوجها عشان سمعت اهلهم ..
انكب كاس العصير من الرباشه ومن مرور هالطاري عليها .. مسكت الكاس من بعد ما انكب نصه ..
مشت جود تسبقها دقات قلبها .. وانفاس اختنقت وابتسامه ماتت وصارت ماضي وسراب
سلمت على صديقات اختها الروح بالروح ووصلتهن لجناح العروس حتى يسلمن عليها ..
طلعت جود من غرفه ندى وجلست على الكراسي الي بين القاعه وجناح العروس .. سلهمت بعيونها تتامل انوار الثريات .. والفرح .. والالوان الصاخبه .. وسوالف الضيوف الي واصلتها ..

يوم
مـــــا
راح يتكرر هالمشهد ..
يوم
مـا
بتشوفه وهم يزفونـه
يوم
مـا
وهاليوم قريب قريب قريب ...
خلت دموعها ماتنزل كانها حجر غالي .. ناظرت في خاتم العقد الي لابسته وجلست تديره في اصبعها ..
"ياليت برودتك تخفف النيران الي تسعر بقلبي "
نزلت راسها وعيونها متجمده على الارض ...تذكرت ذاك اليوم الي ما توقعته بيصير حقيقه ولو 1% ...
كانت تتمشى في بيت عمها تشوف الديكورات الجديده .. وكانت معها ريووف واماني
قالت لها ريووف وهي تغمز لها "عقبال ما نشوف تاثثين بيتك"
اماني وهي تغمز "قصدك جناحها لان بيتنا ماثث "
حمر وجه جود وقالت بتكبر "يا واثقات احد قال لكم بوافق بسرعه"
قالت ريووف وهي تدفها مع جنبها "تطولين انتي "
جود وهي تدفها بنفس الحركه "الا اخوك هو الي يطول وماكون انا جود بنت صالح ان ماخليته يحفى وراي "
اماني تحارشها "الف وحده تتمنى ماجد مالت عليك "
جود "القلب ومايعشق يا قلبي لو تجيبين له بنات العالم ماملن عينه مثلي "
غمزت اماني "لا هو وين شافتك "
جود "هههههههههههههه نسيتي اني ماتغطيت عنه الا قبل ثلاث سنوات يعني حافظ خشتي"
دق الباب الخارجي بقوه وقال بصوته "بنات اطلعن فيه عمال بيجون هنا "
ريووف بربشه "يمه ماجد هنا يالله دخلنا لايغسل شراعنا "
ومشن البنات بسرعه ...
،
،
،
@@@@@@@@ بعد ساعه
تذكرت جود انها نست جوالها على الطاوله بالمجلس الكبير بقسم الرجال .. كان الوقت مغرب
صلت ونزلت .. وراحت للمجلس وهي تناظر ساعتها يمديهم فاضو من المسجد ولا لا ..
ع العموم ما تظن ان فيه احد من عيال عمها بالبيت لانه يوم خميس ومحد يجلس هنا ..
فتحت الباب الذهبي الحديد الي بين قسم الرجال والحريم .. ومشت بسرعه للمجلس الي بعيد شوي بحكم مساحه البيت الكبيره .. ماكانت تسمع الا صوت كعبها (وانتم بكرامه) على الارضيه الرخام المعتقه ..
دخلت من الفتحه المزخرفه بالجبس والي هي مدخل المجلس ..راحت للطاوله ومالقت عليها شي انهبلت هي متاكده انها تاركه جوالها هنا ..
"ياربي وين راح "
الا تسمع صوت "هذا لـــــــــــــــك "
التفتت بسرعه وقلبها يضرب وعيونها شوي وتطلع من محاجرها ..
مشت بسرعه .. وهي تمشي للمدخل قال "اجل بتخليني احفى عشانك "حست بالعرق على جبينها ثلج من الوضع ككل .. وماردت .. /يالله يا بعد الباب /
مدت يدها له تاخذ جوالها .. قال "مارديتي "
قالت بغرور جود المعتاد "ايه وهذا وعد "
ضحك وقال "توني ادري انك مغروره "
عصبت وقالت "هذي الحين مرجله وانت تكلم بنت عمك وكانك تسولف مع وحده من خواتك "
رفع حاجب "قلتيها وحده من خواتي "
انهبلت ومافهمت قصده "شلون"
رمى جوالها على الكرسي وقال "سبحان الله يمكن يكون مقدر لنا نكون اخوان بس "
"هاااااه "
قال وهو يعطيها ظهره "بكره ملكتي على ....." وما امداه يكمل كلامه الا و
تطلع شهقتها ممزقــــــــه ... مقتـــوله ..يتكلم جده ولا يمزح ..
يملك ..يملك...
استيعابها ما كمل .. تحس وكانها بحلم ولا انسان يمشي بوسط ضباب
قبل
لاتنهار..
قبل
لاتضعف
قبل
لا تفقد بقايا كرامتها
مشت بسرعه للمدخل لكنه كان ساده عليها ..
فقدت اعصابها من بروده وماقدرت الا تنفس من غضبها ولو شوي .."قسم بالله انك ما تستاهل ان احد .. احد .."
وش تقول يحبكـ ... يطير للسما وما يسمعها منها ..
"ايه كملي استاهل ايش ؟"
قالت بغرور وعصبيه مدمره "ولا شي ولا شي زين انك جبتها من قاصرها لاني كنت ناويه اذلك واكسر غرورك "
قال بحزن اخفاه في برودة صوته "الغرور هه.. مابقى غرور عندي من بعد ما طعنتني كلماتك اجل انا ما احرك نبضه قلب ولا ادنى اهتمام . مشكوره يا بنت عمي عرفت قدري عندك كيف وكلن يروح بطريقه "
وطلع من المجلس ..
// لحظات الكلااااااام ..لحظاااات الاتهامات ..لحظات الاااالم .. مرت بوقت قياسي ... لا عينها جت عليهـ .. ولا عينهـ جت عليها.. //
احداث كثيره مرت عليها في هالاسبوع .. الاااام بالاااااااام ..
من كلامها عنه لنجوى والي ما توقعته درى عنه .. لهواشهم بالمجلس ..لصاعقه ملكته ,,
لكن الي يجرح اكثر ..انها جرحته ..
والي يذبح اكثر ,,المكالمه الي جتها بيوم ملكته ...
مكالمه نجوى لها تبشرها بانها ملكت على ماجد .. كلن كان داري الا هي كانت اخر من يعلم ..وبالنهايه طاحت عليهم وجتها صدمه نفسيه ..
نفسها .. نفسها .. تعرف ليش بنت اخوها تكرهها .. عمرها ماجرحت انسان ولا قست ..
يقولون الحب بعد الزواج يجي وهي مو ضد هالمبدأ لانه صحيح 100 % .. الحب يبني اساسته صح ويقوم صلب جامد اذا كان عن عشره .. تقارب .. فهم وثقه ..
لكن وش تسوي بقلبها الي حلف ما يحب ولايميل الا لهـ هو ,,
سندت راسها للجدار بيأس .. ماجد مو لها خلاص ..ليش ما تتاقلم مع هالواقع ..
ليش..؟
لانها جرحتــــــه ,, وحملها حملين ..
حمل الي خسر حبيبه .. وحمل الي جرح انسان غالي وحده يتزوج هالزيجه ,,
لو ما جرحته ما تزوج نجوى الي ماتستاهله ..
لو تزوج وحده تليق به .. كان رضت بمقسوم ربي .. وحست على الاقل براحه لسعادته ..
على الاقل يسعد واحد فيهم بدل من تعاستهم كلهم
وقفت جود وزينت شكلها بالمرايا الي مغطيه الجدران ..
ودخلت القاعه ..الي كان مرتجه بصوت الدي جي ,,
جت لها امال وهي مبتسمه ..
جود "خير وش هالابتسامه"
امال وهي تغمز "شفتي البنت ذيك الي لابسه كحلي "
ناظرتها جود "علامها..؟"
امال "تسالني عنك واذا متزوجه ولا لا "
ابتسمت جود "على بالي عندك سالفه"
امال وهي تناظرها "لا ياشيخه ماهمتك السالفه يعني "
جود بدون اهتمام "هههههههه شتبيني اسوي"
امال "يابردك ياشيخه اروح ادور اريام اصرف لي "
جود "ههههههههههه ايه اصرف لك "
وقفت جود تسولف مع بعض معارفهم .. وعيونها على بنات اخوها متعب ..عسى ما يكشخن يوم عرس اختهن كذا ..الالوان ما تناسبهن ابدآ ..
بعد خمس دقايق ..
قالت عايشه "اشوفك بلحالك "
التفتت جود لها "ايه البنات كلن مشغوله بشي وانتي بعد اشوفك بلحالك"
عايشه وهي تهز كتوفها "نجوى جالسه تهذر مع امي واسماء جالسه مع صديقاتها "
سكتت جود ماتكلمت .. قالت عايشه بتردد "اقدر اسلم على ندى "
انصدمت جود من طلبها "ايه تقدرين ليش تعالي معي "
وراحن وبالطريق قالت عايشه "امي ونجوى هاوشني يوم قلت لهن ان ابي اشوفها قالن انكم ماراح تسمحون لي واذا بغيت اسلم عليها اسلم لا انزفت "
جود بتقرير واقع "قالن اني راح ارفض اخليك تشوفينها صح ..؟"
حمر وجه عايشه ولما وصلن غرفه ندى .. قالت جود "يا عايشه انتن بنات اخوي وتبين الصدق ما بقلبي عليكن شي فلا تصدقين كلام امك واختك "
وفتحت الباب وماعطتها فرصه ترد .. واصلا جت عايشه من الله لانها ارتبكت وماعرفت ترد ..
انصدمت ندى يوم شافت عايشه جايه تسلم عليها .. عايشه "مبروك"
ندى بابتسامه "يبارك بعمرك عقباااااااااالك"
عايشه "ماشاء الله روووووووووووعه شكلك"
حمر وجه ندى "تسلمين حياتي انتي الاروع "
الا وبدخله البتول الي انصدمت من وجود عايشه عند ندى .. قالت بارتياك "ندوش يالله تجهزي الزفه بعد ربع ساعه "
ناظرت جود في الساعه بجوالها "الساعه 10 ونص مو كنها بدري"
قالت امال "لا مو بدري نبي نستانس ونصور ونرقص قبل لا يزفون مشاري "
قالت مشاري من هنا .. الا وندى تنافض من هنا ..
جود "طيب طيب اكلتيني "
دخلت ريووف وانصدمت من شوفة عايشه عندهن ..
قالت بربشه "بنات يالله كل شي جاهز "
،
،
طفت انوار الصاله ..وبدت الزفه على قصيده وموسيقى رومنسيه ..
كان الكل مبهور من جمال العروس ..
مشت ندى خطوه بخطوه وقلبها يرقع بصدرها ..
واخيرا وصلت للكوشه وجلست ..
وراح الوقت كله ..
في السلام وتقبل التهاني .. والرقص .. والتصوير ..
حتى نجوى وامها طلعن وسلمن عليها مناظر قدام الحاضرين ..
.....@@@@دق جوال اماني الينه ماجد يقول انهم بيزفون المعرس ..
ومن بعد ما تغطن الحريم ..
دخل مشاري وابو متعب وابو طارق وطارق وتركي ..واخوان ندى كلهم ..
كانت عيونه من اول مادخل على ملكة عرش قلبه .. على حبيبته ..
الي كانت منزله راسها حيا ..
لما طلع الكوشه سلم عليها قدام الكل وباس راسها .. "مبروك يا الغاليه"
قالت بصوت ما ينسمع "الله يبارك فيك"
ابو متعب "مبروك يا بنيتي "
وقفت ندى لكن ابوها حب راسها وماخلاها توقف "الله يبارك فيك يبه " وخنقتها الغصه ..
طول فتره التجهيزات تناست ومانست انها بتترك بيت اهلها .. بتترك توام روحها جود ..
من بيمسح على راسها لا جتها كوابيس .. من بيكفكف دموعها لابكت .. من بيشد من عزمها
اذا الهم هد حيلها ..
سالت دمعتها غصب وحست بيد اختها جود على كتفها وكانها تقول "ربي معي يا الغاليه وانتي الله يوفقك"
سلم عليها طارق ومسح دمعتها قال وهو يهز باصبعه "دموع لا .. مبروك يا ندوش "
ندى "الله يبارك فيك عقبالك "
ابتسم وسلمو عليها اخوانها يزيد وعمر وبندر والوليد ..
مد مشاري يده ومسك يدها البارده وظل متمسك فيها طول فتره جلوسهم .. بعد ماصوروا وسلم على امه وعمته .. وقريباته ماصدق خبر ووقف ويدها بيده ..
وصل للدرج حق الكوشه وجت امال وجود بيساعدنها تنزل لا تتعثر وتطيح ووقف بينهن مشاري ومسكها لين نزلت بسلام همست جود في اذنها تبي تفرفشها "ياعيني يا الحب"
ابتسمت ندى وسكتت ..طارت عيون مشاري فيها وهي تبتسم .. /ياربي القمر بسماه اليوم والا هو الي قدامه يبتسم/
وصلو لين البوابه .. ولبست ندى عباتها ضمتها جود وقالت بابتسامه وهي تبلع غصتها لاتبكي وتخرب ليله اختها :مبروك يا حياتي "
ندى وهي تضمها بقوه "عقبالك يا حياتي عاجلا غير اجل"
جود "هههههههههههه امين يالله عجلي رجلك ينتظرك "
ندى بهمس"طيب"
وطلعوا .. ساعدها مشاري تركب السياره ولقى رجال واقف عند باب السواق .. التفت الينه ماجد انهبل مشاري ..
ماجد بابتسامه "علامك مبلم اركب يالله"
مشاري ارتبك مايدري شيقول "ما..ماجد انت الي بتوصلنا الفندق"
ماجد بابتسامه فرح "انا حالف ما يوصلك غيري يالله اركب"
مشاري "بس ياخوي "
ماجد "لايكثر اركب اخلص والا تبيني نسولف طول الليل وحرمتك جالسه بالسياره لحالها"
مشاري بابتسامه "لا والله ياخوي اخر شي ابيه الحين اني اسولف معك "
ماجد ضحك وركب السياره ..
قال برقه "مبروك يابنت العم "
ندى بتموت من الحيا "الله يبارك فيك"
وبغضون ربع ساعه وصلهم للفندق ورجع للقاعه ..

الفصل العاشـ10ـر
@@@@الساعه وحده بعد منتصف الليل
ساعد مشاري ندى تنزل من السياره وودعهم ماجد عند باب الفندق وركب سيارته راجع..
يفكر انه وبعد كم شهر راح يكون بموقف مشاري...
لكن عروسه مو أي عروس..
عروسه عروس دنسو عفتها الانذال...ضرب دركسون السياره بقبضته تخفيف من جرحه النازف بقلبه ..
وجلس يردد بصدره ،يعين الله ان شاء الله ،
لكن رجع تغير موده لانه العرس كان من احسن مايكون اليوم واخوه كان بقمة سعادته الله يديمها عليه بقي فارس وبقي البتول والاهم بقي ريووف الي مايدري شلون يعلمها بخبر مرض زوجها ...
(الله يصبرني على هالبلاوي الي تتحذف على راسي )
لكنه واسى نفسه وان القوه الي مده فيها ربه يوم توفى ابوه وخلاه يعلم كل العايله من عمه لاخوانه وامه راح يمده فيها لا جا يبلغ اخته بالخبر الاليم ذا .. فكر في داخله *يا هالبنت ما تهنت في حياتها من اول ايام زواجها ماسي وهواشات وكل يوم زعلانه وعندهم وكان ماجد مراقب بصمت لحد ما انفجر صمام الامان عنده وراح لخالد وغسل شراعه وقال له يا يصونها ولا يطلقها وصار بينهم نقاش حاد وانفقعت مرارة ماجد منه وجلست ريووف عندهم شهر زعلانه لين ماتكرم وراضاها وكل شهرين ثلاثه لازم خناقه على اتفه الامور ..لكن هالفتره خالد بدا يتغير ويكون احسن وريووف ماعاد اشتكت منه ..صدق مالها حظ*
،
،
،
دخل مشاري وندى جناحهم بالفندق ..وكان مشاري معها خطوه بخطوه لا تتعثر وتطيح بفستانها ..
نزلت عبايتها وجلست..
ناظرها مشاري بحب وموده تولدت بقلبه لبنت عمه الي يعزها ويحبها من كل قلبه .. يا الله شكثر تكون حياة الانسان مكتمله اذا تكللت بالحب الصادق الطاهر..
تمنى من كل قلبه لو اخوه يذوق هالسعاده..
والي تمناه اكثر لو كانت جود الي يعشقها من نصيبه ... بدل قراره المفاجئ بالزواج من نجوى والي خلاهم كلهم امام الامر والواقع ..
لانه قال له ولفارس "اليوم ملكتي على بنت متعب تجهزوا بنروح لهم بعد صلاه العشاء"
ناظرو العيال في بعض مذهولين مصدومين ...
فارس "بنت من .؟"
ماجد بضيق "بنت ابو طارق"
مشاري مبلم "هاه"
ماجد عصب "تراي اهرج عربي علامكم انتم"
وطلع من عندهم معصب ...
ناظروا في بعض..
مشاري بحيره "سمعت الي سمعته"
فارس "ايه"
مشاري"وش السالفه"
فارس"علمي علمك"
مشاري "وبنت عمنا صالح"
فارس "والله مدري عن اخوك ومدري شغير رايه بس الي اعرفه ان السالفه فيها سر قبل امس واحد من اصدقائي يقول انه شاف ابو طارق وعياله بالقسم "
مشاري بصدمه "من صدقك تهرج"
فارس "لا امزح"
مشاري "ياشيخ اسكت وشدخل زواجه بروحتهم القسم"
فارس "ولاشي بس سالفه وذكرتها وجت بنفس الوقت اكلتني يمه منك"
مشاري"ياشيخ قم انقلع حنا بوادي وهو بوادي"
فارس"هههههههههههههه"
،
ناظر مشاري في زوجته المدنقه ...
جلس جنبها وقال "وش اقول باول يوم لنا مع بعض ..اقول نورتي حياتي ..ولا اقول انا زعلان لانك جحدتيني الفتره الاخيره"
حمر وجهها وضحكت غصب ...ينكت بعد
ابتسم مشاري من ضحكتها الي يتخبل عليها ...مسك يدها وحط عليها بوسه قال برقه "نورتي حياتي وان شاء الله تلقين مني كل شي يسرك ويرضيك"
ناظرته بعيون غايمه ...وهمست "وانا بعد ان شاء الله تلقى مني كل شي يسرك ويرضيك"
ابتسم مشاري.."ان شاء الله"
/
بيت بو متعب@@@@>
طلعت جود درج البيت بتعب ماصدقت يرجعون الساعه 3 الفجر وهي مصدعه فيها نوم وهلكانه على الاخير..
وقفت قدام باب غرفتها ..ومشت قدام شوي ..
فتحت باب غرفه ندى .. وتدمع عيونها بسرعه..
هالدموع الي حاولت تكبتها ..طول فتره التحضيرات والتجهيزات للزواج ...كانت تحس بخوف من قدوم هاليوم ...
من اول ما ملكت ندى وهي شايله هم وحدتها ..
نزلت عبايتها ورمتها على جنب ..بدت تنزل دموعها .. زي رذاذ المطر
دمعه .. دمعه ..
تركت دموعها تنزل بدون مقاومه ... يمكن تجلي همها وترتاح..
خلاص اختها تزوجت.. وراح تبني حياه جديده بتكون هي فيها طرف فقط ..
ابتسمت وهي تتخيل ندى ام وعندها بنت ولا ولد ...صحيح تحب امال واريام موت بس ندى غير..
ندى لزيمتها وزي ظلها ...
ومحبتهن مضرب مثل بالعيله...يكفي تطيح عين الوحده بالثانيه حتى تعرف وتقرا مكنونات صدرها..
جلست على سرير اختها ... ورفعت غطا السرير الزهر وضمته بين ايدينها وجلست تبكي وهي تحطه على وجهها وتشم شذا عطر ندى عليه ...
رجعت تتذكر ..وتسترجع ايامهن الحلوه الي قضنها سوا ...ابتسمت وهي تتذكر اشياء واشياء مرت عليهن ..مواقف تضحك ..مواقف التحدي..
ضحكت وهي تتذكر الموقف البايخ الي صار لندى يوم جلست تكلم ماجد تحسبنه مشاري...
ماجد ...
واختفت الضحكه..حتى بذكرياتها مايغيب عنها لمتى بترتاح من هالتفكير الي ذبحها ...
لمتى..؟
المشكله وين هل فيها ..؟ ولا في قلبها الي مايطيع ولا يتقبل خسارته ..؟
دمعت عيونها لكنها مسكتها لا تنزل..
هي بغرفه اختها الي حبتها والي فارقتها .. ويطري عليها ..
طلعت اهه من صدرها .. تهز كل من في قلبه ذرة شعور او احساس ...
وجلست تبكي من قلب ... "اشتقت لك يا ندوشتي ..اشتقت لوقوفك جنبي لدعمك لنصحك"
ماغاب عن بالها ذاك اليوم الي تكلمت فيه مع ماجد بمجلس اهله يوم ضاع جوالها ونزلت تدوره ..كانت بحاله صدمه وطلعت اخذت عبايتها متحججه بان عندها امتحان بتذاكر له وراحت لبيتهم الرعده هازتها ..
شافت ندى حالتها ..وماتركتها الا لين علمتها بالموقف الي صار...
تذكر زين ردة فعل ندى الي قلب لون وجهها ... وقالت بصوت هامس عشان ما تصارخ "مو معقوله يا جود ماني مصدقه شلون تكلمينه وهو مو محرم لك لا وماعليك عبااااااايه ولاغطا"
زادت رجفتها وقالت "ياندى والله ماقصدت تروعت يوم شفته وكنت اركض بطلع من المجلس لكنه استفزني وفقدت اعصابي (دمعت عيونها بدموع تانيب الضمير على خطاها الكبير) والله ما ناظرته "
ندى معصبه "هذا مايشفع لك ماتوقعتها منك ياجود "
جود خلاص وصلت معها ..مايكفي انها متندمه لانها ما تحكمت في اعصابها تزيدها اختها ندم وحسره ..
فجاه دخلت عليهن امال الغرفه والمصيبه انها سمعت كل الكلام الي قالنه ..
صرخت امال "جود صدق الي سمعته "
خافت جود من اختها وماردت ..مسكتها امال مع ذراعها من فوق تهزها "مو معقوله يا بنت صالح تكلمين رجال ماهو محرم لك وكانك متعوده على ذا الشي "
نفضت جود يدها من يد اختها وقالت وهي تمسح دموعها بقفا يدها وتصارخ "والله ماقصدت ماقصدت "
وجلسن يتجادلن وجود حالتها حاله ...تدخلت ندى وقالت لامال "خلاص يا امال الي رباك ورباني ربا جود بعد وهذي غلطه ماراح تتكرر مره ثانيه "
ماقالت شي امال بس خزت اختها بنظره وطلعت ...ضمتها ندى على صدرها تهديها وتطيب خاطرها ...
/
رفعت جود نظرها باشتياق .. الغرفه الي كانت حلوه قبل صارت موحشه بدون صاحبتها ..
التفتت الا يزيد واقف ووجهه حزين بعد ...
يزيد "كنت داري انك هنا "
مسحت جود دموعها "مالنا الا الذكريات.؟"
"لاحول علامكم محزنين هذا بدال ما تفرحون لها"
ابتسمت جود لبندر "والله فرحانه لها من كل قلبي ..بس حتى لو ندى تركت بيتنا ذا شي يحز بالنفس"
واهتز صوتها ...
كن بندر دمع لكنه تدارك نفسه وقال "الله يوفقها ان شاء الله تستاهل ندوش ..اسمعو لا تنامون الا عقب ماتصلون الفجر بياذن الحين "
يزيد وجود "ان شاء الله "
بندر "امي وين كيف نفسيتها "
جود "امي فالتها مستانسه كنها تبي الفكه من ندى هههههههههه "
بندر "هههههههههه تدرين هذا وجهي ان ماكانت تكفكف دموعها الحين"
جود "من جدك بندر"
بندر "اكيد"
جود ارتبشت كل شي ولا امها الغاليه "بروح لها"
بندر "هههههههه وين يا حلوه ابوي عندها اهجدي بس"
جود ترددت وقررت تجلس ومادام ابوها موجود .. كل شي تمام ..
اذن لصلاه الفجر ...
قال بندر "يالله يا عيال الصلاه يزيد توضا عشان نطلع المسجد نصلي عجل ابوي بيطلع الحين تعرفه يحب يتسنن بالمسجد قبل مايقيمون الصلاه "
يزيد "ابشر وين عمر والوليد"
بندر "كلن بغرفته الحين اصحيهم عسى بس مانامو لان الواحد نومه ثقيل ومايقوم على سيره"
شوي الا يسمعون صراخ امهم يهز البيت ...
ركضوا العيال خاااااااااااااايفين ...
ودخلوا غرفه امهم وابوهم ووقفو ورى بندر مذهولين يتراجفون ..لقو ابوهم طايح على سريرهم مافيه ذرة لون ...
ركضو عنده ..جلس بندر ماسك يده "يمه ابوي علامه"
امه وهي تبكي "مد..مدري..طلع متوضي وقال بريح شوي قبل ماروح المسجد وذي مو عوايده ورحت اتوظا يوم جيت لقيته مايتحرك "
بندر بقوه "عمررررررررررررررررر الوووووووووووووووووووليد"
ثواني الا اخوانه جايين ..نعسانين وخايفين "خير خير"
بندر البسو ثيابكم ابوي تعبان عجلو بسرعه "
وقفو يناظرون ببعض ببلاهه واثار النوم عليهم صاح بندر وهو يرجف بقوه "تسمعون انتم روحو عجلو"
ناظر بندر في ابوه المسجى ولونه بدا يتغير ..وانفاسه بدت تقل ...
اما جود واقفه وماسكه يزيد بكل قوتها وعيونها متحجره ...لا ردة فعل
واخيرا بكت بكيه متقطعه مابين شهقه وصياح جلست عند ابوها وهي تبوس راسه "يبه لا تتركنا تكفى تكفى تكفى "
تاثر بندر "جود ان شاء الله ماجايه شي"
جود بهستيريا "شفه يا بندر بارد بارد"
بندر بعصبيه "اهدي يا جود اهدي"
ووقف يوم جو اخوانه ورفعو ابوهم بين يدينهم ..قالت جود وهي تصيح"بروح معكم"
عمر "ماحنا فاضين يا جود اجلسي بالبيت لين نجي "
ونزلو وامهم وجود معهم ..ويزيد طلع معهم رغم الامه الي بصدره ...
ضمت جود امها وجلسن بالمجلس تحت ينتظرن وش بيصير ..
ضمت جود يدينها على وجهها ...تدعي وتدعي وتدعي ...
قامت تصلي الفجر وجلست على سجادتها ساجده لله تدعيه يقوم ابوها بالسلامه ويرفع عنه كل مكروه بقدرته وعفوه ..
/
/
/
/
@@@@@@@@بالمستشفى
جلسوا العيال بالطوارئ كل واحد يده على قلبه بندر واقف وعمر والوليد جالسين ويزيد طاح عليهم لان قلبه تعي ويرتاح بغرفه قريبه منهم ..
وبعد صبر طويل طلع لهم الطبيب ...
بندر "خير يا دكتور ابوي كيفه"
الطبيب"بخير ان شاء الله ابوكم جته جلطه والحمد لله عدت على خير "
عمر "جلطه"
الطبيب "ايه جلطه تعرفون انه رجال كبير بالسن شكل الضغط ارتفع معه اليوم مره ع العموم الحمد لله على كل حال"
الوليد "دكتور وش تسببت به الجلطه يعني سليم مافيه شي "
الطبيب "احتمال يجيه شلل برجله اليمين لان الجلطه فيها "
بندر بذهول "شلل"
الطبيب "احمد ربك يا ولدي لو الجلطه جايته بالدماغ كان فقدناه لكن الحمد لله جت سليمه ورجله مع العلاج الفيزيائي سبحان الله يمكن يقدر يحركها مع الوقت "
وجلسوا يتكلمون معه ويتناقشون بحاله ابوهم ...مده طويله ..
راح الطبيب وقال بندر "عمر رح شف يزيد كيفه الوليد جب السياره عند البوابه عشان ما نجهد يزيد بالمشي وانا بمر على ابوي واتطمن عليه"
عمر "ان شاء الله بس بنشوف ابوي قبل"
بندر "مايخالف يالله"
راحو للعنايه وشافو ابوهم شاحب اللون ونايم على الفراش الابيض عليه كمامه اكسجين وبوريده مغذي والاجهزه ماليه الغرفه ..
حبو على راسه كلهم وعلى يده ... وماطولو طلعوا لانه غايب عن الوعي ...
الا بندر جلس عنده ..حب على يده وهو يناظر وجهه الاصفر ..
""الله يقومك بالسلامه يا بوي "
جته الممرضه وطلبت منه يطلع ..لاحظت نظراته وعيونه المتعلقه بابوه والي رافضه تنزل عنه ..
تعجبت هالممرضه المو مسلمه من قوة ترابط المسلمين وبرهم باهلهم وعرفت انهم بنعمه كبيره من الله نعمه هم انحرمو منها ..لان الواحد منهم يعيش بكدح لين يموت ..لا رفيق لا صديق ولا قريب الا ماندر جدا ..
حب يده بتملك ..بقوه ..وقلبه يلهج بالدعا ..له بطولة العمر ..
وقف عند باب غرفته ..ودق على اخوه العود ابو طارق وبلغه ثم دق على ماجد لانه متعلق بعمه مره ..
كان ماجد بعز نومته شاف الرقم ورد "هلا"
بندر بكابه وارهاق "سلام "
ماجد وهو ينقلب على ظهره ويرتفع على المخده "هلا وعليكم خير "
بندر "ابوي تعب علينا وبمستشفى (--------) الحين "
طار النوم من عيون ماجد "هاه شقلت عمي شفيه"
بندر "هد اعصابك لا تخاف جلطه برجله اليمين وعدت على خير الحمد لله "
ماجد فز من مكانه "انا جايك"
بندر "انا بطلع لنا كم ساعه هنا بروح انام عشان ازوره العصر وان شاء الله الاقيه صاحي "
ماجد "الساعه الحين وقت الزيارات عطني رقم غرفته والقسم "
عطاه بندر الي يبي لانه يعرف ماجد لحوح وبيسوي الي براسه ...
سكر ماجد الجوال من هنا وتسبح و لبس ملابسه واخذ شماغه بيده وطلع من غرفته بعجله ..
لقى امه جالسه تتقهوى بالمجلس العربي وتناظر بالتلفزيون ..
ماجد "صباح الخير"
امه "صباح النور والسرور اخليهم يحطون لك فطور"
ماجد وهو يلبس طاقيته "لا لا مستعجل"
امه "خير"
ماجد وهو يمشي بسرعه "خير خير "
انهبلت امه منه علامه مرتبش اليوم وغريبه صاحي الصبح وهو مانام الا الفجر ...
اخذت تلفون البيت ودقت على صديقتها ام بندر تسولف معها وتسال عن العرسان مافيه خبر عنهم
بعد نص دقه ردت جود الي ما نامت ولا نعست ثانيه بلهفه "هلا"
ام ماجد "جود يمه شمقومك بدري كذا"
قالت جود بخيبه امل "اهلين عمه والله ماجاني نوم تبين امي"
ام ماجد "هاتيها"
وعطت جود السماعه لامها الي نامت وريحت لانها مره كبيره بالسن

ام بندر "هلا"
ام ماجد "السلام عليكم "
ام بندر "وعليكم السلام "
ام ماجد حست بشي غلط ومو مريح "ام بندر عسى ماشر صاير لكم شي "
ام بندر "ابونا طاح علينا وبالمستشفى"
ام ماجد شهقت "سلامته خير ان شاء الله"
ام بندر "ان شاء الله خير بندر يقول انه ارتفاع بضغط الدم وان المساله مساله كم يوم ويطلعونه"
ام ماجد "الله يقومه لنا بالسلامه يارب ..وكلي امرك لله ياوخيتي وكله باجره"
ام بندر "ونعم بالله "
ام ماجد "يالله يا وخيتي بسكر والعصر ان شاء الله بسير عليكم"
ام بندر "حياك الله يا ام ماجد"
سكرت ام ماجد من هنا وعرفت ماجد علامه مرتبك وحالته حاله ويركض قبل شوي عسى الامور زي ماقالو بس ارتفاع بالضغط..
عقبه بساعه دخل فارس على امه وصبح عليها وافطر ...
فارس بتردد "يمه بعلمك بشي"
ام ماجد "خير"
فارس "يمه خالد زوج ريووف له ايام منوم بجده"
امه اختبصت "خالد ماغيره لييييييييييييييه"
فارس "يمه الله يعافيك لا تسمعك ريوف هدي اعصابك وخليني افهمك"
امه قامت تراجف "زوج اختك شفيه ماكان به الا العافيه ولا تقول صداع هو الي وداه المستشفى وتسبب بتنويمه"
فارس "هو اغمى عليه وكان يشكي راسه لكن يوم فحصوه طلع ..."
امه "ايه"
فارس "خالد فيه الخبيث"
ام ماجد من قلب "ياااااااااااااااااااااااااااربي "
فارس "يمه تكفين انا ابيك عون عشان نعلم ريووف وماجد مع عمي بالمستشفى ولا رجع نبي نقول لها وانتي معنا "
دنقت ام ماجد تمسح دموعها ..
وفارس مايدري يندم ولايرتاح انه علمها قبل ريووف ../الله يسامحك يا ماجد وهقتني /
دخلن البنات المجلس ..وشافن امهن مكئبه وباين انها باكيه..
البتول "يمه فيه شي "
ناظرت امهن بفارس وسكتت ..
فارس "مافي شي "
خمس دقايق الا ماجد داخل "السلام عليكم "
"وعليكم السلام"
ام ماجد "بشرنا عن عمك شلونه "
جلس ماجد "بخير الحمد لله جلطه برجله اليمين وعدت على خير"
البتول "يووووووووووووو عمي جايته جلطه"
ماجد "الحمد لله انها جت على كذا "
فارس "لو الزياره طويله كان زرته"
ماجد "العصر رح وزره "
ريووف "وانا بروح معك "
ماجد "لا اليوم لا خليها يوم ثاني"
ريووف "ليه"
ناظر ماجد بفارس وقرا الجواب "اليوم بيكون مزحوم زوار واغلبهم رجاجيل بكرا الصبح انا اوديك اذا بغيتي "
وركز على بغيتي ...
سكتت ريووف ماردت على اخوها الكبير ...
وقفت ريووف ..قال ماجد "وين"
ريووف "بروح ادق على جود اكيد قالبتها مناحه بنت عمي واعرفها"
سكت ماجد شوي ثم قال "لا تبطين ابيك بسالفه"
ريووف كان عقلها مع بنت عمها وما انتبهت للهجة اخوها الجديه...
طلعت للمجلس الثاني ودقت على جوال جود
بعد دقتين ردت جود وصوتها رايح وطي "هلا ريووف"
ريووف "هلا حياتي شخبارك"
جود بكابه "ماشي الحال"
ريووف "ياشيخه لا تفاولين ان شاء الله بخير وعافيه وماجد يقول عدت على خير السالفه"
جود "ربك كريم .."
ريووف "روحي نامي شكلك من نامتي من امس "
جود "أي والله على رجعتي من امس "
ريووف "اجل نامي وباذن الله اجيك اليوم وتذكري انه مقدر ومكتوب وان المومن لاصبر على المبتلا ربي يجازيه خير "
سكتت جود شوي متردده هل ريووف عرفت بموضوع رجلها ولا لا بس فضلت تسكت لين ريووف تفتح السيره ..او لين هي تروق وتنام عشان تعرف تتكلم زين بدل ما تخبص الامور وتحوس السالفه كلها..
جود "ونعم بالله "
ريووف "يالله حياتي سلام "
جود "هلاا والله "
طارق من وراها "الحلوه تكلم مين..؟"
جود وهي تسلم على ولد اخوها الغالي "اكلم ريووف بنت عمي ......... اهلين تركي هلا وغلا " وراحت تسلم عليه
طارق اسود مزاجه "ماتدرين اذ علمها ماجد عن سالفه خالد"
جود "ماظنيته"
طارق "لازم يعلمونها خالد بيجي الرياض اليوم ان شاء الله"
جود "بيعلمونها اكيد "
ناظر طارق في حالتها ..والظلال الي تحت عيونها ..
"اقول جود روحي نامي لك كم ساعه "
جود ودها تجلس معه لانها مشتاقه له في نفس هلكانه على الاخير وفيها نوم ...
"ودي اجلس معك "
طارق "لا تخافين انا معي اجازه انتي نامي واذا صحيتي دقي على وانا اجي "
جود وهي تبتسم "حلو "
طارق وهي يبتسم "يحلي ايامك "
وطلعت غرفتها ...
/
/
/
/
@@@@@@@@ بيت ماجد
نادى ماجد ريووف وجت لهم ..
"هلا ماجد ناديتني"
ماجد "ايه تعالي اجلسي"
ريووف خافت "خير ان شاء الله"
ماجد متقصد "ان شاء الله مايصير الا كل خير"
وناظر في فارس الي وجهه مشحب لانه مايحب هالمواقف وموت ابوه مازال مآثر عليه لليوم ذا ..
ماجد بهدوء "خالد تعب عليهم قبل كم يوم تعرفين سالفه الصداع"
طلعت عيون ريووف قدام وقلبها تسارعت دقاته "ا ايه ..عنده صداع يمسكه احيان بس ذا مو شي جديد "
ماجد "مايهم المهم انه بخير وهو راجع الرياض اليوم ان شاء الله على العصر "
ريووف تبلدت "م..ماجد ممكن توديني بيتي"
سكت شوي وظنه باخته القويه ماخاب ... "ابشري روحي جهزي اغراضك"
وقفت وبسرعه ركض على غرفتها..بدون شعور جمعت اغراضها دخلت البتول حاطه السماعات باذانها وترقص ..ناظرت اختها ونزلت سماعاتها ..."على وين"
ريووف بكت فجاه "خالد مريض وانا اخر من يعلم"
رمت البتول مسجلها على السرير "مريض"
ريووف وهي تمسح دموعها "ايه مريض وانا ارقص فرحانه وفالتها"
البتول مذهوله ومرتبكه "وش السالفه "
ريووف "لو اعرف علمتك انا بروح بيتي الحين وانتظره هو بيجي العصر"
وجلست بتول تساعدها...
غسلت ريووف وجهها ونزلت وعبايتها بيدها ..
ماجد وهو ياخذ مفتاحه من جنبه "جاهزه"
هزت راسها
ماجد "مشينا"
طلعوا برى وركبت ريووف معه بسيارته ...
قال ماجد وهم بالطريق "اوصيك عاد بالصبر ياريوف اعرفك قدها وقدود واعرفك بنت رجال"
ريووف رجعت تماسكت هي مو بزره ضعيفه هي انسانه ناضجه عاقله وعندها تجارب صقلتها للمواقف الي زي كذا مو هي الي وقفت مع ماجد في موت ابوهم مو هي الي تحملت طبع زوجها الصعب شوي والمتقلب..موهي الي بالعه حركات عمة زوجها وبناتها وتقلب مزاج عمتها امه ...
ريوف باصرار وعزيمه "ابشر يا خوي ولايهمك"
ناظرها ماجد بحنان ياليت الكلمات تسعفه ..ويواسيها ..
وقف عند باب البيت وانتظرها لين دخلت وسكرت الباب..
دخلت ريووف البيت ومالقت عمتها ام زوجها...راحت لغرفتها ونزلت عبايتها ..وطلعت تدورها
مالقتها بالصاله ولا المطبخ ...
سمعت صوت سلوى زوجه حمدان ...تكلم عيالها وتهاوشهم على الاقل فيه حركه بالبيت...
سلوى حست بوجود ريووف "اهلييييييين جيتي"
مالقت ريووف نفسها الا بحضن سلوى وتصيح
سلوى تنكدت "يو يو وهذي ريوف القويه يالله عاد انتي انسانه مومنه والواحد منا تمر عليه اختبارات من الله عز وجل ولازم نكون صابرين محتسبين "
ريووف مسحت دموعها "هذا زوجي يا سلوى "
سلوى تمزح "يعني طلعتي تحبينه برغم الزعاق والهواش كل يوم "
ريووف وهي تبتسم بحزن "طبعا احبه هو زوجي "
سلوى "الله يشفيه ويسخره لك يا قلبي انتي تستاهلين كل خير "
ريووف "امين ماتدرين علامه يا سلوى "
ترددت ماجاوبت وقرت بعيونها الشي الي مايسر ..
ريووف بالحاح "تكفين علميني "
سلوى ترددت وقالت "مدري يا ريووف اخاف ان قلت لك ..... وسكتت
ريووف همست "الخبيثـ "
دمعت عيون سلوى...
وسكتت ريووف مصدومه ..وغير مصدومه
قلبها كان ماكلها وكانت عارفه ان السالفه اكبر من صداع عادي
قالت بقوه نفسيه "وينه فيه "
سلوى بحزن "بالدم"
ريووف استمرت بلهجتها الماساويه "يعني انتهى كل شي "
سلوى بقوه "لا تقولين كذا فالك ما قبلناه ..لكل ضيقه مخرج راح نعمل المستحيل"
ريووف ناظرتها وبعيونها كل حزن العالم .."زوجي يموت ..وعمي الله اعلم بحاله ..وش ذا المصايب"
سلوى "لا يا ريووف لا تتشائمين تكفين "
ريووف "وين عمتي"
سلوى "عند فهد ..."
ريووف "متى راحت"
سلوى" لها اكثر من اسبوع "
ريووف "احسن بعد زوجه فهد داعيه ماشاء الله عليها وكلامها يطمن القلب "
سلوى "أي والله ام مقرن قدها وقدود وانا كلمت خالتي ونفسيتها عال العال "
ريووف "ايه الحمد لله هي مره كبيره وفيها ضغط مو زين تزعل"
سلوى "أي والله ......دريتي ان خالد وحمدان بيرجعون اليوم"
ريووف "ايه قال لي ماجد "
سلوى "يالله فرفشي وعلميني شصار بالعرس امس انا عيالي كانو مرضانين ولا كان حضرت"
ريووف ابتسمت "والله وناسه وفله ...والعرس كان زين الحمد لله"
سلوى "يستاهل الحمد"
سلوى وقفت وسحبت ريووف معها تعالي المطبخ ... نسوي الغدا ونتسلى امشي"
وطبعا ريوف تعرف سلوى لحوحه
وما ردتها ...
/

@@@@>بالعصر وبمكانين ...
الاول **مطار الملك خالد الدولي*
نزل خالد واخوه حمدان من الطياره...خالد كان مشحب مهدود الحيل رفض يجي باسعاف من جده ورفض مرافقه ممرض لانه مو ضعيف ولا محتاج رعايه ..
ورغم انه مضطر يتنوم بالمستشفى مره ثانيه الا انه كله تفاءل بالحياه ...
حس بطمانينه ..براحه...بسلام ..
وهو كل ماصحى من المسكنات والادويه توضا وقرا له جزء من القران ...
حمدان "كيفك الحين"
خالد "الحمد لله زين انت خلص وانا بنتظرك "
حمدان "زين"
وخمس دقايق الا حمدان راجع ومعه شنطهم ...ركبو السياره متوجهين لمستشفى الملك فيصل التخصصي ..
خالد وهو يمسك ذراع اخوه "ودني البيت يا حمدان"
انذهل حمدان "بيت.....المستشفى مجهزين لك سرير تقول البيت"
وكانت مصر
حمدان استسلم "ماعندي مانع بس نتغدا ونمشي شقلت"
خالد "زين"
وراحو للبيت ...
بعد نص ساعه ...@@@@ وصلو بيتهم ونزلو
سمعن البنات نحنحت حمدان عشان ريووف تتغطى .. وتغطن ...
حمدان قال لريووف وهي طالعه وجايه لهم .."السلام عليكم ..ريوف خليه يرتاح عشان الساعه خمس يروح المستشفى يستكمل الفحوصات "
ريووف "ط..طيب"
قالت له بهمس "خالد شلونك "
خالد "بخير الحمد لله "
وراحو الجناح حقهم طبعا سلوى كانت تشوف حال خالد ومذهووووووله على الاخر وين خالد الي مليان وصحته ممتازه ,,
هذا شبح خالد مو هو اكيد مو هو ...
حمدان "غداكم زاهب يا سلوى"
بغصه "ايه احطه لك "
حمدان "ايه انا بروح اتسبح ثم بتغدى "
سلوى "جايه معك"
حمدان "علامك مرتبكه "
سلوى ساكته وماتكلمت الا يوم دخلو الجناح "مو هذا خالد الي اعرفه مو هو "
حمدان باسى "الشكوى لله "
سلوى مذهوله "كيف من صداع تتطور لحاله لسرطان الدم فهمني"
حمدان نزل شماغه وقال "الصداع ماله دخل كان عارض صحي خالد اذا اخذ برد ذي سواته صداع بس ومايبين المرض عليه الا بعد فتره طويله ويكون خفيف ...لكن السرطان كيف جاه ذا لغز ماله حل"
سلوى "مافيه شي يجي بدون سبب"
حمدان "استغفري ربك "
سلوى "استغفرك ياربي مو قصدي كذا قصدي انه يجيه السرطان الله يعيذنا منه كذا فجاه "
حمدان "صدقيني شي محير بس الطبيب يقول وراثه "
سلوى بتردد "حمدان بقولك رايي ولا تضحك علي"
"قولي"
"ياخوفي تكون السالفه عين "
حمدان مصدوم "اتركي عنك هالخرابيط"
سلوى جلست جنبه "والله ما اخربط "
"مو معقول"
سلوى "عن جابر - رضي الله عنه - قال : قال رسول الله صلى الله عليه وسلم : ( أكثر من يموت من أمتي بعد قضاء الله وقدره بالعين ) ( السلسلة الصحيحة – 774 )
..وفسره النووي : ( في الحديث إثبات القدر ، وهو حق ، بالنصوص وإجماع أهل السنة ، ومعناه أن الأشياء كلها بقدر الله تعالى ، ولا تقع إلا على حسب ما قدرها الله تعالى ، وسبق بها علمه ، فلا يقع ضرر العين ولا غيره من الخير والشر إلا بقدر الله تعالى 0 وفيه صحة أمر العين ، وأنها قوية الضرر 0 والله أعلم ) ( صحيح مسلم بشرح النووي )
حمدان اندمج مع زوجه الي تدرس مادة الدين بالثنوي "ايوه كملي"
سلوى "عن جابر وأبي ذر - رضي الله عنهما - قالا : قال رسول الله صلى الله عليه وسلم : ( العين تدخل الرجل القبر ، وتدخل الجمل القدر ) ( السلسلة الصحيحة - 1249 ) 0
قال المناوي " العين تدخل الرجل القبر " أي تقتله فيدفن في القبر ، " وتدخل الجمل القدر " أي : إذا أصابته أو أشرف على الموت ذبحه مالكه وطبخه في القدر 0 وهذا يعني أن العين داء والداء يقتل فينبغي للعائن أن يبادر إلى ما يعجبه بالبركة فتكون رقية منه ) ( فيض القدير – 4 / 397 )
حمدان بامل "العين حق زي ماذكر رسولنا الكريم يعني فيه امل يشفى منها"
سلوى "ربك كريم ..راح يستمر بعلاجاته مع الاطباء وراح نرقيه وعساه يلقى الدوا ويتشافى بقدرة قادر "
حمدان حس بروحه ترجع له وساوسه تتلاشى "ربك كرررررررررررريم "
ابتسمت سلوى وقامت تجهز له ملابسه ...
"يالله بروح اجهز غدانا "
وطلعت ..
ابتسم حمدان وحمد ربه الي وهبه هالزوجه الصالحه الفاهمه والمتدينه ...
/
/
@@@@بجناح خالد ...
مسكت ريووف يد خالد وقالت له "ماتشوف شر ان شاء الله ياجعله بعدوينك"
ودمعت عيونها ..
ابتسم خالد "تخافين علي"
ريووف بهمس "ان ما خفت عليك اخاف على من "
خالد نزل عيونه بالارض ومارد ...
قالت ريووف بابتسامه تداري المها عنه لا تحبطه زود ..."اجهز لك ملابس تتسبح ولا تنام لين ننزل الغداء"
خالد "لا بتسبح الحين"
ريووف "ابشر "
وقامت تجهز ملابسه له وهو دخل يتسبح ..
طلعت ريووف من الجناح تساعد سلوى...
راحت ترتب السلطه بالصحون ودمعتها تنزل وتمسحها ...
ماحست الا وسلوى حاطه يدها على كتفها ...تواسيها "الله حط لكل ضيقه مخرج تفائلي بالخير "
هزت ريوف راسها وجهزن سفرتهم بالمجلس ...
طلع خالد ولبس ملابسه وطلع لقى اخوه ينتظره على سفره الغداء ...
ياه شكثر اشتاق للبيت ولريووف ...عمره ماكان منصف معها ولا مقدر قيمتها صح ...عسى الله يمهله الوقت الكافي ويعوضها عن ليالي الهوشات والضيق والعناد الي سببها لها ...
/
/
/
المكان الثاني "المستشفى المتنوم فيه بو متعب"
كانت جود واريام وامال والعيال وامهم عنده ... وكان يناظرهم ويتكلم ببطء لانه مجهد
ظلت جود طول الوقت متمسكه بيده ...
اخوانها عارفين انها اكثر وحده متعلقه تعلق جنوني بابوها ..كانت تناظره بدموع وهو يبتسم لها بعيونه ...
لما انتهت الزياره مابغت تتركه ..حبت راسه من قلب وطولت بوستها ..
طاحت دمعتها على خد ابوها ,,,
مايدري الا ودمعته تنمزج مع دمعتها ...بمشهد يعجز الوصف عن تصويره ...
قالت بهمس "الله يطول لي بعمرك ويجعل يومي قبل يومك يبه "
هز راسه مستنكر دعوتها ,,,
رجعت رددتها على راسه وهي تشهق بكتمات .."جعل يومي قبل يومك يا بوي"
بندر "خلاص جود اتعبتي ابوي اهدي كلها ايام ويطلع "
اريام تمسح دموعها "خلاص جود ابونا بخير الحمد لله "
جود ماتكلمت تغطت وطلعت ...
اريام باست راس ابوها "ماتشوف شر يبه والله يرجعك وتنور البيت"
وطلعت سلمو عليه عياله ...باستثناء يزيد الي تعبان ويرتاح بالبيت ...
سلمت عليه امال "معافى يا الغالي الله لا يحرمنا منك يارب "
ام بندر حبت راسه ويده ..."الله يرجعك لنا يا سندنا ولا يحرمنا منك ابد "
ارمش بعيونه لها وقال بتاته واجهاد "الله يسلمكم جميع"
جت الممرضه ونشبت لهم لانه مريض وتعبان حيل ماله حيل للضغوط النفسيه والتثقيل بالزيارات ...
طبعا قبل جيه البنات كانو عيال سلمان (ماجد وفارس ) عنده وطلعو لانهم موصين بندر اذا جاب امه وخواته يبلغهم عشان مايحرجون البنات وياخذن راحتهن ...
قالت جود وهي مستمره صياح "ابوي تعباااان حيل "
الوليد "هذي جلطه يا جود مو لعب "
اريام كانت تشيل كرشتها وحالتها حاله وامال ماتدري عن عيالها تركتهم عند الشغاله وطارت للمستشفى معهم ...
بندر كان مصدوم توه يدري ان ابوه عنده فايروس بالكبد وانه له شهور يتعالج عنه ...
أي العيال هو ...
من أي تصنيف ينحط ..
وابوه يتعب ... يضرب ابر .. وهو مايدري
يحس بنيران الدنيا بقلبه على تقصيره بحق ابوه الي رباه وكبره وعلمه وخلاه رجال والنعم فيه ...
قال عمر "ندى ماتدري "
بندر "الا انا علمت مشاري يقول لها "
ام بندر "ليه يمه تخرب فرحتها "
بندر "يمه ذا ابونا ولازم تدري ماهي باجنبيه هي وابوي الحمد لله حالته مستقره وزينه "
طبعا وهم ماشين بالسيب يتناقشون االا يشوفون مشاري وندى جاين بسرعه ...
بندر انصدم "مشاري"
مشاري "السلام عليكم"
"وعليكم السلام"
مشاري "وين الغرفه عجل الزياره ربع ساعه وتنتهي"
وعلمه بندر ...
بالوقت نفسه كانت ندى بحال مايعلم بها الا الله ....صحيح مشاري علمها بطريقه زينه ما روعتها وقال لها انه ارتفاع بالضغط بس وماكمل الا انها بتشوفه بعيونها عشان تتاكد وترتاح ...
ضمتها جود من قلب وجلست تصيح ..
امال تعاتبها "جود خوفتي اختك الي فيها مكفيها"
كانت ندى تصيح معها ..
مشاري "خلاص يا بنات اذكرن الله مافيه الا الخير يالله يا ندى امشي "
مشت ندى معه بدون تردد ...
دخلت غرفه ابوها وكانت الممرضه تاخذ ضغطه ..
عصبت الممرضه وجلست تهاوش ..
ارتفع ضغط ندى وقالت "اقلع ذي عني لا اتوطى ببطنها رايقه لها "
عصب مشاري "الحين ذا وقته ."
وجلس يتهاوش معها ..شوي ويصفقها ...
واخيرا كلم صديقه يشتغل بالمستشفى وجا وتفاهم مع الممرضه واعتذر من مشاري ...
جلست ندى جنب ابوها تحب يدها "ماتشوف شر يبه جعل الي فيك فيني"
ابو متعب "لا يبه"
ندى وهي تمسح دموعها بعد ماحست بيد مشاري على كتفها تهديها ..."ان شاء الله تطلع لنا معافى وجهك ماشاء الله منور "
ابتسم ابوها بوهن ...وسلم عليه مشاري وتحمد له بالسلامه ....


،